Qazaqstan Respýblıkasynyń bilim jáne ǵylym mınıstri aýysty
Qazaqstan Respýblıkasynyń Prezıdenti Nursultan Nazarbaevtyń Jarlyǵymen elimizdiń bilim jáne ǵylym mınıstri aýysty, - dep habarlaıdy Tengrinews.kz tilshisi Aqordaǵa silteme jasap.
"Erlan Kenjeǵalıuly Saǵadıev Qazaqstan Respýblıkasynyń Bilim jáne ǵylym mınıstri bolyp taǵaıyndalsyn", - delingen Jarlyqta. Aıta keteıik, osyǵan deıin bul qyzmette Aslan Sárinjipov bolǵan edi.
Erlan Kenjeǵalıuly Saǵadıev 1966 jyly 29 qyrkúıekte dúnıege kelgen. 1990 jyly "Ekonomıka" mamandyǵy boıynsha ál-Farabı atyndaǵy Qazaq ulttyq ýnıversıtetin támamdaǵan, biliktiligi ekonomıs. 1993 jyly Mınnesota shtatynyń Ýnıversıtetin bitirdi, AQSH-tyń Mınneapolıs qalasynda Qoldanbaly ekonomıka departamentiniń ǵylym magıstri ǵylymı dárejesi bar.
Eńbek jolyn 1990 jyly Syrtqy ister mınıstrliginiń Qoldanbaly ekonomıka departamentiniń halyqaralyq ekonomıkalyq qatynastardy damytý jónindegi ekinshi hatshysy laýazymynan bastaǵan. Dúnıejúzilik bankiniń aýyl sharýashylyǵy departamentiniń ahýalyn taldaý jónindegi asıstenti, Shyǵys Eýropa, TMD elderiniń kýratory bolǵan (AQSH, Vashıngton qalasy). 2003 jyldan bastap 2009 jylǵa deıin "Jańa tehnologıalar. Qazaqstan" AQ-nyń Dırektorlar keńesiniń tóraǵasy boldy, bas dırektordyń laýazymyn atqarǵan. 2012-2013 jyldary Qazaqstan Respýblıkasy Premer-Mınıstriniń keńesshisi qyzmetin atqarǵan. 2014 jyldyń aqpan aıynan tamyz aıyna deıin Qazaqstan Respýblıkasynyń Indýstrıa jáne jańa tehnologıalar vıse-mınıstri boldy.
You Might Also Like
-
Kóztartarlyq sýretti túsirý úshin júrek jutqan myna bir týrıs Rojdestvo aralynda demalyp jatyp, 4 keli bolatyn 90 santımetrlik kokos shaıanyn (pálma urysy) ustap aldy. Bul shaıan qysqyshymen kokos jańǵ...
-
Ispanıanyń teńizderdi zertteý ýnıversıtetiniń okeanologtary qyzyq jańalyq ashty. Teńizdiń eń túbinen, Balear araldarynyń janynan álemdegi eń alyp ósimdik tabylǵan.
