InfoHub Logo

Ádebıet páni boıynsha ótkizgen bir sabaǵyma refleksıvti esep
Ustaz – júrektiń jylylyǵyn, meıirimniń shýaǵyn, adamgershiliktiń ulylyǵyn bilimmen qosa bala boıyna daryta alatyn tulǵa. Ustaz qandaı bolý kerek? - degen suraqqa ózimniń tájirıbeme súıene otyryp, ustaz bilimdi, bala janyn túsine alatyn, ádil, eńbekqor jáne úzdiksiz izdenis ústinde bola alatyn jan dep oılaımyn. Olaı bolsa, ustaz mamandyǵyn tańdaǵandyqtan, eń aldymen ózińdi - óziń tanyp, úzdiksiz izdenip, aıaýsyz eńbektenýiń kerek.

Zaman aǵymyna saı óz bilimimdi úzdiksiz jetildirip otyrǵan jaǵdaıda ǵana, HHİ ǵasyrdyń talabyna sáıkes jańa formattaǵy ustaz bola alatynyma kózim anyq jetti. Álemdik bilim salasynda bolyp jatqan ózgeristerden jyraqta qalmaı, jańǵyrtyp otyrý úshin ustazdar qaýymynyń úırenerleri kóp. Ádebıet sabaǵynan Muhtar Áýezovtiń «Ábilmansur» dep atalady. Bul taqyrypqa baǵdarlama boıynsha bir saǵat bólingen. Sabaǵymnyń maqsaty áńgimedegi negizgi oıdy, ıdeıany uǵyný, avtor týraly málimet alý bolatyn. Aldyńǵy sabaqtarymda oqýshylar topqa bóliný jáne top erejesine súıený degen sıaqty nárselerge ábden tóselgendikten, bul sabaǵymdy bastaý qıynǵa soqqan joq. Yntymaqtastyq atmosferasyn qalyptastyrý maqsatynda psıhologıalyq trenıń ótkizdim. Jeti modýl boıynsha qalaı oqý qajettigin úırengen ádis - tásilderimdi sabaq berý barysynda durys paıdalanýǵa, ár modýldi ornymen qoldanýǵa jáne jańasha túrlendire otyryp sabaq ótýge tyrystym. Osy jeti modýl ishindegi birinshi modýlge toqtalar bolsam, oqytý men oqýdaǵy jańa tásilderdi biz árdaıym jandandyryp, jańartyp otyrýymyz qajet. Oqýshylardy qalaı oqytý kerek ekenin túsinýimiz kerek. «Áleýmetti - syndarlylyq turǵydan oqytýdy túsiný (Vygotsky, 1978; Wood, 1998) osy baǵdarlamada aıtylǵan «Oqytý men oqýdaǵy jańa tásilder» negizinde jatyr. Balalar óziniń túsinigin ózindik zertteýleri men áleýmettik ózara baılanysqa sáıkes quratyn belsendi bilim alýshylar bolyp tabylady». (Baǵdarlamanyń negizgi mazmuny, 19 bet). Oqýshylardy topqa bólip otyrǵyzyp alǵan soń, qyzyǵýshylyǵyn oıatý kezeńinde ár topqa suraqtar berý arqyly sabaqtyń taqyrybyn ashtyq.

Jaqsy aı men kúndeı.
Álemge birdeı
Jaqsynyń aty ólmeıdi,
Ǵalymnyń haty ólmeıdi.
Top ózderine berilgen tapsyrmany tıanaqty oryndap shyqty. Sabaqtyń maqsaty men nátıjesine jetý úshin oryndalatyn tapsyrmalar týraly aıtyldy.