InfoHub Logo

4 synyp
Taqyryp: Adal dostyq
Qundylyq: «Aqıqat»
Qasıetter: Shynshyldyq, adaldyq, adamgershilik.
Sabaq maqsaty: Oqýshylarǵa shynaıylyq, shynshyldyq, adaldyq týraly túsinigin keńeıte otyryp, aqıqat qundylyǵyn oıatý.
1. Oqýshylarǵa aqıqat qundylyǵynyń shynshyldyq, adaldyq, adamgershilik túsinikterin keńeıtý
2. Oqýshylardyń ózara qarym – qatynastaǵy shynshyldyq, shynaıylyq, «adal dostyqty» qadirleı bilýge úıretý.
3. Aqıqattyń adam ómirindegi mańyzdylyǵyn uǵyndyra otyryp, adamı shynaıy qundylyqtarǵa tárbıeleý

Sabaq barysy: Uıymdastyrý kezeńi.
Oqýshylarmen amandasyp, «Ózin - ózi taný» sabaǵynyń erejesin «5T» qaıtalap, sabaqqa qatysqandary úshin ár balaǵa 20 upaıdan beremin. Oqýshylardyń oqý quraldaryn «5 zatty» tekserip, upaılaryn túgendeımiz.

Tynyshtyq sáti.
«Sý asty patshalyǵyna oısha saıahat.» Yńǵaılanyp otyryńyzdar, denelerińizdi túzý ustańyzdar. Aıaq - qolyńyzdy aıqastyrmańyz, qolyńyzdy tizege nemese ústelge qoıýǵa bolady. Kózderińizdi jumyńyzdar.

Muǵalim: Kózińizdi jumyńyz jáne birneshe ret tereń tynystańyz; deneńizdi bosatyńyz. Birneshe sekýndtan soń teńiz túbine saıahat jasaımyz.

Teńiz jaǵasymen kele jatqanyńyzdy elestetińiz. Tolqyndardyń jeńil shalpylyna, shaǵalalardyń shýylyna qulaq túrińiz. Jalań aıaqtaryńyzben qumdy sezinińiz. Shalǵaıdan qara núkte kórip tursyz: ol jaqyndaǵan kezde delfın ekenin túsindińiz. Ol sizdi teńiz túbine alyp ketý úshin keldi. Ol óte ádepti jándik, sizdi shydamdylyqpen kútip tur. Jaılap onyń arqasyna otyryńyz, myqtap ustap, jolǵa shyǵyńyz. Delfınniń arqasynda jaılanyp otyryp, ózińdi qaýipsiz seziný, sý astynda júzý qandaı keremet. Jan - jaǵyńyzǵa qarańyz: munda kempirqosaq tárizdi arly - berli jarqyraı qalqyǵan ásem balyqtar qanshama. Teńiz túbine boılaǵan saıyn aınala qalaısha ózgeredi, sýda terbelgen qanshama ǵajaıyp baldyrlar. Qarańyzshy, qandaı orasan zor balyqtar, al endi anaý jaqqa kóz tastańyz... bul orasan zor segizaıaq. Sý asty netken qyzyqty ári ǵajap álem. Siz bir nárseni baıqadyńyz ba? Munda netken tuńǵıyq, tolyq tynyshtyq. Osy tynyshtyq kúıde bolyńyz.

Al qazir joǵaryǵa, óz álemimizge keri qaıtýǵa daıyndalyńyz. Aınalaǵa jiti qarańyz. Ǵajap tústerge taǵy bir ret qarańyz jáne tynyshtyqqa qulaq túrińiz. Osyndaı tynyshtyq sizge samaldaı áser beredi. Endi delfın keri qaraı jolǵa shyqty. Siz sý betine shyqtyńyz, jaǵaǵa jaqyndadyńyz. Delfınniń arqasynan túsińiz, ony sıpalańyz jáne osyndaı ǵajap saıahatqa aparǵany úshin rızashylyq bildirińiz.
Synypqa oralyńyz jáne óz ornyńyzǵa kelińiz. Birneshe sekýndtan soń kózińizdi ashyńyz, osy túısingen tynyshtyqty óz boıyńyzda saqtaýǵa tyrysyńyz.

Úı tapsyrmasyn tekserý.
Tómendegi suraqtar arqyly úı tapsyrmasyn tekserý.
- Adal dostyq degende neni túsinesińder?
- Ańyz áńgimedegi jaýyngerlerdiń dostyǵy adal dostyqqa jata ma? Nelikten?
Dáıeksóz. Adamnyń jaqsy ómir súrýine úsh sapa negiz bola alady, olar barlyǵynan basym bolatyny – adal eńbek, minsiz aqyl, taza júrek. (Sh. Qudaıberdiuly)

1. Adam úshin adal eńbek ne?
2. Aqyldy adam qandaı bolady?
3. Júregi taza adamdar degen kimder?

Muǵalimniń syıy: «Ósıet áńgime»
Ertede bir aqyldy qarıa bolypty. Bir kúni aqyldy qarıaǵa bir jigit kelip: - Aqsaqal men qandaı jigitpin? Synańyzshy - depti.
Qart jigitke:- joldasyńdy kórset, sonan soń aıtamyn - depti.
Jigit joldasyn qartqa jiberipti. Qart jigittiń joldasymen uzaq sóılesip, aqyrynda jigittiń ózin shaqyrypty. Jigit kelgen soń, qart:
- Shyraǵym jaman jigit emessiń - depti.
- Qalaısha olaı deısiz? Meni buryn kórgen joqsyz ǵoı - depti jigit. Qart kúlip: -«Jigitti joldasyńa qarap baǵala» deıdi halyq - depti.

Shyǵarmashylyq jumys, toptyq jumys.
1top: oqýlyqta berilgen jaǵdaıattardy taldaý.
2 top: adal dostyqqa tán qasıetterdi jazý.
3 top: adal dostyq taqyrybynda 3 maqal jazý

Toppen án aıtý. Dos bolaıyq, bárimiz!
Sózin jazǵan: H. Talǵarov
Ánin jazǵan: I. Núsipbaev

Árqashan dos birgemiz
Ajyramas irgemiz.
İlgeri júrińder,
Dostyq jyryn bilińder
Tý ǵyp ustap birlikti!
Eńbekti súıińder!
Qaıyrmasy: Dos bolaıyq, bárimiz,
Jarasyp tur ánimiz,
Tynyshtyqty saqtaımyz,
Atsyn kúlip tańymyz!
3. Qaırattanyp qaryshta,
Ozyp shyqqan jarysta.
Batyl bas, jas ulan!
Samǵa bıik, alysqa,
Juldyzdarǵa, ǵaryshqa,
Boıda kúsh tasyǵan.

Úı tapsyrmasy.
№ 62 bettegi «Ashý dushpan, aqyl dos» mátinin oqý
Sońǵy tynyshtyq sáti.
Kózderimizdi jumamyz, búgingi ótken sabaqty oı eleginen ótkizińder, bul sabaq senderdiń ómirlerińe sabaq bolsyn, tek jaqsy, shyndyq nárseler oılaýǵa tyrysyńdar, sonda ǵana aınalamyz jaqsylyqqa, shyndyqqa tolary sózsiz. Endi kózderińizdi ashsańdar da bolady.