InfoHub Logo

Taqyryby: Ájeme syılyq
II kishi toptaryna arnalǵan erteńgilik senarııi
Maqsaty: Balalarǵa merekelik kóńil kúı syılaý. Analaryn, ájelerin syılaýǵa, qurmetteýge tárbıeleý.
Zal ishi merekege saı bezendirilgen.
Júrgizýshi: Qaıyrly kún qymbatty analar, arýlar! Búgingi 8 - Naýryz halyqaralyq analar, arý qyzdarymyzdyń merekesi qutty bolsyn!
Biz ǵana emes, qadir tutqan babalar.
Analardan týǵan nebir danalar.
Ana degen tirshiliktiń tiregi,
Armysyzdar, qasıetti analar!

Balalar taqpaqtary:
Anań bolsa qasynda
Basqa baqyt ne kerek
Analardyń júregi
Meıirimdi ǵoı keremet.

Men anamdy súıemin,
Qushaǵyna enemin.
Mápelegen anamdy,
Qýantsam dep kelemin.

Mápeleıdi, áldıleıdi, baǵady.
«Qulynym» dep qushaǵyna alady
Ózgege de, ózine de jaýapty
Barlyǵyna qalaı ýaqyt tabady?!

Aınalaıyn anashym
Aıalaısyń, baǵasyn
Sen úshin balalarmen
Án shyrqaıyq bárimiz
Án: «Anaǵa syılaımyz»
Mýzyka áýenimen zalǵa Kóktem hanshaıymy kiredi.

Kóktem:
Dala gúlge bólenedi.
Qýanyshqa keneledi.
Orman, torǵaı, baqtarda
Qustar saıraı jóneledi.
Óıtkeni men kóktemmin
Shuǵylamdy tókkenmin.
Barlyqtaryńyzdy merekelerińizben quttyqtaımyn.
Densaýlyq, qýanysh, baqyt tileımin.

Júrgizýshi: Sálemetsiz be Arý Kóktem!
Kóktem: Balalar meniń tańǵajaıyp orman álemine qosh keldińizder!
Júrgizýshi: Arý Kóktem bizdiń balalarymyzdyń kóptegen taqpaqtarymen ánderi bar, qabyl alyńyz.

Jaqsy kóredi ájelerin,
Oıynshyqtar da áperedi
Balabaqshaǵa da ákeledi,
Jaqsy qandaı ájeleri.

Álpeshtegen aıalaǵan
Aq sút bergen apataıym
Sálem jazyp búgin saǵan
Meıramyńmen quttyqtaımyn!

Meni jaqsy kóredi
Kúndeı kúlip keledi
Kóp ertegi biledi
Maǵan aıtyp beredi.
Án: «Kóktem keldi»
Mýzyka áýenimen Qyzyl telpek zalǵa kiredi.
Qyzyl telpek: Mine ormanǵa da keldim, aınala qandaı tamasha. Jerdegi qarlar barlyq jerde áli erı qoımasa da, kóktemniń ásem lebi seziledi.
Kóktem: Sálemetsiń be Qyzyl telpek! Seni kórgenime sondaı qýanyshtymyn. Sen jalǵyz óziń meniń ormanymda ne istep júrsiń?

Qyzyl telpek: Men ájemdi merekesimen quttyqtaýǵa baramyn. Mine anam pisirgen bálishin alyp bara jatyrmyn. Ájeme sondaı gúl shoǵyn syılaǵym kelgen, biraq gúlder áli shyqpapty.
Kóktem: Ia, bunyń ras gúlder shyǵýǵa áli erte. Biraq búgin analarymyzdyń merekesi bolǵandyqtan saǵan kómekteseıin. Meniń sıqyrly qońyraýym bar, sony saǵan bereıin, seni sol qońyraýmen orman gúlderin shaqyra alasyń.
Qyzyl telpek qońyraýdy soǵady. Zalǵa mýzyka áýenimen gúlder shyǵady.
Bı: «Gúlder»
Qyzyl telpek: Qandaı keremet, qanshama gúlder shyqty. Kóktem saǵan kóp rahmet.
Kóktem bıshi qyzdarmen shyǵyp ketedi.
Júrgizýshi: Balalar endi myna gúlderdi Qyzyl telpekke jınap bereıik.
Oıyn: «Gúl jınaımyz»
Balalar eki topqa bólinip sebettiń qasyna turady. Eki baladan jarysyp egilip turǵan gúldi tez julyp, sebetke ákelip salady. Buryn jınaǵan top jeńiske jetedi.
Qyzyl telpek: Balalar senderge kóp rahmet!
Mýzykamen zaldy aınalyp shyǵady. Aldynan qasqyr shyǵady.
Qasqyr: Keremet! Gúl teresińder, án aıtasyńdar. Men baıǵus, ash qasqyrdy eshkim oılamaıdy.

Atyraý qalasy,
№5 «Aqqý» bóbekjaı – balabaqshasy
Qoıtanova Dúrıa Esmaǵzomqyzy
Ájeme syılyq. júkteý