InfoHub Logo

Ótken kúnniń artta qalyp elesi,
Tirshiliktiń jyljı berer kemesi.
Basyńyzǵa baq pen yrys syılaǵan,
70 jastyń qutty bolsyn belesi.

Balalaryń basyńdaǵy baǵyńyz,
Júzge deıin nurly shyraq jaǵyńyz.
Ózińizdi mápelegen, baptaǵan,
Aman bolsyn anamyzdaı jaryńyz.

Osy óńirde keń kerilgen keregeń,
Eńbegińmen eselengen berekeń.
Atasynyń amandyǵyn tileıdi,
Erke, tentek, aq peıildi nemereń.

Ardaqtaıdy aqsaqal dep halqyń da,
Biz sekildi urpaǵyń da artyńda.
Seksenge de, toqsanǵa da jetińiz,
Dál osyndaı meıirimdi qalpyńda.

*** *** *** ***

Asa qurmetti ákemiz! Sizdiń jetpistiń asýyna eseli eńbegińizben, qajyrly qaıratyńyzben, el-jurtqa syıly abyroı-bedelińizben at basyn tiregen shaǵyńyz altyn toımen tuspa-tus kelýde. Qos merekeńizben shyn júrekten quttyqtap, myna óleń joldaryn ózińe tartý etemin:

Jetpisiń jetipti, áke, jelken kerip,
Tirligiń kúnnen kúnge kórkemdelip.
Bul kúnde bir áýlettiń aıbynysyz,
Turasyz parasatqa ólshem bolyp.
Siz ósken .... – kórki jerdiń,
Syndarly sańlaǵysyz erkin eldiń.
... ul-qyz búginde azamat bop,
Oqytyp, árqaısyna enshi berdiń.
Kókiregińe meıirim tolyp nurly,
Janyńyzdy jaqsylyq qonys qyldy.
Keńpeıil, ashyq jarqyn minezińiz,
Keıingi jas órenge bolypty úlgi.
Júgin arttyń ıyqqa jyl kóshiniń,
Maqtan bop el aýzynda júrdi esimiń.
Anamyz aınymaıtyn serigiń bop.
Otaýyń orda boldy irgesi kún.
Assań da tirshiliktiń san asýyn,
Taýsylmas armany adam balasynyń.
Búgingi altyn toıyń tur aıǵaqtap,
Júrek pen júrekterdiń jarasymyn.
Júresiń qaljyńmen eldiń basyp mysyn,
Urpaqqa keýdeńdegi jaqutty usyn!
Aman-saý júzge jetkin, asyl áke,
Basyńnan arylmasyn baqyt qusyń!

*** *** *** ***

Toı búgin, shalqar shattyq tórindegi,
Kún búgin, nuryn tókken kógindegi.
Jan áke, Siz ǵoı bıik asqarymyz,
Siz barda shaıdaı ashyq aspanymyz.
Jup jazbaı anamyzben ǵumyr boıy
Baq taımaı, uzaq bolǵaı jastaryńyz.
Jetpiske tolǵan shaqta jan ákemiz,
Jan syrdy aqtaraıyq kóńildegi.
 
Bizderdi sábı kezden qaz bastaǵan,
Sol kezde jastyqtaǵy qalmas turǵan.
Ákeniń jolyn qýyp urpaǵyń da,
Ustazdyq uly joldy jalǵastyrǵan.
 
Bilemiz ómirińde san iz baryn,
Bes balań mazdap janǵan juldyzdaryń.
Ózińdi maqtan eter, ulaǵatty,
Bedeldi, syılasyn dep ul-qyzdaryń.
 
Tárbıeń óziń bergen mol muradaı,
San kúıdi shertip turǵan dombyradaı.
Aǵaıyn, dos-jaranǵa syılylyǵyn,
Kórgende ózge jurt ta tańǵalady-aı.
 
Ómirde kúnder keship jarasymdy,
Jınadyń zerdeli oı men bar asyldy.
Áli de uzaq jasap ortamyzda –
Toılaıyq birge ózińmen bir ǵasyrdy.

*** *** *** ***