Dál osy kóshemenen kim júredi,
On jyldar, júz jyl óter, kim biledi.
Ony tek sol shaqtaǵy kún biledi!
Ony tek sol kezdegi tún biledi.
Bulardyń ýaqytpen bir júregi.
Kim salqyndap otyrar myna baqta?
Oıyn-saýyq ana jaq, myna jaqta.
Sonda qalaı?
Osy baq orynynda,
Adamdar alma-kezek qulamaq pa!?
Talaı tarlan jaqsydan tiri adastym.
Men senen máńgilikti suramaspyn.
He aıtam saǵan, tabıǵat, adamdarǵa,
Qımadyń ǵoı ómirin bir aǵashtyń.
Adam baıǵus jer betin jasandyryp,
Jasamaıdy ózińe asaý qylyq,
Tek eskertkish ornatar ózderine,
Taý-tasty tynym almaı qashap júrip.
Talaı nóser tógiler, bolar jasyn,
Alapat kún áıteýir jol almasyn.
Myna nurly ómirge tirek bolǵan,
Adamzattyń urpaǵy joǵalmasyn!

---