InfoHub Logo

Maqsaty:
Bilimdilik: qıylǵan daıyn pishinderdi qaǵaz betine durys ornalastyra bilýge, tústerdi, kólemdi ajyrata bilýge úıretý. Kóktem týraly bilimderin tolyqtyryp, gúlderdiń atymen tanystyrý.
Damytýshylyq: balalardyń sózdik qoryn molaıtyp, oı-órisin, tilin, qıalyn damytý. Ádemilikti sezine bilýge, kórkemdik talǵamdarynyń jetilýine yqpal etý.
Tárbıelik: tabıǵatty qorǵaýǵa, adamgershilikke, uqyptylyqqa, bastaǵan isin aıaqtaı bilýge tárbıeleý.

Ádis-tásilderi: túsindirý, kórsetý, suraq-jaýap, sergitý, madaqtaý, jeke balamen jumys.
Pánaralyq baılanys: til damytý, aınalamen tanystyrý, án sabaǵy.
Sózdik jumys: jaýqazyn, gúldiń sabaǵy.
Kórnekiligi: gúlder, japyraqtar, qumyra, tal, tabıǵat buryshy

Uıymdastyrý.
Sý syldyrap, qustar saırap, baqtyń ishinen Gúl ashylady.
Gúl beınesindegi tárbıeshi : Salamatsyńdar ma, balalar. Sender búgin ádemi bolyp ketipsińder, osy topta mereke sıaqty. Al men kishkentaı Maǵjannyń týǵan kúni dep estidim. Men Kóktem – Ana jibergen alǵashqy gúlmin. Sonymen qazir jyldyń qaı mezgili?
- Kóktem mezgili.
- Balalar, kóktem mezgilinde bolatyn qandaı ózgeristerdi bilesińder?
- Kún jylynady, aǵashtar búrshik jarady, jer kógeredi, shópter shyǵady.
- Balalar, men senderdiń qoldaryńnan áli búri ashylmaǵan gúlderdi kórip turmyn. Endi sender gúlderińdi, meniń qolymdaǵy keremet qumyraǵa salyp, Maǵjanǵa degen jyly tilekterińdi aıtsańdar, bul gúlder qulpyryp ketedi. Óıtkeni bul sıqyrly qumyra. Sender jaqsy tilek bilesińder me?
- Ia, bilemiz.
- Qane tilekterińdi aıtyp, gúldi qumyraǵa sala qoıyńdar.
Aqjol: Apaı, meniń qolymda gúl joq, men myna ósip turǵan gúldi julyp alaıyn ba?
Tárbıeshi:- Aqjol, gúldi julýǵa bolmaıdy ǵoı, gúl degen ádemi, ony kútip-baptaý kerek, sý quıyp ósirý kerek. Men saǵan basqa gúl bereıin.
Aqjol gúldi alyp, tilegin aıtyp qumyraǵa gúldi salady.
- Mamamyz aman bolsyn!
Sonan keıin, basqa balalar da tilekterin aıtyp, gúldi qumyraǵa salady.

- Denimiz saý bolsyn!
- Aspanymyz ashyq bolsyn!
- Árqashan kún sónbesin!
- Oıynshyǵymyz kóp bolsyn!
- Kóńildi bala bolaıyq!
- Bárimiz dos bolaıyq!
- Papamyzdy jaqsy kóremiz!
- Apaıdyń aıtqanyn tyńdaımyz!
- Tártipti bala bolaıyq!
- Baqytty balamyz!
Sıqyrly qumyra aınalyp, ásem gúlder kórinedi.

Tárbıeshi: Balalar, kórdińder me, qandaı ádemi gúlder. Men bul gúlderdi Maǵjannyń týǵan kúnine syılaǵym kelip tur. Sender de syılyq jasaǵylaryń kele me?
Balalar: Ia, jasaǵymyz keledi.
Tárbıeshi: Qandaı syılyq jasaǵylaryń keledi?
Balalar: Apaı, biz de gúl syılaıyqshy.
Tárbıeshi: Endeshe, ol gúlderdi óz qoldaryńmen jasańdar. Oryndaryńa otyryp, maǵan qaraı qoıyńdar, men gúldiń qalaı jasalatynyn kórseteıin.
Balalar óz oryndaryna otyrady.

- Balalar, gúlderdiń túsi, kólemi, ár túrli bolady. Qarańdarshy, myna gúldiń túsi qandaı?
- Túsi sary.
- Al myna gúldiń túsi qandaı?
- Túsi aq.
- Bul gúlderdiń japyraqtarynyń túsi qandaı?
- Túsi jasyl.
- Osy gúlderdiń kólemderi birdeı me?
- Joq aq tústi gúl úlken, al sary tústi gúl kishkentaı
- Durys aıtasyńdar. Búgin bizdiń Maǵjanǵa syılaıtyn gúlimizdiń aty Jaýqazyn dep atalady. Qane qaıtalaıyqshy.
- Jaýqazyn gúli
- Jaýqazyn gúliniń túsi qandaı?
- Túsi qyzyl.
- Balalar mynaý gúldiń sabaǵy, qaıtalap aıtaıyqshy.
Gúlder sabaǵynan ósip shyǵady eken. Aldymen qaǵazdyń ortasynan, tómennen joǵaryǵa qaraı gúldiń sabaǵyn qoıamyz. Gúldiń sabaǵy uzyn jińishke bolady. Sodan keıin sabaǵynan japyraq ósip shyǵady. Endi japyraǵyn qoıamyz. Japyraqtyń pishini sopaqsha bolady. Sabaǵynyń joǵarǵy jaǵynan gúl ósip shyǵady. Mine bizdiń Jaýqazyn gúlimiz daıyn boldy.
Balalar, biz Maǵjanǵa syılyq jasaıtyn bolǵandyqtan, bizdiń jumys jasaıtyn qaǵazymyz da ádemi. Gúldi qaǵaz betine qoıyp bolǵan soń, ekinshi betin jaılap qana ústine jabamyz da, alaqanymyzben sıpap jiberemiz.

Balalardyń jumysy.
Sergitý: Balalar, bir sát biz de gúl bolyp jaıqalyp terbeleıikshi.
Gúlder, gúlder, kóp gúlder
Qyzyl gúlder, kók gúlder.
Óse bershi nurlanyp,
Óse bershi yrǵalyp

Tárbıeshi: Balalar, sender gúlderdi óte jaqsy jasadyńdar, tústerdi de ajyrata biledi ekensińder. Maǵjan, sen gúlińdi kimge syılaǵyń keledi?

Maǵjan: Men mamama syılaǵym keledi.
Maǵjan óz dostaryna rahmet aıtyp, rızashylyǵyn bildiredi.

Tárbıeshi: Endi týǵan kúnimizdi án-bımen jalǵastyraıyq.
Balalar sheńber jasap turyp «Týǵan kún» ánin aıtady.

Tárbıeshi: Qonaqtarmen qoshtasyp, týǵan kúnimizdi ary qaraı jalǵastyraıyq.
Balalar: Saý bolyńyzdar, apaılar!