InfoHub Logo

Sabaqtyń taqyryby: Ábý Nasyr ál - Farabı týraly ańyzdar. Saǵynysh sazy
Sabaqtyń maqsaty:
Bilimdik: Ábý Nasyr ál - Farabı ómirimen tanystyrý, olar týraly qosymsha maǵlumattar berý.
Damytýshylyq: oqýshylardyń til baılyǵyn, baılanystyryp sóıleý qabiletterin damytý.
Tárbıelik: halyqqa eńbek etýge, adal bolýǵa baýlý.
Sabaqtyń ádis - tásilderi: áńgimeleý, baıandaý, suraq - jaýap.
Sabaqtyń kórnekiligi: ál - Farabı portreti, naqyl sózder.

Sabaqtyń barysy:
I. Uıymdastyrý kezeńi.
Oqýshylardyń nazaryn sabaqqa aýdarý.
II. Jańa sabaq.
Ábý Nasyr ál - Farabı Otyrar qalasynda 870 jyly ómirge kelgen. Erte kezde arabtar Otyrar qalasyn Farab dep ataǵan. Sodan uly ustaz Farabı atalyp ketken. ál - Farabı Otyrarda alǵash ret qypshaq tilinde bilim alǵan. Ol parsy, arab, túrki tilderin meńgergen. Grekshe, latynsha bilgen.
Dúnıe júziniń ǵalymdary onyń ǵulamalyǵyn erekshe baǵalap, Arıstotelden keıingi «ekinshi ustaz» dep ataǵan.

Mátinmen jumys.
«Ónerli jigit», «Saǵynysh sazy» mátinderin túsinip oqý.
Mazmuny men ıdeıasyn ashý.
Sózdik jumysyn júrgizý.
Oqýshylarǵa tizbekteı oqytý.
Ábý Nasyr ál - Farabı qaıda týyp - ósken?
Otyrardy arabtar qalaı ataǵan?

Mátin mazmunyna saı maqal - mátelder aıtqyzý.
Ónerli jigit órge ozar,
Ónersiz jigit jer soǵar.
Ustazdan shákirt ozar.

Bilimdiniń aldy - jaryq,
Bilimsizdiń túbi ǵaryp.

Oı túbi - altyn,
Oılaı berseń, alarsyń.

III. Sabaqty bekitý.
Tómende berilgen maqal - mátelderdi paıdalanyp, óziń taqyryp tańdap, shaǵyn shyǵarma jaz.
Aqyldan artyq baılyq joq.
Aqyl bazarda satylmaıdy.
Baılyqtyń kilti - ǵylym.

IV. Úıge tapsyrma.
Mátinderdi túsinip oqyp kelý.
Farabı jaıly basqa da áńgimeler taýyp oqyp kelý, qosymsha málimet jınaý.