InfoHub Logo

Abaı tereńine úńilý
Sabaqtyń maqsaty: İ. Bilimdilik. Uly aqyn Abaı ómiri men shyǵarmashylyǵy boıynsha ótken taqyryptardy bekitý, qorytyndylaý.
İİ. Damytýshylyq. Aqyn shyǵarmalarynyń kez kelgenin taldaı bilý daǵdysyn odan ári qalyptastyrý, oqýshynyń sóıleý tilin damytý.
İİİ. Tanymdyq. Óz betimen izdene bilýge, oı qorytýǵa daǵdylandyrý.
Sabaq ádisi: aralas, panoramalyq.
Túri: qazyna sabaq.
Kórnekiligi: aqyn portreti, aqyn óleńderinen úzindi, aqyn týraly aıtylǵan uly adamdardyń sózderi, sabaq jospary, epıgraf jazylǵan plakat better, gazet jýrnal materıaldary, fotosýretter, aqyn shyǵarmashylyǵyna arnalǵan papka, kitap kórmesi, sózjumbaq, test materıaldary.

Sabaqtyń barysy.
Uıymdastyrý.
İİ. Kirispe.
Júregińniń túbine tereń boıla, Men bir jumbaq adammyn, ony da oıla.
Soqtyqpaly, soqpaqsyz jerde óstim, Myńmen jalǵyz alystym kiná qoıma,- dep aqynnyń ózi aıtqandaı, «soqtyqpaly, soqpaqsyz jerde ósip», tar jol, taıǵaq keshý ómir keshken, ókinish pen óksigi kóp, qaıǵysy men qasireti mol qarańǵy qapas ólkede de el muńdaryn «asaý júreginen» aǵyta, shabytty jyr ǵyp tókken alyp Abaı týraly sabaǵymyzdy jyr alyby Jambyldyń óleńimen bastaǵandy jón kórip turmyn.
Abaıdyń sýretin kórgen ol:
Myna turǵan Abaıdyń sýreti me?
Óleń sózdiń uqsaǵan qudiretine.
Aqyl, qaırat, bilimdi teń ustaǵan
Ór Abaıdyń tótegen kim betine?- dep aıtqan eken.( sabaqtyń bastalýy - slaıd) kórsetiledi.
Sabaq jospary

İ. Abaı - sazger
İİ. Abaı - aýdarmashy
İİİ. Abaı – qarasóz sheberi
İÚ. Abaıdyń – tabıǵat lırıkasy
Ú. Ádebı teorıalyq taldaý
Úİ. Shyǵarmashylyq jumys
Úİİ. Qorytyndylaý

Úı tapsyrmasy boıynsha Marjan slaıd arqyly Abaıdyń ómirbaıanymen tanystyrý.
1. Sabaq jospary boıynsha Qundyz daıyndaǵan materıaldarymen tanystyrady.
2. Abaı - aýdarmashy bólimi boıynsha Qundyz tanystyrady. Sońynda «Tatánanyń haty» ánin oryndaıdy.

3. Muǵalim: «Abaı - búgingi adamǵa qajetti saýatty, erekshe bilimdi ýaǵyzdyń ıesi... Hakim Abaıdyń qara sózderi adam týraly ǵylymnyń kórkem sózben baıandalýy» deıdi ǵalym A. İsmaqova.
Ary qaraı Aýǵanbaı daıyndaǵan materıalyn Abaıdyń qarasózderi slaıdy arqyly tanystyrady.

4. Muǵalim: - Abaıdyń orys poezıasynan alǵan taǵy bir úlgisi - tabıǵat lırıkasy. Tabıǵat adam balasynyń eńbek etip, ómir súretin ortasy. Ony dúnıe júziniń klasık aqyndary berile jyrlaǵan. Bireýler taza peızajdyq sýretter jasasa, ekinshi bireýleri tabıǵat arqyly qoǵamdyq ómirdi sýretteıdi. Abaı da tabıǵatty ózinshe jyrlaǵan. Abaıdyń «Jaz», «Kúz», «Qys», «Qarasha jeltoqsanmen sol bir - eki aı», «Jelsiz túnde jaryq aı» atty tabıǵat lırıkalary bar. Abaı qys tabıǵatyn budan ózgesheleý stılde sýretteıdi. Bul naǵyz orys poezıasynyń klasıkalyq úlgisimen týylǵan óleń. Abaı qysy: N. Nekrasovtyń «Aıaz atasy» tárizdes. Bul óleńinde Abaı qysty beıneleı kele kóshpeli eldiń kúzgi tirshiligi men tabıǵattyń júdeý kórinisin, kedeı úıleriniń turmysyn kórsetedi. Adam men tabıǵattyń birligi taqyrybyn orys poezıasynan ala otyryp. Abaı qazaq ómirimen baılanysty keń damytty. Endi oqýshylar óleńderiniń shyǵý tarıhymen slaıd arqyly tanystyrady.