InfoHub Logo

Adamgershilik - adam boıyndaǵy qundy, eń asyl qasıet. "Kisilik", "İzgilik", "Imandylyq" sıaqty uǵymdarmen mándes. Bul sózderdi estigende kóz aldymyzǵa qınalǵanda qol ushyn berip, kómegin aıamaıtyn, janarshylyq tanytatyn jaqsy jandar birden elesteı keteri ras. Bul qasıetter arqyly biz meıirimdilikke, Otanyn, elin, otbasyn súıýge úırenemiz. Qazirgi qoǵamda da shalynǵandy demeıtin, adamı qasıetteri boıyna sińgen adamdar joq emes. Al men solardyń ishinde jaqsy adam dep kimderdi aıta alamyn?

Jaqsylyq kún sekildi, keıde bult astyna joǵalyp, keıde sáýlesin mol shashyp, nuryn tógedi. Osyndaı árdaıym jaryq sáýlesin shashyp, meıirim shýaǵyn tógip turatyn jaqsy adamdar meniń de janymda jeterlik. Olardyń biri meniń ómirimnen óz ornyn oıyp turyp alatyn - ájem. Ájemniń júregi úlken, tereń. Onda jamandyqtyń izi de joq. Tek jaqsylyq ataýlyǵa tunyp tur. Ájeme qarap, jaqsylyǵy úshin masattanam. Ol rýhy myqty, jigerli jan. Bala kúnimnen ájemniń osyndaı jany jaısań jan ekenin, danalyǵy men daralyǵyn kórip óskendikten, jaqsylyqtyń ne ekendigin bilip óstim. Bilip qana qoımaı boıyma sińirip óstim. Keıde oılaımyn, eldiń bári meniń ájem sıaqty bolsa ǵoı. Onda eshkim eshkimge jamandyq tilemeı, barlyǵy adamı qasıetterin saqtap qalar edi. Álem jaıdary jandarǵa toly bolar edi.

Demek, adam boıyndaǵy adamgershilik qasıeti alǵashqy orynda. Eger barlyq adamdarda osyndaı izgi qasıetter bolsa, elemizdiń qarqyndy damyp, kóptegen bıik belesterdi baǵyndyrmasyna kim kepil?! Sondyqtan adam balasy bir-birińizge jaqsylyqtar jasaýdan esh sharshamańyzdar!!!

 Qarshyǵa Aıgerim, Qyzylorda 

---