InfoHub Logo

Farabı Baǵdat, Sham shaharyna — Damaskige barady. Sol kezdegi bul qalanyń ákimi Seıf ád-Dáýla ben Hamdan sheshen ári ǵalym, halyqqa máshhúr adam eken. Hamdan ózine jaqyn adamdarmen Farabı jóninde áńgimelesip, sol kisini kórgisi keledi. Bir kúni Hamdan shahardaǵy barlyq ǵulamalar men ýkamalardy shaqyryp, keń májilis qurady. Májiliske ál Farabıdi de shaqyryp aldyrady. Farabı kelip, kópshilikke sálemdesedi. Tórdegi taqta otyrǵan Hamdan Farabıge: «otyryńyz» dep jaı ǵana ısharat bildiredi, biraq oryn kórsetpeıdi. Mundaǵy Hamdıdiń maqsaty — Farabıdiń mártebesin synaý edi.

— Sizdiń mártebeńizdiń shamasymen otyraıyn ba? — dep surady. Sonda ákim Farabıge:

— Óz mártebeńizdiń shamasymen otyryńyz, — deıdi. Sonda Farabı májiliste otyrǵan adamdardan joǵary qaraı ótip, Seıf ád-Dáýlanyń janyna taqqa baryp otyrady. Ákim ornynan syrǵyp túse jazdaıdy. Buǵan ishinen yza bolǵan Seıf ád-Dáýla artynda turǵan quldaryna ózi úıretken qupıa tilmen:

— Myna kelip otyrǵan adam ádepsiz eken, meni ornymnan jyljytyp jiberdi, endi men buǵan birneshe suraq qoıamyn, eger suraǵyma durys jaýap bere almasa, ózin janymnan súırep, domalatyp jiberińder! — dep buıyrady. Ákimniń bul qupıa sózderin jaqsy túsingen Farabı sol tilmen:

— Aý, Seıf ád-Dáýla, áýeli men sizden «ózińiz kórsetken orynǵa otyraıyn ba nemese ózime unaǵan orynǵa otyraıyn ba» dep suraǵanymda, siz: «unatqan ornyńyzǵa otyryńyz» dep ruqsat berdińiz ǵoı, sonsyn men unatqan oryn osy boldy, aıyp etpeńiz, — dep ámirshige jaýap berdi. Iá, Farabı bul jaýapty ámirshiniń eshkim bilmes degen qupıa tilimen aıtty. Farabıdiń qupıa tildi de jaqsy biletindigin Seıf ád-Dáýla qaıran qalyp oǵan bas ıdi, qurmettedi. Májiliste otyrǵan barlyq ǵulama, dana adamdar tynysh turyp Farabıdiń sózin yqylaspen tyńdap, bári de onyń asqaq ǵylymyna boı usyndy.

---