InfoHub Logo

X-43A dep atalatyn gıperdybystyq ushaq álemdegi eń jyldam ushaq sanalady. X-43A apparaty taıaýda jańa rekord ornatty – saǵatyna 11230 shaqyrym jyldamdyq, osylaısha dybystyń jyldamdyǵynan 9,6 ese asyp túsken.

Salystyryp kórińiz: reaktıv joıǵysh ushaqtary dybys jyldamdyǵymen para-par nemese odan eki ese qatty jyldamdyqpen usha alady.

X-43A apparatynyń qanattarynyń uzyndyǵy 1,5 metr, uzyndyǵy 3,6 metr. Oǵan ornatylǵan scramjet (Supersonic Combustion Ramjet) qozǵaltqyshy dybystan júırik janatyn synaq qozǵaltqyshy. Onyń ereksheligi úıkelispeıtin detaldarynyń bolmaýynda, al otyn retinde sýtek pen ottektiń qospasy qoldanylady. Ottek arnaıy baktarǵa jınalmaıdy, qorshaǵan ortadaǵy atmosferadan alady, munyń arqasynda apparattyń salmaǵyn aıtarlyqtaı azaıtady. Al paıdalanylǵan gazynda zıandy qaldyq joq, ol tek sý býy sekildi.

Bul jobany jasaǵan NASA ǵarysh agenttigine Gınnestiń Rekordtar kitabyn shyǵaratyn Guinness World Records-tan sertıfıkat berildi, bul sertıfıkat apparattyń álemde eń jyldam ekenin rastaıdy. 

X-43A ushaǵyn qurastyrýdyń maqsaty – týrboreaktıv qozǵaltqyshtardyń gıperdybystyq balamasyn synaqtan ótkizý. Ǵalymdardyń pikirinshe, gıperdybystyq ushaqtar álemniń kez kelgen núktesine 3-4 saǵatta jetetetin múmkindigi bar.

---