InfoHub Logo

Bul tańǵalarlyq, ári qaýipti mekenderdi kórgende áserlebeı qaıtý múmkin emes.

Troll tili, Norvegıa

Bul tańǵajaıyp jer Norvegıada, Odda dep atalatyn kishigirim qalashyqta ornalasqan. Al Troll tili degen erekshe ataýdy bul jer, skandınavıa mıfologıasynyń tylsym jaratylysynyń tiline uqsaıtyndyqtan ıelengen.

Sonymen qatar Troll tili óte jaqsy jasyrylǵan jáne ony tabý qıyn. Eger de siz oılaryńyzben ońasha qalyp, tynysh jer izdegen bolsańyz, onda sizge kerek jer osy.

Geıranger Rok, Norvegıa

Geıranger Rok Geırangerde– Norvegıadaǵy osy attas kentte, norvegıalyq gýbernıada Geırangerde teńiz qoltyǵynyń shetinde (fúlkada) ornalasqan.

Jartastan rýhtandyratyn erekshe ásem kórinisti kórýge bolady, sondyqtan Geırangerge jolyńyz tússe osy tańǵajaıyp jerdi kórýge mindetti túrde soǵyńyz.

Keragbolten, Norvegıa

Keragboltenge barýǵa batyly jetetin adamdar kóptep tabyla bermeıdi, tipten norvegıalyqtardyń ózi de oǵan barýǵa batyldyq kórsete almaıdy.

Bul ólshemi 5 m³ bolatyn, Lıseford jalǵyz aıaq jolynan 1000 metr bıiktikte Kerag taýynyń jartastarynyń arasyna tyǵylyp turyp qalǵan úlken tas. Eger de Siz ekstremaldylyqty unatatyn bolsańyz, onda sol jerge barýǵa mindettisiz.

Pýlpıt Rok, Norvegıa

Pýlpıt Rok muzdyqty sý shaıyp ketýi saldarynan paıda bolǵan jáne sharshy pishindes jartas túrinde kórinedi, ol Norvegıadaǵy munaıly Stavanger qalasyna jaqyn jerde Lısefordtan shamamen 600 metrdeı kóterilip turady.

Shyndyǵynda, bul jer qaýipti emes, alaıda Siz bul eń bıik tóbesinde turǵan bolsańyz, Sizdiń basyńyz aınalýy múmkin jáne siz jaıdan-jaı ózińizdi baqylaýdan shyǵaryp alýyńyz múmkin.

Potato Chip Rock jińishke shatqaly, AQSH

Bul tańǵajaıyp jer AQSH-tyń Kalıfornıa shtatyndaǵy San-Dıego qalasynda ornalasqan, jáne de kez kelgen sátte synyp ketýi múmkin óte jińishke shatqal tárizdi bolyp kórinedi.

Alaıda, buǵan qaramastan, shatqalda jaı ǵana otyryp kórý úshin kóptegen saıahatshylar jyl saıyn osy jerge keledi. Jartastyń ushyna otyryp jáne de alańsyz sýretke túsý úshin bul adamdardyń júıkesi qanshalyqty myqty bolýy tıis?

Tánmen taýynyń jalǵyz aıaq áınek joly, Qytaı

Chjanszászedegi Tánmen taýynyń batys bóligindegi jardyń shetimen júrgizilgen uzyndyǵy 60 metr shyny aleıa, 1430 metr bıiktikte ornalasqan.

Bul adamǵa esten ketpeıtin ýaıym sezimin jáne sózben jetkize almaıtyn jan tolǵanysyn týyndatatyn Tánmen taýyndaǵy adam qolymen jasalǵan jaýharlarynyń biri.

Grand Kanon áınek kópiri, AQSH

Áınek kópir AQSH-nyń Kolorado shtatyndaǵy Úlken Kanonnyń batys bóligindegi úndis rezervasıasynda ornalasqan, jáne de álemdik oıyn-saýyq astanasy – Las-Vegas qalasynan shamamen 200 kılometrdeı jerde tur.

Kópir aýada Kolorado ózeniniń ústinde 1219 metr bıiktikte asylyp jáne shatqaldan 21,34 m syrtqa shyǵyp tur.

Sırs Taýer (Sears Tower) áınek balkony, AQSH

AQSH-taǵy eń bıik ǵımarat, aspanmen talasqan Sırs Taýerdiń 103-nshi qabatynda bıiktikte 4 áınek balkony bar!

Qalyńdyǵy 12,7 sm bolatyn áınek edeni shamamen 5 tonnaǵa deıin kóterýge múmkindigi bar jáne jarty kılometrlik bıiktikten tómenge qaraýǵa múmkindik beredi.

Hýashan, Qytaı

Hýashan, bálkim, álemdegi barynsha qulama jarqabaqty jáne qaýipti jol. Alaıda aıaǵyńnyń astynan túpsiz tuńǵıyq jarqabaqty kórý – óte qyzyqty jáne tym áserli!

Quzǵa órleý men joryqtar kóptegen shet eldikter úshin, tipten sımvoldyq sport túri bolyp ketken tárizdi. Osy joldy baǵyndyrǵandarǵa kóz salyp kórińizder.

Bul eshnárseden qoryqpaıtyn batyl adamdar álemdegi eń qaýipti súrleý joldy baǵyndyrýda.

---