InfoHub Logo

Otbasylyq saıys
Taqyryby: «Áke – er, ana – jiger,
Bir úıde eki kemeńger» (1 – synyp)

Taqyryby: «Áke – er, ana – jiger,
Bir úıde eki kemeńger»
Maqsaty: Ata – analardyń mekteppen turaqty qarym – qatynasyn qalyptastyrý, balalar ómirinde ata – analardyń róli týraly maǵlumattar bere otyryp pikir almasý, balalardyń dúnıetanymyn, qabiletin, darynyn damyta otyryp, bilimdi, salaýatty urpaq tárbıeleýde januıanyń rólin damytý.
Kórnekiligi: mýltımedıalyq taqta, slaıdtar, sýretter, sharlar, keglder, qanatty sózder.
Túri: otbasylyq saıys

Barysy:
Kirispe bólim:
1) Kirispe sóz:
Qurmetti, ata – analar, oqýshylar, ustazdar jáne qonaqtar! Búgin sizder «Áke – er, ana – jiger, Bir úıde eki kemeńger» atty januıalyq tanymdyq oıynǵa jınalyp otyrsyzdar.
Balanyń ystyq – sýyǵyna kúımeıtin, jaqsylyǵyna súıinbeıtin ata – ana joq shyǵar. Búgingi ul – erteńgi áke, ol ákege qarap ósedi. Búgingi qyz – erteńgi ana, ol sheshege qarap ósedi, boı túzeıdi. Balaǵa bilim, tárbıe berýde basty tulǵa ustaz bolsa, ony jalǵastyrýshy, demeýshi – ata – ana.

2) Qatysýshylarmen tanystyrý
3) Qazylar alqasymen tanystyrý
4) Oıyn shartymen tanystyrý
1. «Meniń otbasym» (tanystyrý bólimi)
2. «Ata kórgen oq jonar, ana kórgen ton pisher» (ata – ananyń balasyna úıretken óneri)
3. «Ertegi terapıa» saıysy
4. «Oı qozǵaý» (saıysy ata – ana jaǵdaıat suraqtaryna jaýap beredi)
5. «Kóńildi start» (kedergiden ótip, ata – ana da, bala da suraqqa jaýap beredi)
6. «Qyzyqty suraqtar» (kórermen ata – analar suraqtarǵa jaýap beredi)
7. «Bala tilegi» (balalardyń tilegin tyńdaý)

1 – júrgizýshi:
Osynaý is – sharaǵa kelipsizder jıylyp,
Sálem berdik sizderge biz de mine.
Ulyń ósip keledi, ata – ananyń úmiti,
Tárbıelep kelesiz el qorǵaıtyn jigitti.

2 – júrgizýshi:
Qyz boı jetip keledi shýaq shashyp ár úıge
Gúldeı bolyp óssinshi, syıly bolyp bárine.
Ata – ananyń júregi «bala» dep qana soǵady,
Balasy jaqsy adamnyń basyna baqyt qonady.
İ bólim: «Meniń otbasym» (tanystyrý bólimi)
- Shyr etip sábı dúnıege kelgen sátten bastap ata – ana aldynda názik te qıyn, qyr – syry mol úlken qoǵamdyq mindet turady. Ol – bala tárbıesi. Bala tárbıesiniń alǵashqy ustazy – ata – ana. Bala úshin úı ishinen, ata – anadan artyq tárbıeshi joq. Olaı bolsa bizdiń búgingi saıyskerlerimiz óz otbasylary týraly tanystyryp ketsin.