InfoHub Logo

Taqyryby: «Otbasymen birge» otbasylyq estafetalyq saıysy
Maqsaty: Otbasy men balabaqsha arasyndaǵy baılanysty nyǵaıtyp, salaýatty ómir saltyn saqtaýǵa tárbıeleý.

Qurmetti ata - analar, áriptester, búldirshinder búgingi «Otbasymen birge» atty estafetalyq saıysymyzǵa qosh kelipsizder. Sizderdi otbasylar merekesimen quttyqtaı otyra, zor densaýlyq, mol baqyt tileımiz. Endigi quttyqtaý sóz kezegin «Aqbota» balabaqsha dırektory ------------------------- sóz kezegin beremiz.

Saıysymyzdy bastamas buryn ádilqazylar alqasymen tanystyraıyq.
----------------------------------------------
Endeshe ortamyzǵa saıysqa qatysatyn otbasylaryn shaqyramyz.
Otbasylar saıysy 5 - bólimnen turady.

Júrgizýshi: Baqshada búgin bastalǵan
Daıyn bol jarysqa
Júgir, sekir qalyspa,
Bir - birinen jarysta

I bólimimiz: «Bárimiz birge» saıysy
Oıyn sharty: Ata - analar qoldaryn aıqastyryp, ortasyna balalaryn otyrǵyzyp, keglıler arasynan júgirip ótý.
Ádilqazylar I - bóliminiń baǵalaryn bereıik.(Quraldary: keglıler, krýgtar )

Júrgizýshi: Biz kóńildi otbasy,
Shynyǵa da alamyz.
Sáýletti el kóginde
Juldyz bolyp janamyz – dep II - bólimimiz «Kim jyldam»saıysyn
bastaıyq.
Oıyn sharty: Tenıstiń taıaǵymen, ýaq dopty domalatyp, nysanadaǵy keglıden aınalyp qaıtý. (Quraldary: Tenıstiń taıaǵy, ýaq dop, teksheler)
Ádilqazylar baǵalaryn bereıik.

Júrgizýshi: Kóńil qoıyp qarańyz,
Otbasylyq saıysta.
Shynyǵaıyq bárimiz
Estafetalyq jarysta – demekshi
III - bólimimiz «Eń myqty otbasy» saıysy
Oıyn sharty: Dopty bir - biriniń bastarynan asyra berip, keglıden aınala keri qaıtý.
(Quraldary: Doptar, keglıler)
Ádilqazylar baǵalaryn bereıik.

IV - bólimimiz «Oılan tap» saıysy.
Oıyn sharty: Dopty aıaqtyń arasyna qysyp alyp, teksheler arasynan júrip, mejede turǵan esepti shyǵaryp, keri qaıtý. Al balalary salynǵan sýretti jalǵastyrý.

(Quraldary: doptar, teksheler, keglıler)
Ádilqazylar baǵalaryn bereıik.

V - bólimimiz «Shapshań otbasy» saıysy.
Oıyn sharty: 1 - shi ákesi kedergiler arasynan júgiredi, sosyn anasynyń qolynan ustap, kedergiler arasynan júgiredi, eń sońǵy balasynyń qolynan ustap júgiredi.

Júrgizýshi: Qazylar ornyqtyrar ádildikti,
Kimderdiń birlikteri kámil shyqty
Búgingi otbasylar saıysynda,
Jeńiske jeter deımiz naǵyz otbasy - dep ádilqazylarǵa sóz kezegin beremiz

Júrgizýshi: Osymen búgingi otbasylyq estafetalyq saıysymyz aıaqtaldy.
Qosh saý bolyńyzdar!