Qojamquldyń kók qasqa aty
Ájibaıdyń álgi kók qasqa tulparynyń tuqymy urpaqtaryna mura bolypty. Nemeresi Qojamqulǵa básire bolǵan kók qasqa qulyn jıyrma eki jyl boıy báıgeniń aldyn bermepti.
Eń sońǵy jıyrma ekinshi jyly, qazaq-qyrǵyz bas qosqan úlken asta aqyrǵy ret báıgege qosylǵan eken. Asqa kelgen qyrǵyzdyń synshysy: «Qojamquldyń kók qasqa aty báıgeden keledi eken, kelgen soń óledi eken», — depti. Aıtqandaı báıgeden kók qasqa at birinshi keledi. Ájibaıdyń arýaǵy sol joly taǵy da uran bolypty. Qojamqul báıgeden kelgen kári tulpardy jetelep Jińishkeniń shatyna kelgende boldyrǵandyqtan júre almaı qalady. Jigitter belbeýlerin jalǵap, atty baýlap kóterip, taýdyń basyna shyǵarady. At báribir júre almaıdy. Ústin jabýlap sonda qaldyryp ketedi.
Keshkisin adam jiberse, at ornynda joq bolyp shyǵady. Tań ata barsa, qasqyr jaryp jep, basyn din aman qaldyryp, quıryǵyn jerge shanshyp ketipti.
Qojamqul kózine jas alyp:
— Atam Ájibaıdan jetken tulpardyń tuqymy eń, 22 jyl báıgeniń aldyn bermediń. Basyń ıt-qusqa jem bolmasyn, — dep qaraǵaıdyń balashyǵyna basyn ilip ketipti. Bas záýlim qaraǵaı bolyp ósken baıaǵy balashyqtyń ushynda áli tur eken. Báıgege at qosatyndar soǵan táýip etetin kórinedi.
Oqýǵa keńes beremiz:
Jánibek batyrdyń Abylaıdyń oń tizesinen oryn alýy
You Might Also Like
-
Qazaqtar qalmaqtardy Aıaqqalqanǵa túrip tastap, áskerin alyp qaıtyp Shelekke kelip toqtapty. Qol bastaǵan batyrlardyń qatarynda Jalaıyr Eskeldi, Balpyq, Dýlat Sherýke, ótegen, Segizsarydan Bıeke batyr...
-
Elaman balasy — Tursynbaı Edige balasy Shońnyń zamanynda «Ashshy» degen ózenniń boıynda, «Kúńgirlek» degen kúzekte otyrǵanda, Janqozy jylqysyn jaý aldy. Sonda aıtyp alypty:
