InfoHub Logo

Maqsaty:
Bala tárbıesindegi otbasynyń sonyń ishindegi ákeniń rolin aıshyqty kórsete otyryp, jas urpaqtyń óz elin súıýge, halqymyzdyń salt - dástúrin úırenýge óz otbasynyń teń quqyly bir múshesi retinde sezinýge jáne rýhanı jan dúnıesin baıytýǵa degen qyzyǵýshylyǵyn arttyrý. Mektep pen ata - ana arasyndaǵy baılanysty júıeli jolǵa qoıý maqsatynda, otbasyndaǵy ákeniń róli men onyń ónegesin sheberligin, ónerin óskeleń jas urpaqtyń boıyna sińirtý.
Mindeti:
- ata - ana men bala arasyndaǵy bir - birine degen súıispenshiligin arttyrý;
- mektep pen ata - ananyń baılanysyn nyǵaıtý;
- otbasyndaǵy ákeniń roliniń mańyzdylyǵyn aıqyndaý.
Kútiletin nátıje:
Áke men bala arasyndaǵy qarym - qatynasty nyǵaıtý. «Mektep», «ata - ana», «oqýshy» osy «Úshtik odaq» árqashan tyǵyz baılanysta bolýy jáne ózara qarym - qatynasty arttyrý.
Ótkizilý barysy:
Ashylýy: «Sporttyq bı» oryndaýshylar: 11 - synyp qyzdary.
1 - júrgizýshi:
Qaıyrly kún halaıyq, bárińizge,
Sálem berdik úlken kishi kárińizge.
«Ákem jáne men»,- dep atalatyn,
Qosh kelipsiz, búgingi keshimizge.
Jınalǵan, ýa, halaıyq, armysyzdar,
Ata - ana, ustazdarym barmysyzdar.
Keshimizge búgingi kelgen úshin,
Aıtatyn bárińizge alǵysym bar!
2 - júrgizýshi:
Kelińizder keń oılylar, keńeselik.
Keńesýden kemdik kórgen emes edik.
Tartysty qyzyqty qyp ótkizýge,
Otyrǵan myna bizder tilekshi edik.
1 - júrgizýshi:
Qurmetti ustazdar, ata - analar, qadirli kórermender!
Búgingi 5 - 7 synyp oqýshylary jáne ákeleri arasynda ótkizilgeli otyrǵan «Ákem jáne men» saıysyna qosh keldińizder.
Qýat kúsh boıǵa tarap búrshik jarǵan,
Japyraq jaryp shyǵar ekken taldan.
Sýaryp mezgilinde tursaq baptap,
Bolady záýlim shynar ol jaıqalǵan.
Adamzat ómiri de sol tárizdi,
Tabıǵat salystyryp ony qoıǵan.
Ónege úıretkeniń bolar lázim,
Basymdy bala bolsyn kishkentaıdan.
2 - júrgizýshi:
Uıadan neni kórse sony iledi,
Aıtylmas ulaǵat sóz beker jaıdan.
Aǵashtaı baptamasaq qısyq keter,
Ondaıdan izettilik shyqsyn qaıdan,- degendeı, búgingi «Ákem jáne men» saıysynan bizdiń ár
kórermenderimiz kóp tárbıe, úlgi - ónege alady degen úmittemiz.
Kún sáýlesiniń jas janǵa etken áseri qandaı bolsa, ákeniń balaǵa degen áseri de sondaı.