InfoHub Logo

Bilim berý salasy: «Tanym», «Shyǵarmashylyq», «Qatynas».
Uıymdastyrylǵan oqý is - áreket: Informatıka
Taqyryby: «Álem bala kózimen».
Maqsaty: Balalardyń ınformatıkadan shyǵarmashylyq qabiletin damytý, kompúterge degen qyzyǵýshylyǵyn arttyra otyryp, olardy uqypty jumys jasaýǵa úıretý. Balalardyń bilimderin tıanaqtaı otyryp, adamgershilikke, tapqyrlyqqa tárbıeleý.
Kórnekilikter: slaıd taqta, Paint redaktorynyń sýreti, qylqalamnyń sýreti.
Áreket kezeńderi
Muǵalimniń is - áreketi
- Qaıyrly kún, balalar! Kúnimiz sátti bolsyn, sendermen kezdesip turǵanyma qýanyshtymyn. Qarańdarshy, sender búgin sondaı qýanyshtysyńdar. Bir - birińe kúlip qarap, jaıdarly, aqjarqyn bolyp tursyńdar. Senderdiń júzderińnen jylylyq, meıirimdilik, qaıyrymdylyq, bir - birińe degen mahabbat seziledi, qandaı tamasha!
Adamdar bir - birine jaqsy sózder aıtsa kóńilderi kóterilip qalady ǵoı. Áýeli qorshaǵan ortamen, sodan soń bir - birimizben amandasaıyq.
«Aqbota» atty baqshanyń
Tárbıeli balasy
Aldymenen qonaqpen
Amandasyp alady.

Araılanyp tań atty
Altyn shýaq taratty.
Qaıyrly tań, balalar!
Qaıyrly tań, apaılar!

- Ia balalar, osyndaı jaqsy kóńil kúıimizben oryndarymyzǵa jaıǵasaıyq.
- Balalar eń aldymen oqý is - áreketimizdi bastamas buryn, qaýipsizdik erejesin esimizge túsirip jibereıik. Qane, kim aıtady?