InfoHub Logo

Mýzyka 4 synyp
Sabaqtyń taqyryby: Abaı Qunanbaevtyń “Segiz aıaq” áni.
Sabaqtyń maqsaty:
A) Bilimdilik máni; Oqýshylarǵa ánniń maǵynasyn túsindirý, mátinin taldaý, ánniń yrǵaǵyn áýenin úıretý.
á) Tárbıelik máni; Oqýshylarǵa án arqyly avtordyń ıdeıasyn jetkize bilýge baýlý, adamgershilikke, ımandylyqqa, mádenıettilikke jáne etıkalyq, estetıkalyq tárbıe berý.
b) Damytýshylyq máni; Oqýshylardyń sazgerlik saýatyn shyńdaý, ómirge degen kózqarasyn qalyptastyrý, oılaý qabileti men oı - órisin damytý.

(Synypta mýzyka oınalyp turady, oqýshylar birtindep synypqa kiredi.)
Muǵalimniń oqýshymen amandasýy, oqýshylar anty oryndalady

Oqýshylarǵa nota saýaty boıynsha daýys jattyǵýyn dırıjerlyq shemamen jasatý.
DO major gammasy.

Synyp oqýshylaryn úsh topqa bólý.
1. “Abaı” aýyly, 2. “Ybyraı” aýyly, 3. “Shoqan” aýyly
Úı tapsyrmasyn suraý;
1) Úıge qandaı tapsyrma berildi? / “Kózimniń qarasy” áni/
2) Abaıdyń qandaı óleńderin bilesińder? / “Qys, jaz, kúz t. b.”/
3) Abaı ánderiniń tárbıelik máni nede? /Adamgershilik, ımandylyq bilimge/
4) “Kózimniń qarasy” áni ne jaıly jazylǵan? /mahabbat lırıkasy/
5) Abaı ánderi qandaı mýzyka túrlerine jatady? /klasıkalyq mýzyka/
6) Klasıkalyq mýzyka degenimiz ne? /tereń maǵynaly mýzyka qoryna engen shyǵarma/
7) Kameralyq mýzyka degenimiz ne? /aspapqa nemese daýysqa arnalǵan mýzyka/
Abaı danyshpan – qara sózderimen
Abaı aýdarmashy – Pýshkın, Gete;
Abaı aqyn - óleńderimen
Abaı oryndaýshy - ónerpazdyǵymen
Abaı sazger - ánderimen
Abaı aǵartýshy - bilimdiligimen

Jańa sabaq: Mine, balalar! Biz Abaıdyń kóptegen óleńderimen qatar ánderinde jattadyq. “Qarańǵy túnde taý qalqyp”, “Jelsiz túnde jaryq aı”, “Kózimniń qarasy” sıaqty ánderi tabıǵat sulýlyǵyn kirshiksiz jyrlasa, mahabbat lırıkasy da oryndaýshyny eriksiz uıytyp alary sózsiz. Sondaı ánderdiń biri – “Segiz aıaq” áni

1. Alystan sermep,
Júrekten terbep,
Shymyrlap boıǵa jaıylǵan.
Hıýadan shaýyp,
Qısynyn taýyp,
Taǵyny jetip qaıyrǵan.
Tolǵaýy toqsan qyzyl til
Sóıleımin deseń óziń bil 2 ret

2. Ótkirdiń júzi,
Kesteniń bizi,
Órnegin sendeı sala almas.
Bilgenge marjan,
Bilmeske arzan,
Nadandar bahra ala almas.
Qınalma beker til men jaq
Kóńilsiz qulaq oıǵa olaq 2 ret

3. Basynda mı joq,
Ózinde oı joq,
Kúlkisiz kerden nadannyń.
Kóp aıtsa kóndi,
Jurt aıtsa boldy,
Ádeti nadan adamnyń.
Boıda qaırat, oıda kóz
Bolmaǵan soń, aıtpa sóz 2 ret
4. Atadan altaý,
Anadan tórteý,
Jalǵyzdyq kórer jerim joq.
Aǵaıyn bek kóp,
Aıtamyn eptep,
Sózimdi uǵar elim joq.
Molasyndaı baqsynyń 2 ret
Jalǵyz qaldym tap shynym

Bul án 1889 jyly - Abaı zamanynda adamdar jaıly jazylǵan shyǵarma.
Abaıdyń muńy men zary, dáýiri men halyq qaıǵysyn jyrlaıdy. Sondyqtan qaıǵy – qasiretti óz qaıǵysyndaı sezedi. Janyndaǵy adamdardyń saýatsyzdyǵy janyna qatty batyp, án arqyly jyrlaıdy.
Oqýshylarǵa ándi áýenimen úıretý.
Venn dıagramsy
Neni beıneleıdi?
Nege tárbıeleıdi?

1. “Segiz aıaq” áni ne jaıly jazylǵan?
2. Abaıdyń aıtar oıy qandaı?
3. Ánniń áýeni qandaı ólshemmen oryndalady?
4. Ánniń basqa áýenderden ózgesheligi nede?

Qorytyndy: Oqýshylardyń bilimin pysyqtaı kele, baǵalaý.
Úıge: Ándi jattap, maǵynasyna shyǵarma jazý.