InfoHub Logo

«Ádeptilik – ádemilik» taqyrybyndaǵy tárbıe saǵaty.
Sabaqtyń maqsaty: 1. Oqýshylardy ár ortada ózin ustaı bilýge tárbıeleý;
2. Oqýshylarǵa adamgershilik jáne estetıkalyq tárbıe berý;
3. Kishipeıil de qarapaıym, symbatty da ádemi bolýǵa tárbıeleý;
4. Dúnıetanymdaryn keńeıtý;
Sabaqty ótkizý ádisi: Aralas; túsindire áńgimeleý;
Sabaqtyń jabdyǵy: Interatıvti taqta, ártúrli oryndaǵy adamdar slaıdpen.

Sabaq júrisi
İ. Uıymdastyrý bólimi.
Sabaqtyń taqyrybymen, maqsatymen tanysý.
İİ. Negizgi bólim.
1. Muǵalimniń kirispesi.
a). Qoǵamyzdyń bolashaq muragerleri qandaı bolýy kerektigi týraly.
á). Symbattylyq pen ádemiliktiń ádeptilikpen baılanystylyǵy týraly.
2. Negizgi ortalarda ózin – ózi qalaı ustaý qajettiligi týraly
a). ÚIDE: Ata - anamen, ini – qaryndaspen, aǵa – apamen qalaı syılasý qajettigi týraly, qonaq kelgende sálemdesý, qonaq qabyldaý, t. b.
á). KÓSHEDE: Durys, symbatty júrý, kezkelgen úlken – kishimen sálemdesý, qart adam
kezdesse kómektesý, orynsyz ysqyryq, t. b., tóbeleske jol bermeý;
b). MEKTEPTE: Oqýshylarǵa arnalǵan erejelerdi saqtaý, joldastarymen, ustazdarymen sálemdesý, mekteptegi qoǵam múlkine dúrys kózqarasta bolý,
kezekshilik mindetterin durys oryndaý, sabaqty bar zeıinimen tyńdaý,
sabaq ústindegi biryńǵaı talap erejelerin saqtaý, ustazdaryn, dostaryn
syılaý;
v). QONAQTA: Qonaqqa kelgen úıiniń ishine tesile qaraı bermeý, ár nársege tańdanyp
orynsyz dúnıelerdi qaıdan alǵanyn tekserip suraı bermeý, bosqa
abyrjymaý, ekeý – ekeýden sybyrlasyp áńgime aıtpaý, ersi kúlmeý, ún –
túnsiz, ózimen – ózi muńaıyp otyrmaý, basqa qonaqtardyń, úı ıesiniń
pikirlerimen sanasý, t. b.
g). DASTARHANDA: Kitap oqymaý, áńgime aıtpaý, tyrnaqty aýyzǵa salmaý, ustamaý,
basyn ustap qasymaý, úlkennen buryn tórdi ıemdenbeý;
ǵ). QALADA: Jınaqy, qarapaıym kıim kıý, kólikter arasynda arasynda jol
erejelerin saqtaý, avtobýsta úlken adamdarǵa, balaly adamdarǵa
oryn berý, t. b.

İİİ. Qorytyndy bólim
1. Ádeptilik týraly uly ABAI sóziniń mánin uǵyný
ÁDEPTİLİK - ar – uıat
ADAMDYQTYŃ belgisi,
TURPAIY minez, taǵy jat
NADANDYQTYŃ belgisi.
2. Ózderiniń jóndi – jónsiz qylyqtaryn aıtý
3. Ádeptilik týraly maqal – mátelder.
Ádepti bala – arly bala, ádepsiz bala – sorly bala.
Sálem – sóz anasy.