InfoHub Logo

Aıagóz qalalyq
№6 bóbekjaı - balabaqsha tárbıeshisi
Adılhanova Aıgerim Beısenǵazyqyzy

Taqyryby: «Ádepti bala - aqyldy bala» (tárbıe saǵaty)

Maqsaty:
Balalarǵa ádeptilik jaıly maǵlumat berý. Ádepti bolýǵa úıretý, oılaý qabiletin jáne shyǵarmashylyǵyn damytý. Ádeptilik álemine barý barysynda balalarǵa ádeptilik uǵymynyń maǵynasyn ashý. Adaldyqqa, meıirimdilikke kishipeıildilikke tárbıeleý. Maqal - mátel arqyly balanyń este saqtaý qabiletin arttyrý.
Kórnekilik: taqyrypqa baılanysty sýretter, ádeptilik týraly maqal - mátelder, dıdaktıkalyq oıyn

Barysy:
Shattyq sheńberi:
Biz ádepti balamyz
Aıtqan tildi alamyz
Úlkenderge jol berip,
Biz aqyldy bolamyz!
Balalar, búgingi tárbıe saǵatymyzdyń taqyryby "Ádepti bala - aqyldy bala bolyp"
Ádeptilik – adamdardyń ózara jaqsy qarym - qatynasynyń, júris - turysynyń, úlkendi syılaý, kishipeıil bola bilý belgisi eken. Sondyqtan kúndelikti ómirde ádeptilik belgilerin durys paıdalana bilý kerek. Tómendegi taqpaqtarǵa nazar aýdaraıyq:

«Ne deý kerek?»
Apań seniń bazardan,
Alma satyp áperdi.
Eń úlkenin, jaqsysyn,
Saǵan tańdap áperdi.
Ne baryp jeý kerek?

Balalar: «Rahmet, apa!» deý kerek.

Balalar júr kóshede,
Estildi shý – aıhaı.
Sende shyqtyń dosyńdy,
Qaǵyp kettiń baıqamaı.
Mundaıda ne deý kerek?

Balalar: «Keshirińiz!» deý kerek.

Osy kelgen betińde,
Dopty qýdyń jarystyń.
Kósheniń sol shetinde
Kezikti bir apaıyń
Umyttyń sen ne deýdi?

Balalar: «Sálemetsiz be?» deý kerek.

Sergitý sáti:
Endi biz demalamyz,
Aınalany sholamyz.
Qol - aıaqty kezekpen,
Ońǵa - solǵa sozamyz.
Kún shyqqanda súısinip,
Báısheshekteı ıilip,
Biz tynyǵyp alamyz.
Jıi - jıi jattyǵyp,
Úlken kisi bolamyz.

Tárbıeshi: ádeptilik jaıly sýretter kórsetedi, ádeptilik týraly áńgime aıtyp beredi.
- Balalar, sýrette qarańdarshy myna bala ataǵa oryn bermedi, onysy durys pa?
- Joq, durys emes.
- Al, myna bala oryn berdi, ol durys istedi me?
- Ia, durys istedi.
- Balalar, biz úlkenderdi syılaýymyz kerek, avtobýsta úlkenderge oryn berý kerek. Tanys adamdy kórsek mindetti túrde amandasý kerek.
- Al myna sýrette ústel ústinde tamaq iship otyrǵan bala barlyq tátti tamaqtardy aldyna úıip alypty, osy istegen isi durys pa?
- Joq, durys emes.
- Endi myna sýretke nazar salaıyqshy. Dúkennen kele jatqan apanyń sómkesin myna bala kóterip kele jatyr. Bul isi durys pa?
- Durys aıtasyńdar. Bul bala ádepti bala eken. Bizdiń tobymyzdaǵy barlyq bala - ádepti bala, óıtkeni balabaqshaǵa keletin baldyrǵandar aqyldy, bilimdi, tárbıeli bolyp qalyptasady. Óskende egemen elimizdiń tolyqqandy azamaty bolasyńdar.

Maqal - mátel:
1. Ádepti bala - arly bala,
Ádepsiz bala - sorly bala.

2. Siz degen - ádep,
Biz degen - kómek.

3. Basyńa is tússe,
Jaqsy kómek etedi,
Jaman kúlip ketedi.
(Maqal - máteldiń maǵynasyn ashyp berý)

Dıdaktıkalyq oıyn: "Jaqsy men jaman"
Sharty: Balalar jaqsy men jaman ádetterdi ajyratyp aıtý kerek.
Balalar sonymen búgin biz ádeptilik týraly kóp nárse úırendik. Ádepti adam jamandyqty jaqsylyqqa aýdaryp, óziniń aqyldylyǵyn tanyta bilýi kerek.