Ótkinshi jańbyr órekpil baryp ótkende,
Úzdik te sozdyq tyrnanyń úni jetkende,
Kıiz úılerge qaraımyn-daǵy bókterde,
Yrza bolamyn osy bir yrǵyn kóktemge.
Taý bastaryna tamasha bulttar shókkende,
Ushyryp bultty eskek jel alyp ketkende,
Qaraımyn-daǵy murty ósip qalǵan kókterge,
Yrza bolamyn yrys ákeler kóktemge.
Laısań bolsyn, oqystan keıde qar jaýsyn,
Abyr da sabyr sharýa qaıta qamdansyn,
Adamdar, meıli, aldamshy kúnge tańdansyn,
Sonda da, kóktem, sonda da maǵan armansyń.
Kóktemniń kúni kóńilim meniń tárizdi,
Kóktemniń aty - kóktem ǵoı, dosym, jany
Búrin jara almaı býsanyp jatqan jýsannan
Shyryldap shyǵyp, boztorǵaı áne án úzdi...
Apyr-aý, mynaý ańsatyp jetken kóktem be?!
Aspan da, jer de, aınala tegis kókpeńbek.
Tolassyz saǵym tolyqsyp aǵyp barady,
Aımalap jerdi, aımalap taýdy bókterlep.

---