Nazarbaev Zıatkerlik mektepteri UNESCO syılyǵyn ıelendi
Nazarbaev Zıatkerlik mektepteri UNESCO «Wenhui Award -2019» syılyǵyn ıelendi.
Baspasóz qyzmetiniń habarlaýynsha, «Nazarbaev Zıatkerlik mektepteri» derbes bilim berý uıymynyń tóraıymy Kúlásh Shámshıdınovaǵa Almatydaǵy klasterlik búro dırektory Krısta Pıkattyń qoly qoıylǵan quttyqtaý haty kelgen.
«Qazaqstan, Qyrǵyzstan, Tájikistan jáne Ózbekstan boıynsha UNESCO-nyń klasterlik búrosynyń atynan «Nazarbaev Zıatkerlik mektepteri» derbes bilim berý uıymyna degen qurmetimdi bildiremin. Sondaı-aq, asqan qýanyshpen Sizderdiń uıymdaryńyz UNESCO Wenhui Award 2019 syılyǵyn jeńip alǵanyn habarlaımyn», – delingen Krısta Pıkattyń hatynda.
NIS - UNESCO-nyń bilim salasyndaǵy syıaqysyn ıelengen Qazaqstannyń birinshi ókili. Wenhui Award ýnıversıtet pen mektep arasyndaǵy «Bilim–2030» jobasyn ilgeriletý jolyndaǵy seriktestikti damytýǵa baǵyttalǵan.
«UNESCO syılyǵy qazaqstandyq ınovasıalyq mektepterge sapaly bilim men ómir boıy bilim alýǵa yqpaldasatyn ýnıversıtetter men mektepter arasyndaǵy tabysty seriktestik úshin, balalar men jastardy ómirge, jumysqa jáne jahandyq azamattyqqa beıimdeý jolyndaǵy eńbek úshin beriledi. Fınaldyq kezeń nomınanttarynyń ishinde Avstralıa, Qytaı, Malaızıa jáne Shrı-Lanka elderiniń bedeldi ýnıversıtteri boldy» delingen baspasóz baıanynda.
You Might Also Like
-
Seksenniń seńgirine sekirgen apamyzǵa dúnıedegi bar jaqsylyqty tilegimiz keledi. Amandyq bolsyn, jamandyq bolmasyn! Aramyzda aman-esen júre berińiz! Nemere-shóberelerińizdiń eseıgenin kórip, olardyń...
-
Ótken kúnniń artta qalyp elesi, Tirshiliktiń jyljı berer kemesi. Basyńyzǵa baq pen yrys syılaǵan, 70 jastyń qutty bolsyn belesi.
