InfoHub Logo

(Brazılıa ertegisi)

Eldiń aıtýynsha, birjoly bambýk* pen tas sóz talastyrǵan eken. Árqaısysy adam ómiri ózinikine uqsasa depti. Al, onda ekeýiniń ne týrasynda qyzyl keńirdek bop aıtysqanyn tyńdap kórelik...

Tas:

— Adam ómiri meniki sekildi bolý kerek. Sonda, ol máńgi dáýren súredi.

Bambýk:

— Joq, joq, adam ómiri menikindeı bolýy qajet. Men ajal qusham, alaıda artynsha-aq tirilem.

Tas:

— Joq, negizi, bári basqasha bolǵany jón. Adam mendeı-aq bolsyn. Men soqqan jel, jaýǵan jańbyrǵa da qyńq etpeımin. Sýǵa da, sýyqqa da, ystyqqa da — tózimdimin, kónbispin, myqtymyn, qattymyn. Meniń ómirim — sheksiz, máńgilik. Janyma batar eshteńe joq, qaıǵy-muńnan da adamyn, qamsyzbyn. Adam ómiri de sondaı bolýǵa tıis.

Bambýk:

— Joq, qatelespe, adam ómiri menikindeı bolý kerek. Men ólgenimmen de, ósimtal urpaǵym keıpinde qaıta jańǵyramyn, jańaramyn, baılyǵym da — solar. Durys pa? Jan-jaǵyńdy bir sholyp shyqshy, bári — meniń uldarym, barshasy — balalarym, urpaǵymmen — baımyn. Olardan da úrim-butaq órbıdi, taraıdy, olar da ósip-ónedi, jaıqalady, báriniń terisi: jyp-jyltyr, jup-jumsaq, appaq ári tegis bolady.

Tas — ún-túnsiz. Túnergen kúıi ketip qalady.

Sóıtip, bambýk ony sózden utady.

Mine, nege adam ómiri men bambýk ómiri — ózektes, týystas ekenin endi ǵana baıqaǵan shyǵarsyzdar?!..  

*Brazılıa — bambýk ósimdigine baı memleket, óıtkeni onyń alýan-alýan túri bar jáne jergilikti halyq atalǵan astyq tuqymdasyna jatatyn aǵashqa asqan qurmetpen qaraıdy.   

Aýdarǵan: Qazaqstan Jazýshylar odaǵynyń múshesi, jazýshy-dramatýrg, ádebıettanýshy, synshy Álibek BAIBOL.

---