InfoHub Logo

Ádistemelik birlestik týraly ereje
İ. Jalpy erejeler
Ádistemelik birlestik bilim mekemesindegi (BM) ádistemelik qyzmettiń negizgi qurylymdyq bóligi bolyp tabylady. Ádistemelik birlestik bir nemese birneshe baǵyttas pánder boıynsha oqý - tárbıe, ádistemelik, eksperımenttik jáne synyptan tys jumystardy júrgizedi. Ádistemelik birlestik bir pán nemese birneshe baǵyttas pánder boıynsha quramynda keminde 5 muǵalim bolǵan jaǵdaıda qurylady. Ádistemelik birlestikterdi qurý, olardyń sanyna, quramyna ózgerister engizý mektep dırektorynyń buıryǵymen júzege asyrylady.
Ádistemelik birlestikter tikeleı dırektordyń ádistemelik jumysy jónindegi orynbasaryna baǵynady.

İİ. Ádistemelik birlestiktiń mindetteri men qyzmet baǵyttary
Ádistemelik birlestik tómendegideı mindetterdi sheshý úshin qurylady:
- pán boıynsha oqý - tárbıe, ádistemelik, eksperımenttik jumystardy joǵary kásibı deńgeıde uıymdastyrý jáne júrgizý;
- sabaq berý ádistemesin jetildirý;
- muǵalimderdiń pedagogıkalyq biliktiligin kóterý;
- pedagogıkalyq eksperımentterdi júrgizý.

Ádistemelik birlestiktiń negizgi jumys túrleri:
- oqýshylardy oqytý jáne tárbıeleý ádistemesiniń problemalary boıynsha pedagogıkalyq eksperımentterdi ótkizý jáne olardyń nátıjesin bilim prosesine engizý;
- oqý - ádistemelik máseleler boıynsha muǵalimderdiń shyǵarmashylyq esepteri, dóńgelek ústel, keńester, semınarlar t. b;
- oqýshylardy oqytý jáne tárbıeleý ádistemesiniń máseleleri boıynsha ádistemelik birlestikterdiń otyrystary;
- pán boıynsha ashyq sabaqtar jáne synyptan tys is - sharalar;
- oqytý jáne tárbıeleý ádistemesi, jalpy pedagogıka jáne psıhologıa máseleleri boıynsha leksıalar, baıandamalar jáne dıskýssıalar;
- ozat pedagogıkalyq tájirıbeni jáne basqarý qujattarynyń talaptaryn zerttep, oqý - tárbıe prosesine engizý;
- pán jáne ádistemelik aptalyqtardy ótkizý;
- ózara sabaqqa ený;
- oqý sabaqtarynyń ótkizý sapasyn baqylaý.

Ádistemelik birlestik qyzmetiniń negizgi baǵyttary:
- pánder boıynsha bilim deńgeıiniń qorytyndylaryn taldaý;
- oqý josparynyń varıatıvtik bólimderin jasaýǵa qatysý;
- oqý baǵdarlamalaryndaǵy mınımal kólem men mazmunǵa qoıylatyn talaptarǵa ózgerister engizý;
- oqý ádistemelik jáne dıdaktıkalyq materıaldardy taldaý;
- pánder boıynsha ashyq sabaqtar jáne ashyq synyptan tys is - sharalar ótkizý;
- pánderdi oqytý ádistemesi boıynsha baıandamalar daıyndaý jáne talqylaý:
- oqýshylardyń zertteý jumystaryn uıymdastyrý, jetekshilik jasaý jáne baqylaý máselelerin qarastyrý;
- oqytýdyń jańa tehnologıalaryn izdeý jáne engizý boıynsha pedagogıkalyq eksperımentterdi uıymdastyrý jáne júrgizý;
- oqý pánderin ótý ádistemesin jetildirý jáne tájirıbe almasý maqsatynda ádistemelik birlestik ishinde jáne ádistemelik birlestikter arasynda ózara sabaqqa enýdi uıymdastyrý;
- pánder boıynsha saıystar, olımpıadalar, jarystar ótkizý týraly erejeler jasaý.

İİİ. Ádistemelik birlestiktiń jumysy
Ádistemelik birlestikti birlestik músheleriniń kelisimimen tájirıbeli ustazdar tarapynan tańdalǵan tóraǵa basqarady. Tóraǵany BM dırektory taǵaıyndaıdy.
Ádistemelik birlestiktiń jumysy jyldyq jospar negizinde iske asyrylady. Jospar ádistemelik birlestiktiń tóraǵasy tarapynan qurylady, ádistemelik birlestiktiń otyrysynda qarastyrylady, dırektordyń ádistemelik jumysy jónindegi orynbasarymen kelisilip, mektep dırektorymen bekitiledi.
Ádistemelik birlestiktiń otyrysy toqsanda keminde bir ret ótkiziledi. Otyrystyń merzimi, ótilý orny týraly tóraǵa der kezinde dırektordyń ádistemelik jumysy jónindegi orynbasaryna habarlaý kerek. Qaralyp otyrǵan ár másele boıynsha usynys qabyldanyp, ol hattama jýrnalyna jazylady. Usynystar ádistemelik birlestik tóraǵasynyń qolymen bekitiledi.

İV. Ádistemelik birlestiktiń qujattary
1. ÁB tóraǵasyn taǵaıyndaý týraly buıryq.
2. Ádistemelik birlestik týraly ereje.
3. Ótken oqý jylynyń jumysyn taldaý.
4. Ádistemelik jumystyń taqyryby, onyń maqsaty, negizgi baǵyttary jáne jańa oqý jylynyń mindetteri.
5. ÁB jańa oqý jylyna arnalǵan jumys jospary.
6. ÁB muǵalimderi týraly málimetter.
7. ÁB muǵalimderiniń óz bilimin jetildirý taqyryptary týraly málimetter.
8. ÁB muǵalimderiniń biliktilin kóterý kestesi.
9. ÁB muǵalimderin attestasıalaýdyń perspektıvti jospary
10. Pán boıynsha ashyq sabaqtar jáne synyptan tys is - sharalar ótkizý kestesi
11. Oqý baǵdaralamalary.
12. Pán aptalyqtarynyń jospary.
13. Jas mamanmen jumys jospary.
14. Pán boıynsha alynǵan baqylaý jumystarynyń qorytyndylary.
15. Mektepishilik baqylaý (anyqtamalar, dıagnostıka).
16. ÁB otyrystarynyń hattamalary.
V. Ádistemelik birlestiktiń quqyqtary

Ádistemelik birlestiktiń quqyǵy bar:

- muǵalimderdiń biliktilik razrádtaryn kóterý týraly usynys daıyndaýǵa;
- mektepte oqý prosesin jaqsartý boıynsha usynys berýge;
- ÁB - te jınalǵan ozat pedagogıkalyq tájirıbe materıaldaryn jarıalaý týraly máseleni qoıýǵa;
- oqýshylardy oqytý jáne tárbıeleý máseleleri boıynsha dırektor orynbasarlarynan keńes alýǵa;

- muǵalimderdiń attestasıasyn uıymdastyrý jáne mazmuny boıynsha usynystar berýge;
- ÁB tarapynan «Jyl muǵalimi» saıysyna muǵalimderdi usynýǵa.

Vİ. Ádistemelik birlestik qyzmetin baqylaý
Ádistemelik birlestiktiń qyzmeti mektep dırektory jáne onyń orynbasarlary tarapynan baqylanady. Baqylaý mekteptiń ádistemelik jumysy jáne mektepishilik baqylaý josparlaryna sáıkes júrgiziledi.