InfoHub Logo

Ashyq tárbıe saǵaty.
Taqyryby: Eńseli eldiń - erteńi
Maqsaty: El bolashaǵyna boljammen qarap, keleshekke kóz júgirte otyryp jas býyndy adamgershilikke, ultjandylyqqa, Otandy, ata - anany qasterleýge, tabıǵatty aıalap, álemdegi bar sulýlyqty boılaryna sińire bilýge, úlkenge izet, kishige qurmet kórsetip, jaýapkershilikti sezinip, bilim, ǵylym jolynda eńbektene bilýge, salaýatty ómir saltyn saqtaı otyryp, óz oılaryn erkin jetkizip, ana tilimizdi qurmettep, ujymda uıymshyldyq tanytyp, syılastyqty boılaryna sińirgen, bilimdi, bilikti urpaqty tárbıeleý.
Sabaqtyń ádisi: suraq - jaýap, óleń shýmaqtary, maqal - mátelder aıtý, pikirtalas, án, bı.
Kórnekilikter: taqyryp, slaıd, sýretter.

Sabaqtyń barysy: Muǵalim sózi; Qurmetti oqýshylar! Osynaý ulan - baıtaq jerimizdi ata - babalarymyz naızanyń ushymen, bilektiń kúshimen, «Arýaq!» - dep atqa qonyp, mańdaı terimen, qasyq qany qalǵansha, qaraıyp qara jerge tamǵansha, elimizge, jerimizge kóz júgirtip, qol suqqan jaýlarymyzben arpalysyp, mine bizderdiń egemen el atanýymyzǵa úlken úmitpen qarap, tuǵyrly el bolýymyzdy armandap, táýelsizdigimizdi alyp berip, tynysh, beıbit elde ómir súrýge múmkindikter bere otyryp, osy jerimizdi, Otanymyzdy bizderge amanat etip qaldyryp ketkenin umytpaıyq. Erteńimizdi tarıhymyzben ushtastyryp, ózimizge berilgen amanatty keleshek urpaqqa «Amanat»- dep tapsyraıyq.
Endeshe tárbıe saǵatyn bastaýlaryńyzǵa ruqsat!

(hormen: Qazaqstan Respýblıkasynyń Memlekettik Ánurany oryndalady)

Júrgizýshi: Sálemetsizder me, qurmetti kórermender, ata - analar, ulaǵatty ustazdar jáne oqýshylar! Búgingi «Eńseli eldiń - erteńi» atty ashyq tárbıe saǵatyna qosh keldińizder!
«Men 2030 - jylǵa qaraı Qazaqstan Ortalyq Azıa barysyna aınalady jáne ózge damýshy elder úshin úlgi bolady dep senemin.»- dep Elbasymyz óziniń «Qazaqstan - 2030» strategıalyq joldaýynda bolashaqty boljaı otyryp, Qazaqstan halqynyń mártebesin asqaqtatýdy kózdegen. Alaıda bul úshin bárimiz bir úıdiń balasyndaı, bir shańyraq astynda yntymaǵy jarasqan, Otanymyz bir - el bolýymyz kerek.
Otan! «Otan - otbasynan bastalady» - dep beker aıtylmaǵan. Otbasy múshelerin tabıǵattyń kórkem beınesine teńegen. Áke - asqar taý, Ana - qaınar bulaq bolsa, Balany jaǵasyndaǵy quraqqa teńegen. İrge tasy berik qalanyp, tútini túzý shyqqan otbasynyń tárbıesi de berik, ári túzý bolatynyn jasyrmaıyq. «Áke kórgen - oq jonar, sheshe kórgen - ton pisher»- dep uldaryn ustalyqqa, qyzdaryn sheberlikke baýlyǵan. Sonyń ishinde «qyzǵa qyryq úıden tyıym»- dep qyz tárbıesine de qatań mán bergen. Sonymen birge «Qyz ósse - eldiń kórki, gúl ósse - jerdiń kórki»- dep qyzdy tabıǵattyń sulý beınesine teńep, al tabıǵatty qyzdy qalaı aıalasa, tabıǵatty da solaı aıalaý kerektigin eskergen. Al, aqyn - jazýshylarymyz tabıǵatty da, Otandy da, Ata - ananyda, qylyqty qyzdarymyzdy da óz jyrlaryna qosqan.
Endeshe júrekten jyr tókken, aqyndyqty tý etken jastarymyzǵa kezek bereıik.

(Oqýshylar kezekpen - kezek óz shyǵarmashylyǵynan Otan, Týǵan jer, Áke, Ana, Otbasy týraly óleń shýmaqtaryn oqıdy, sodan keıin aldyn ala jattaýǵa berilgen aqyn jazýshylarymyzdyń óleńderin jatqa oqıdy)
1 - Oqýshy: «Týǵan ólkem»
Júregimnen kúmbirlegen kúı aqty
Arnasynan aqqan ózen sıaqty.
Aryndy kúı mahabatty shertedi
Týǵan jerge, Otanyma shýaqty.
Janyma ystyq móldiregen bulaǵym,
Adaldyqtyń tárizdi ol turaǵy,
Asqar taýym, jazyq dalam, armanym,
Týǵan ólkem - jeruıyǵym, jumaǵym.
Bala kezden artyqsyń sen mekenim
Seni ǵana ardaqtaýmen ótemin.
Jyldan - jylǵa arta bersin berekeń,
Asqaqtaı ber jarqyn bolsyn erteńiń!