InfoHub Logo

QR Ádilet mınıstri Marat Beketaev Bilim jáne ǵylym mınıstrliginiń qaraýyna asa aýyr qylmys jasaǵan balalarǵa arnalǵan mektepti berýdi usyndy, dep QazAqparat habarlaıdy.

«Túrli deńgeılerde ustanymymdy birneshe ret aıtqan bolatynmyn. Jalǵyz balalar kolonıasyn İshki ister mınıstrliginen QR BǴM-ge berý máselesin taǵy oılastyrýdyń ýaqyty jetken sıaqty. Túrme júıesiniń ózindik erekshelikteri bar. Balalar kolonıasynda jumys istegen qyzmetker ary qaraı mansabyn jalǵastyryp, eresekter kolonıasyna basshylyqqa barady. Otrádtar bastyqtary eresekter mekemesinen balalar kolonıasyna aýysyp jatady jáne kerisinshe aýys-túıister jalǵasýda. Iaǵnı, eresektermen jumys istegender kelesi kúni balalardyń tártibine qarap júredi. Bundaı qadamdar durys emes sekildi. Sondyqtan Bilim jáne ǵylym mınıstrligi taǵy da bir ret osy máseleni oılastyrýy kerek degen usynys bar»,-dedi mınıstr QR Ádilet mınıstrliginde ótken zań jobalyq qyzmetter máselesi boıynsha vedomstvoaralyq komısıanyń otyrysynda.

Keıinnen brıfıń barysynda QR BǴM Balalardyń quqyqtaryn qorǵaý komıtetiniń tóraıymy Zabıra Orazalıeva búginde Qazaqstanda kolonıalar jaǵdaıyna teńesterilgen jalǵyz arnaıy mektep SHQO-da ornalasqanyn atap ótti. Onda asa aýyr qylmys jasaǵan 14-18 jas aralyǵyndaǵy balalar tálim alýda.

«Bul mekteptiń shtatynda kolonıadaǵy sekildi kúzet qyzmeti bar. Ony İİM-nen BǴM-ge berý týraly másele birneshe márte Úkimet deńgeıinde talqylanǵan bolatyn. Qazirgi kezeńde sarapshylar mektepti İshki ister mınıstrligine qaldyrý sheshimin jasady. Ol jerde asa aýyr qylmys jasaǵan balalar ornalastyrylǵan. (...) Osyndaǵy erekshe rejimdi Bilim mınıstrligi qamtamasyz ete almaıdy. Iaǵnı, onda tıisti qadaǵalaý men kúzet sharalary eskerilmeı qalýy yqtımal»,-dedi Z. Orazalıeva.

Komıtet málimetinshe, bul mekemege baratyn balalardyń sany aıtarlyqtaı azaıǵan. 2015 jyly mektepte 197 bala bolsa, 2016 jyly 22 bala tárbıelendi.

«Respýblıka boıynsha bul jalǵyz mektep bolǵandyqtan, barsha óńirlerden asa aýyr qylmys jasaǵan balalar sonda jetkiziletini belgili. Sońǵy jyldary onda balalar sany kúrt azaıdy, sondaı-aq 2016 jyly tek qana eki bala bolǵan kezde mektepti jaýyp tastaý máselesi de kóterildi»,-dedi komıtet basshysy.

---