Aldar Kóseniń sıqyrly tony
Aldar Kóseniń sıqyrly tony
Mundaı saqyldaǵan sary aıazda tońbasa, túlki tony nemese qasqyr ishigi bar adamnyń ǵana tońbaýy múmkin. Al Aldar kóse jaryqtyq shuryq tesik jaman tonmen kún saıyn úsip óle jazdaıtyn.
Birde ol japan dalada jortyp kele jatyp, sumdyq tońdy. Aıaq - qolynyń jany ketip, bet - aýzy bozaryp, bas suǵar jyly úıdi armandaıdy.
Sýyldaǵan sýyq jel, ýildegen úskirik qulaǵynyń ushyn aıamaı shymshyp, janyn shyǵaryp barady. Jaqyn arada tútin tútetken eshqandaı aýyl kórinbeıdi.
Qansha tebirenip, qamshysyn qansha siltegenmen Aldardyń aryq aty júrip jarytpaıdy. Basyn bir shulǵyp qoıyp, jaı ǵana ıtindeıdi de otyrady.
“Jaman at — joldyń sory. Áli biraz júretin shyǵarmyn. Ittiń úrgeni estilmeıdi. Qaqaǵan dalada qatyp ólmesem jarar edi”, — dep ishinen sóılep keledi.
Kenetten aldynan bir attyly kórinbesi bar ma? Atynyń jelisine qarap, ıesiniń baı adam ekenin bile qoıdy. Býy burqyrap yssylap kele jatqan adamdaı omyraýyn ashyp tastap, ándete bastady.
Jolaýshylar jolyǵyp, aman - saýlyq surasty.
Baı ústindegi túlki ishiktiń ózinen tońyp, búrseń - búrseń etedi. Al Aldar kóse bórkin bir shekesine qaraı qısaıta kıip, kúnshýaqta jylynyp otyrǵan adamdaı kóńildi sóıleıdi.
- Sen, nemene, tońǵan joqsyń ba? — deıdi baı.
- Tońsań, sen tońǵan shyǵarsyń? Meniń tonymdy kıgen kisi únemi qyz - qyz qaınap júredi — deıdi Aldar Kóse.
Múmkin emes! — deıdi baı.
- Nemene, kórmeı tursyń ba?!
- Kórmeıtin nesi bar? Kórip turmyn: shuryq tesik!
- Másele sonda, sol shuryq tesikte. Bir tesikten kirgen jel lyp etip ekinshi tesikten shyǵyp ketedi. Al jylý ózimde qalady.
“Qaıtkende de men munyń tonyn alyp qalaıyn” — dep oılaıdy baı.
“Shirkin, mynanyń ishigin qolyma bir túsirsem!” — dep armandaıdy Aldar kóse.
- İshigińdi maǵan satsańshy? — deıdi baı.
Satpaımyn! Men onsyz úsip ólemin! — deıdi Aldar.
- Úsip ólmeısiń. Onyń ornyna men saǵan óz ishigimdi beremin. Ol da sondaı jyly.
Aldar kóse onyń usynysyn qulaǵyna da ilmegen kisideı baıǵa joǵarydan qaraıdy. Biraq eki kózi baıdyń túlki ishiginde.
- İshigimdi de bereıin, ústine aqsha da qosaıyn - dep qyzyqtyrady baı.
- Maǵan aqshanyń qajeti joq. Aqsha ornyna atyndy berseń, oılanyp kórer edim.
Qýanǵannan baı birden kelise ketedi. İshigin sheship, astyndaǵy atyn túsip beredi.
Aldar kóse baıdyń ishigin kıip, baıdyń júırigine minip, ysqyrǵan jelmen jarysa jóneledi.
Endi Aldar kósege bir aýyldan bir aýylǵa baryp turý onsha qıyn emes. Astynda - ushqyr at, ıyǵynda - jyly ishik. Kez kelgen úıde odan:
- Myna keremet túlki ishik pen júırik atty qaıdan aldyń? - dep suraıdy.
- Jetpis jeti jyrtyǵy, jetpis segiz jamaýy bar tonǵa aıyrbastap aldym.
Jaman tonǵa jaqsy ishigin, qyrshańqy atqa kustaı ushqan júırigin aıyrbastaǵan aqymaq baı týraly áńgimeni estip, el máz bolady. Kúlki sál saıabyr tartqan sátte Aldar kóse: Joldyń alys - jaqynyn jortqan biledi, dámniń ashshy - tushshysyn tartqan biledi! - deıdi.
Ertegiler eline saıahat, ertegiler jınaǵy
Mundaı saqyldaǵan sary aıazda tońbasa, túlki tony nemese qasqyr ishigi bar adamnyń ǵana tońbaýy múmkin. Al Aldar kóse jaryqtyq shuryq tesik jaman tonmen kún saıyn úsip óle jazdaıtyn.
Birde ol japan dalada jortyp kele jatyp, sumdyq tońdy. Aıaq - qolynyń jany ketip, bet - aýzy bozaryp, bas suǵar jyly úıdi armandaıdy.
Sýyldaǵan sýyq jel, ýildegen úskirik qulaǵynyń ushyn aıamaı shymshyp, janyn shyǵaryp barady. Jaqyn arada tútin tútetken eshqandaı aýyl kórinbeıdi.
Qansha tebirenip, qamshysyn qansha siltegenmen Aldardyń aryq aty júrip jarytpaıdy. Basyn bir shulǵyp qoıyp, jaı ǵana ıtindeıdi de otyrady.
“Jaman at — joldyń sory. Áli biraz júretin shyǵarmyn. Ittiń úrgeni estilmeıdi. Qaqaǵan dalada qatyp ólmesem jarar edi”, — dep ishinen sóılep keledi.
Kenetten aldynan bir attyly kórinbesi bar ma? Atynyń jelisine qarap, ıesiniń baı adam ekenin bile qoıdy. Býy burqyrap yssylap kele jatqan adamdaı omyraýyn ashyp tastap, ándete bastady.
Jolaýshylar jolyǵyp, aman - saýlyq surasty.
Baı ústindegi túlki ishiktiń ózinen tońyp, búrseń - búrseń etedi. Al Aldar kóse bórkin bir shekesine qaraı qısaıta kıip, kúnshýaqta jylynyp otyrǵan adamdaı kóńildi sóıleıdi.
- Sen, nemene, tońǵan joqsyń ba? — deıdi baı.
- Tońsań, sen tońǵan shyǵarsyń? Meniń tonymdy kıgen kisi únemi qyz - qyz qaınap júredi — deıdi Aldar Kóse.
Múmkin emes! — deıdi baı.
- Nemene, kórmeı tursyń ba?!
- Kórmeıtin nesi bar? Kórip turmyn: shuryq tesik!
- Másele sonda, sol shuryq tesikte. Bir tesikten kirgen jel lyp etip ekinshi tesikten shyǵyp ketedi. Al jylý ózimde qalady.
“Qaıtkende de men munyń tonyn alyp qalaıyn” — dep oılaıdy baı.
“Shirkin, mynanyń ishigin qolyma bir túsirsem!” — dep armandaıdy Aldar kóse.
- İshigińdi maǵan satsańshy? — deıdi baı.
Satpaımyn! Men onsyz úsip ólemin! — deıdi Aldar.
- Úsip ólmeısiń. Onyń ornyna men saǵan óz ishigimdi beremin. Ol da sondaı jyly.
Aldar kóse onyń usynysyn qulaǵyna da ilmegen kisideı baıǵa joǵarydan qaraıdy. Biraq eki kózi baıdyń túlki ishiginde.
- İshigimdi de bereıin, ústine aqsha da qosaıyn - dep qyzyqtyrady baı.
- Maǵan aqshanyń qajeti joq. Aqsha ornyna atyndy berseń, oılanyp kórer edim.
Qýanǵannan baı birden kelise ketedi. İshigin sheship, astyndaǵy atyn túsip beredi.
Aldar kóse baıdyń ishigin kıip, baıdyń júırigine minip, ysqyrǵan jelmen jarysa jóneledi.
Endi Aldar kósege bir aýyldan bir aýylǵa baryp turý onsha qıyn emes. Astynda - ushqyr at, ıyǵynda - jyly ishik. Kez kelgen úıde odan:
- Myna keremet túlki ishik pen júırik atty qaıdan aldyń? - dep suraıdy.
- Jetpis jeti jyrtyǵy, jetpis segiz jamaýy bar tonǵa aıyrbastap aldym.
Jaman tonǵa jaqsy ishigin, qyrshańqy atqa kustaı ushqan júırigin aıyrbastaǵan aqymaq baı týraly áńgimeni estip, el máz bolady. Kúlki sál saıabyr tartqan sátte Aldar kóse: Joldyń alys - jaqynyn jortqan biledi, dámniń ashshy - tushshysyn tartqan biledi! - deıdi.
Ertegiler eline saıahat, ertegiler jınaǵy
You Might Also Like
-
Ertede bir er adam men áıel bolypty. Olardyń Masha degen qyzy, Ivan atty uly bar eken. Masha – tuńǵyshy. Ivanýshka – kenje balasy.
-
Bir kedeı áıeldiń úsh qyzy bolypty. Solardyń qarnyn toıdyryp, kıindirip, qatarynan kem qylmaı ósirý úshin áıel kúndiz - túni tynym tappaı eńbektenipti. Qarlyǵashtyń balapanyndaı qaýyrsyndary qatyp, qy...
