InfoHub Logo

Bilim berý salasy: «Shyǵarmashylyq»
Uıymdastyrylǵan oqý qyzmeti: Aplıkasıa
Taqyryby: Quraq kórpe
Maqsaty: Geometrıalyq pishinderden órnekter japsyrýdy úıretý, uqyptylyqqa tárbıeleý.
Kórneki - qural: úlgi, quraqtardyń sýreti, jelim, qaıshy, geometrıalyq pishinder.
- Balalar, jylýlyq sheńberine turaıyq!
Bizder tatý balamyz,
Ósip alǵa baramyz.
Úshburyshpen tanysyp,
Biz bilimdi bolamyz.
(Balalar jylýlyq sheńberine turyp, óleń joldaryn birge qaıtalaıdy)
Jańa taqyrypqa kirispe:
(jumbaq)
Úsh núkte úsh syzyqtan turady,
Odan bárin úı shatyryn qurady.
(Úshburysh)
(Balalar jumbaqtyń sheshýin tabady)

- Balalar, bizge qonaqqa Araılym atty qýyrshaq qonaqqa keldi.
Ájesi Araılymǵa quraq kórpe tigip beripti. Biraq onyń betindegi pishinderi túsip qalypty. Endi oǵan senderdiń kómekteriń kerek. Sender kómektesesińder me? (Balalar kómektesýge kelisedi)

Jańa taqyryp:
Úlgi sýretpen jumys. Japsyrý jolymen jasalǵan quraq kórpeniń úlgi sýretin kórsetip, sıpattaıdy. (Balalar quraq kórpeniń úlgi sýretin tamashalaıdy)
Aldyn - ala qaǵazǵa syzylyp qoıylǵan geometrıalyq pishinderdi qıyp, quraq kórpege ádemilep japsyrýdy usynady. Qaıshymen jumys isteýdegi qaýipsizdik erejesin esterine túsirip ótedi.
(balalar geometrıalyq pishinderdi qıyp, quraqtarǵa japsyrady)

Sergitý sáti:
Boıdy sergek tik usta,
Emin - erkin tynysta.
Demińdi ishke tez al da,
Oń qolyńdy soz alǵa!
Qol ushyna qara da,
Úshburysh syz aýada.
(Balalar óleń mazmunyna sáıkes aýada úshburyshty salady)
«Zattar qandaı pishinderge uqsaıdy?» oıyny: sýrettegi zattarmen tanysyp, olardyń ataýyn atap berýdi suraý. (Balalar sýretke qarap zattardy ataıdy; úı, qaıyq, shyrsha)

Qorytý:
Suraqtar qoıa otyryp, sabaqty qorytyndylaıdy.
- Balalar, búgin neni japsyrdyq?
- Kimge kómektestik?
(balalar suraqtarǵa jaýap beredi)

Kútiletin nátıje:
Neni bilý kerek: geometrıalyq pishinderdi
Neni ıgeredi: quraq kórpege pishinderdi japsyrýdy
Neni biledi: pishinderdi ózderi qıýdy, qaǵaz betine ornalastyrýdy.

Atyraý qalasy,
№5 «Aqqý» bóbekjaı - balabaqsha tárbıeshisi
Amantaeva Jazıra Samatqyzy
Quraq kórpe. júkteý