InfoHub Logo

1 «á» synybynda ótken «Áke kórgen oq jonar» atty tárbıe saǵaty
Maqsaty: Januıadaǵy áke men bala arasyndaǵy qarym - qatynasty nyǵaıtý. Ulttyq salt - dástúrimizge baılanysty áke ornynyń erekshe ekendigin uǵyndyrý. Ákege degen bala mahabbatyn oıatý.
Kórnekilikter: 1. Áke – asqar taý.
2. Áke kórgen oq jonar, Sheshe kórgen ton pisher.
3. Jaqsy ákeniń danalyǵy - balaǵa myń jyldyq azyq.
4. Áke – shańyraqtyń negizgi tiregi.
5. Áke - balaǵa synshy.

Tárbıe sabaǵynyń barysy:
(«Áke týraly monolog» vıdeo rolık kórsetiledi.)
Muǵalim:
Ár shańyraqta ákeniń orny erekshe. Áke – otbasynyń asyraýshysy, otbasy músheleriniń tiregi, qamqorshysy. Ákeniń minez - qulqy, ózgelermen qarym - qatynasy, óneri men bilimi balanyń kóz aldyndaǵy úlgi, ónege alatyn oǵan qarap ósetin nysanasy. «Áke – asqar taý, ana – qaınar bulaq, bala - jaǵasyndaǵy quraq» degendeı «Áke» degen sóz qandaı jaqyn, qandaı ystyq deseńshi! Ómirde ákesin jaqsy kórmeıtin bala joq shyǵar, óıtkeni bala úshin ákeniń orny bólek.
Áke! Áke – árkimniń súıener tireýi. Áke árkimge qymbat. Ákeni ardaqtaı bilý kerek. Óıtkeni ol otbasynyń eń basty múshesi, ıaǵnı otaǵasy. «Ákege qarap ul óser» degendeı ákeniń balaǵa úıreteri kóp.
Olaı bolsa, qurmetti bizdiń ákeler balalaryńyzdyń erteńgiligine qosh keldińizder.
«Atameken», «Saryjaılaý» «Óz elim» ánderi boıynsha 3 topqa bólinedi.
1 – top: Ardaqtylar toby
2 – top: Qurmettiler toby 3 - top: Qadirliler toby
/ ákelerdi 3 topqa bólip otyrǵyzý/

1 - oqýshy: Esimde beınesi ákemniń
Kúlimdep qaraıtyn
Men saǵan talpynsam
Qushaǵyn jaıa sap, kóterip alatyn.

2 - oqýshy: Boıǵa qýat beredi
Áı jaraısyn degeni
Men ákemnen ár kezde
Sony estigim keledi.

3 - oqýshy: Ákeshim tileýimdi tilep júrgen,
Aýmaısyń jaryǵy mol ashyq kúnnen.
Sharshaısyń jumys istep bizder úshin.
Aqyldy balalaryń ony bilgen.

4 - oqýshy: Ystyq - aý kim - kimge de áke degen,
Sýyqqa shalyndyrmaı, mápelegen.
Ómirdiń soqpaǵymen órge tartyp,
Aldymen adam bol dep jetelegen.

5 - oqýshy: Ár sóziniń aqyryn,
Jaqsylyqqa tireıdi.
Qadap aıtyp aqylyn,
Kópke baqyt tileıdi.

6 - oqýshy: Ákem shytsa qabaǵyn -
«Baıqa balam» degeni.
Alǵan kóp - aq sabaǵym,
Jaqsy kórem men ony.
Án «Jas ulan» oryndaıtyn Edige Jannur.

7 - oqýshy: Arqa súıer panasyń,
Aqyly mol danasyń
Adal etip ósirgen,
Mendeı erke balasyn.

8 - oqýshy: Qamqorsyń áke ómirde,
Qýatym sensiń kóńilge.
Álpeshtep meni ósirdiń,
Usharmyn erteń kógińde.

9 - oqýshy: Ańsaımyn jyly sózińdi,
Aqylshym bolǵan kezińdi.
Esimde áke saqtaımyn,
Asqar bıik ózińdi.

10 - oqýshy: Armanym ediń ańsaǵan,
Ákelsem baqyt men saǵan.
Urpaǵyń bolyp jalǵadym,
Qýanshy, áke, sen maǵan.

11 - oqýshy: Teńizdeı shalqyp júremin,
Súıener sensiń tiregim.
Barsam da qaıda, jan áke,
Ózińmen birge júregim.
Bı «Mektep válsi»

Áke kórgen oq jonar atty tárbıe saǵaty. júkteý