InfoHub Logo

Taqyryby: Adamgershilik - asyl qasıet (4 synyp)
Maqsaty:
Oqýshylarǵa adam boıyndaǵy asyl qasıetterdi tanyta otyryp, adamgershilikke, ádeptilikke, qarapaıymdylyqqa, ınabattylyqqa, qaıyrymdylyqqa tárbıeleý. Oqýshylardyń bir - birine degen syılastyq qasıetterin arttyrý, adam boıyndaǵy asyl qasıetterdi baǵalaı bilýge úıretý
Mindeti: Jas urpaq tárbıesiniń mańyzy jaıly aıtyp ótý. Qazaq otbasyndaǵy tárbıege jete toqtalý
Ádisi: toppen jumys áńgimelesý, suraq - jaýap
Kórnekiligi:
1. Naqyl sózder:
a) Adamnyń ishinde bolmaıdy alasy,
olardy buzatyn - nápsiniń talasy.
(Shákárim)

á) Adamǵa eń birinshi bilim emes, rýhanı tárbıe berilýi kerek, tárbıesiz berilgen bilim - adamzattyń qas jaýy, ol keleshekte onyń barlyq ómirine apat ákeledi.
(Ál – Farabı)

b) Adamnyń adamshylyǵy aqyl, ǵylym, jaqsy ana, adal qurby, jaqsy ustazdan bolady.
(Abaı)

2. Suraq belgisi túrinde qıylǵan fıgýralarǵa jazylǵan suraqtar, «Jaǵymdy ádetter» jáne «Jaǵymsyz ádetter» ekeýi jeke plakattyń basyna jazylǵan, marker, úlestirme kartalar, magnıtofon

Tárbıe saǵatynyń barysy.
Qurmanǵazy Saǵyrbaıulynyń «Saryarqa» kúıi baıaý únimen, tárbıe saǵaty bastalady.
İİ. /Synyp jetekshisi tárbıe saǵattyń taqyrybyn baıandap, maqsatyn aıtyp, kirispe sózben bastaıdy /

Kirispe bólim.
Muǵalim: Búgingi «Adamgershilik – asyl qasıet»
atty tárbıe saǵatymyz sizderge tereń oı salatyn ózindik salmaǵy bar taqyryp dep oılaımyn. Barlyǵyńyzdy taqyryp boıynsha ashyq áńgimege shaqyramyn. (Aldyn - ala daıyndalǵan suraq belgisi túrinde qıylǵan fıgýralarǵa jazylǵan suraqtardy bir - birden taqtaǵa japsyra otyryp, suraq - jaýap ádisimen oqýshylardy sóıletý).
- Adamgershilik degenimizdi qalaı túsinesińder?
- Adamnyń adamgershilik qasıeti qaı kezderde kórinis beredi?
- Ol qasıet bizge kerek pe?
- Ádepti adam qandaı bolady?
- Ádepsiz adam qandaı adam?
- Adaldyq degenimiz ne?
- Ádet degenimiz ne?
Adamgershilik degen ne? Bul suraqqa jaýap berý úshin «Rýhanı baı adam degen qandaı adam, rýh degen ne?»- suraqtary tóńireginde oı órbitemin. Rýh – adam boıyndaǵy bir qýat. Ol qýat - adam boıynda kezdesetin barlyq jaqsy qasıetter men jasaıtyn barlyq ıgi isterdiń qaınar kózi. Jaratylystyń barlyǵy eki qarama - qarsy nárseden turady: aq - qara, kún - tún, ystyq - sýyq, jaqsy - jaman. Adam boıyndaǵy barlyq jaqsy qasıetter rýhtan týyndaıdy, al jaman qasıetter nápsiniń kórinisi bolyp tabylady. Adam denesi bir bolǵandyqtan, onyń ishinde bılik úshin únemi osy eki qýattyń - «rýh pen nápsi» kúresi júrip jatady. Osyndaı qasıetterdi bar adamǵa adamgershiligi mol bolady.

Negizgi bólim:

1. Sahnalyq kórinis: Bir ana juqa qaltaǵa toltyryp salynǵan almasy bar, aıaldamaǵa jaqyndaı bere súrinip ketip, qaltasy jyrtylyp almasy shashylyp qalady. Aıaldamada turǵan top bala shý etip kúlip jiberedi. Oqýshylarǵa suraq qoıylady: sender sol balalardyń ishinde bolasyńdar ne ister edińder? (oqýshylar óz oıyn aıtady, muǵalim qorytyndylaıdy)

2. Kórinis: Úsh ana basy qosylyp, áńgimelesip turdy.
Birinshi ana: «Meniń balam óte aqyldy, ánshi, ónerli, matematıkadan nashar bolǵanymen bolashaqta keremet bir tanymal kisi bolatynyna senemin» - deıdi balasyn maqtap.
Ekinshi ana: «Meniń balam ádemi, taza kıingendi unatady. Aqshanyń da esebin jaqsy biledi. Shamasy bolashaqta balam úlken bıznesmen bolady - aý»,- dep maqtanady.
Úshinshi ana úndemeı turyp qalady.
Sol kezde úsh ana qarıanyń joldan ótýine kómektesip, qoltyǵynan demep, sómkesin kóterisip kele jatqan balany kóredi. Bul úndemeı qalǵany úshinshi ananyń balasy edi. Qarıa balaǵa alǵysyn jaýdyryp kete berdi.
Úsh bala analaryna jaqyndady. Alǵashqy eki ananyń balalary analarynan balmuzdaqqa aqsha suraı keldi. Al, úshinshi bala anasyna búgingi sabaqtan «bestik» baǵa alǵanyn aıta keldi.
Suraq? Qaı baladan bolashaqta ne kútýge bolady? (Oqýshylardy sóılete otyryp suraqqa jaýap alý)
Muǵalim kórinisti maqalmen qorytyndylaıdy:
«Jaqsy jaman bolý mindet emes,
Jaqsy adam bolý borysh»

3. Oqýshylar eki topqa bólinip, adamgershilik týraly aıtylǵan óleń joldaryn talqylaıdy
Muǵalim: Uly Abaıdyń
«Bes nárseden qashyq bol,
Bes nársege asyq bol,
Adam bolam deseńiz»,- degen óleń joldaryn qalaı túsinýge bolady? Ol qandaı qasıetter?

1 topqa suraq: Neden jırený kerek? (Oqýshylar óleńdi jalǵastyrý arqyly jaýabyn aıtady)
«Ósek, ótirik, maqtanshaq,
Erinshek, beker mal shashpaq»
Abaı