InfoHub Logo

Sabaqtyń taqyryby: «Ádepti bala – ádemi bala»
Sabaqtyń maqsaty: 1. Ádeptilik týraly úıretý.
2. Kishipeıildikke, sypaıylyqqa, bıazylyqqa, ádeptilikke tárbıeleý.
3. Sózdik qoryn arttyrý, tanymdylyq qyzyǵýshylyǵyn arttyrý.
Sabaqtyń túri: aralas sabaq.
Kórnekilikter: Sózder, maqaldar, sýretter, slaıd, kúntizbe.

Motıvasıalyq - qozǵaýshy
Mamannyń qyzmeti
Sálemdesý.
Suraq - jaýap:
Sýretpen jumys (jyl mezgilderi)
- Qazir qaı mezgil? (Kómekpen eske túsirtý, erekshelikterin aıtyp)
- Kóktemniń neshinshi aıy?
- Ekinshi aıy qalaı atalady?
- Búgin sáýir aıynyń neshesi?
- Aptanyń qaı kúni?
- Armysyń, jyly Kún!
Armysyń, kók aspan!
Kúnimiz jaryq bolsyn!
Aspanymyz ashyq bolsyn!
Denimiz saý bolsyn!
Nanymyz kóp bolsyn!
Elimiz tynysh bolsyn!
Kók týymyz bıik bolsyn!

İzdený - Uıymdastyrýshy
- Mynandaı hat kelipti. Onyń ishinde ártúrli tapsyrmalar bar eken.
1 - tapsyrmada taqpaqtar jazylypty. Men oqyp bereıin:
1. Atam maǵan árqashanda,
Kishipeıil bol degen.
Ata sózi sanamda,
Jasy úlkenge jol berem.

2. Aldyn orap kisiniń,
Kesip ótpeı kóldeneń.
İzetimen kishiniń,
Sálemdesip qol berem.

3. Kim úlkendi tyńdasa,
Kim úlkendi syılasa,
Úlken kisi jumsasa,
Qaıda bolsyn baramyn.

4. Ata menen ananyń,
Aıtqan tilin alamyn.
Úlkenderden sodan da,
Ylǵı alǵys alamyn.
5. Tósekti ózim jınaımyn.
Eshkimdi de urmaımyn.
Eshkim maǵan tımeıdi.
Men de bárin syılaımyn.

2 - tapsyrma
Maqal - mátel oqyp, taldaý.
1. Ádepti bala - arly bala.
Ádepsiz bala - sorly bala.
2. Ádepti bala, ata - anasyn maqtatar,
Ádepsiz bala, ata - anasyn qaqsatar.
3. Kórgendi bala - jol silteıdi,
Kórgensiz bala – qol silteıdi.

Sergitý sáti:
Jaı oń qolyńdy oń jaqqa,
Jaı sol qolyńdy sol jaqqa.
Eki qoldy belge ustap,
Alǵa qaraı bir attap,
Artqa qaraı bir attap,
Qos aıaqpen top - top,
Alaqandy soq - soq.

3 - tapsyrma
Tyıym sózder aıtý:
1. Úıge júgirip kirme.
2. Bireýdiń kemtarlyǵyna kúlme.
3. Qustyń uıasyn buzba.
4. Qumyrsqanyń ıleýin buzba.
5. Jalǵyz aǵashty shappa.
6. Sýǵa túkirme.
7. Gúldi julma
8. Úlken kisiniń aldyn kesip ótpe.
9. Nandy aıaqtyń astyna tastama.
10. Bosaǵany kerme.

4 - tapsyrma
Oıyn: «Ádeptilik aǵashynan sıqyrly jemisterin terý»
Maqsaty: Almalarǵa sózder jazý. «Sálemetsiz be», «Saý bolyńyz», «Rahmet», «Keshirińiz», «Rızamyn», «Ruqsat pa?» Osy sózderdi terip alý.

Tolyq nusqasyn júkteý
Slaıdyn júkteý