InfoHub Logo

Ózin - ózi taný sabaǵynyń jospary
8 synyp:
Taqyryp: Maqsat – jetistik jelkeni
Qundylyq: aqıqat
Qasıetter: bilim izdeý, oıdyń, sózdiń jáne istiń birligi, óz – ózine adal bolý

Sabaq barysy:
1. Uıymdastyrý kezeńi.
Oqýshylarmen amandasyp, «Ózin - ózi taný» sabaǵynyń erejesin «5 - T»- ny qaıtalap, sabaqqa qatysqandary úshin ár balaǵa 20 upaıdan beriledi.
Oqýshylardyń oqý quraldaryn «5 zatty» (kitap, dápter, penal, kúndelik, beıdjık) tekserip, upaılaryn túgendeımiz.

Tynyshtyq sáti «Nurǵa bólený»
- Rahmet.
Úı tapsyrmasyn tekserý
24 - shi bettegi «Ómir taǵylymy» ańyz - áńgimesin oqyp kelý berilgen.
-«Úsh aǵaıyndy jigit «Adam ómiriniń ótkeni, qazirgisi, álde bolashaǵy mańyzdy ma?» degen saýalǵa daýlasyp qalady.
Birinshisi:
- Ótken ómirim meniń qazirgimniń bastaýy boldy. Buryn úırengenderim qazirgi ómirime azyq bolyp otyr. Men óz – ózime rızamyn, sebebi alǵa qoıǵan maqsattaryma jetý úshin men qajymaı – talmaı kúrese bildim. Óz ómirime serik etken joldastarym da senimdi, - deıdi.
Sonda ekinshisi:
- Eger seniń aıtqanyń durys bolsa, adam «Túıe kórgeninen jazbas» degendeı, bir ornynda damymaı turyp qalar edi. Maǵan burynǵy úırengenim, qazirgi biletinim mańyzdy emes, bolashaǵym mańyzdy. Sondyqtan da men óz bolashaǵyma qajetti nárselerge úırenemin. Maǵan «eki jyl buryn men kim edim?» degen saýaldan «eki jyldan keıin meniń ómirim qandaı bolady?» degen saýal mańyzdyraq. Meniń qazirgi qaraketim buryn qandaı bolǵanyma emes, bolashaqta qandaı bolatyndyǵyma baǵyttalyp otyr. Maǵan jańa tanystar óte unaıdy, olardan bilmegenimdi úırenemin, al eski tanystarymnyń biletinin ózim de bilemin, - dep daýlasa jóneldi.
- Ótken men bolashaq tek senderdiń oılaryńda ǵana bolatyndyǵyn umytyp kettińder me? – dep sózge aralasty úshinshisi:
- Ótkeniń endi qaıtyp kelmeıdi, al bolashaǵyń jetkizbeıdi. Sondyqtan da ótkenińdi qansha ańsasań da, bolashaǵyńdy qansha qıaldasań da, olar qolǵa túspeıdi. Tek qazirgi ómirińde ǵana aldyńa izgi maqsat qoıyp, ómirińniń ár sátin osyǵan arnasań ǵana, óz ómirińdi ózgertýge bolady. Óıtkeni ótken baqytty oılaý – janyńdy jabyrqatady, bolashaq baqyt týraly oı janyńdy jegideı jeıdi, tek qazirgi ómirde ǵana óz oıyńdy júzege asyra alasyń».

Suraqtar:
1. Siz qaısysynyń pikirimen kelisesiz? Nelikten?
2. Qalaı oılaısyzdar, adam ómiriniń ótkeni, qazirgisi, álde bolashaǵy mańyzdy ma?
3. «Ótken baqytty oılaý – janyńdy jabyrqatady, bolashaq baqyt týraly oı janyńdy jegideı jeıdi» degen pikirdi qalaı túsinesizder?
4. Maqsat qoıýdyń adam ómirinde alatyn orny qandaı?
Túıindeme:
● Ótkendi rızashylyqpen este saqtaımyn!
● Bolashaqqa úmitpen senim artamyn!
● Qazir aqıqatpen ómir súremin!
(Áýeli qyzdarǵa, sosyn er balalarǵa, sosyn qosylyp oqytylady.)

3. Dáıeksózben jumys
- Balalar, Hİ ǵasyrda ómir súrgen babamyz nyń «Qutadǵý bilik» poemasyndaǵy myna bir óleń joldaryna nazar aýdaraıyq:
«Ótken ómir qaıtyp kelmes,
Bolashaǵyń bulyńǵyr.
Ómir degen uzaq emes,
Bos ótpesin abaı bol!» Júsip Balasaǵun
-«Ómir bir ret beriledi» degendi qalaı túsinýge bolady?
- Jaqsy ómir súrý úshin adamǵa qandaı qundylyq qajet?
- Ómirimizdi aqıqatqa arnasaq, ǵumyrymyzdyń bos ótpeıtinine senimdisiz be?
(Oqýshylar óz oılaryn ortaǵa salyp, taldaıdy.)
- Dáıeksózdi dápterimizge jazyp alamyz.