InfoHub Logo

Ájibaı batyr sarbazdarymen qalmaqtardy ysyryp tastap kele jatsa, aldynan ógiz mingen qalmaq shyǵady.

— Qol bastaǵan Qora degen batyryń qaıda? — dep suraıdy Ájibaı. Anaý aıtpaı jaltarady. Ájibaı:

— Aıtpasań basyńdy alamyn, — dep qylyshyn sýyrǵanda janynan qoryqqan ógiz mingen qalmaq tura qashady. Qazaqtar tura qýady. Qalmaq at júre almaıtyn buralań jolmen qashyp otyryp aýlyna buryn barady. Barady da, Qora batyrǵa habar beredi. Qalmaqtar shalmalaryn daıyndap, Ájibaılardyń jolyn kútedi.

Qalmaqtardyń jol tosqan kileń shalmashylary kelgen qazaqtardy attan aýnatyp tastap, shetinen túıreı bastaıdy. Ájibaıdyń moınyna shalma ilinbeı, qylysh kótergen qolyn býyp, qarsylasýǵa shamasyn keltirmeı naızamen túırep-túırep qulatyp ketedi. «Qazaqtardy jeńdik» dep qalmaqtar aýlyna qaıtady.

Qol bastaǵan Qora batyr: «osylardyń arasynda Ájibaı dosym joq pa eken?» — dep qaıta aınalyp, sulap jatqandardyń tusyna keledi.

— Ájibaı, Ájibaı, — dep dybystaıdy. Yńyrsyp jatqan Ájibaı:

— Oý, — dep belgi beredi.

Qora batyr Ájibaıdy kóterip úıine ákeledi de, semiz taı soıyp, terisine salady. Denesindegi jaraqattardy emdeıdi. Úı astynan ura qazyp, sonda kóktemge deıin jasyryn ustaıdy.

Qalmaqtar kókteýge, kúngeıge kóshetin kez bolǵanda, Qora Ájibaıdy eline qaıtarýdyń amalyn oılastyrady. Jylqysyndaǵy tulpar tekti kók bıesin ustap, Ájibaıdy mingizip jolǵa salady.

Oqýǵa keńes beremiz:

Jıdebaı batyr (İ nusqa)

Jıdebaı batyr (İİ nusqa)

Jánibek batyrdyń Abylaıdyń oń tizesinen oryn alýy

---