InfoHub Logo

Qytaıdyń Hýnan shet aımaǵynda 2016 jyldyń tamyz aıynda kelýshiler úshin áınek kópir ashyldy, ol álemdegi eń bıik jáne eń uzyn kópir bolyp sanalady.

Uzyndyǵy 430 metrdi quraıtyn jaıaý júrginshilerge arnalǵan kópir 300 metr bıiktikte salynǵan jáne Chjanszásze ulttyq saıabaǵyndaǵy eki taýly jartasty jalǵastyrady, munda «Avatar» fılminiń túsirilimi júrgizilgen.

Kópirdiń eni 6 metrdi quraıdy.

Kópir qurylysyna 3,4 mln. dollardaı jumsalǵan. Kópirdiń edeni úsh qabatty shynydan jasalǵan 99 móldir taqtalardan quralǵan.

Qurylystyń sáýletshisi ızraıldyq azamat Haım Dotan boldy.

Áınek kópirlerde ıogamen aınalysý jıi ótkiziledi, al jas jubaılar úılený toılarynyń fotosessıalaryn jasaýdy unatady.

2017 jyldyń maýsym aıynan bastap kópirden sozylǵysh arqanmen (bandjı-djampıng) sekirýge bolady dep kútilýde.

Chjanszásze saıabaǵynyń basshylary kópirge kúnine 8000-nan artyq adamdy ótkizbeıtindigin málimdedi.

Kóptegen túrli synaqtar qaýipsizdikke kepildik beredi – bul jerde qorshaǵan orta temperatýrasynyń ózgerýine tózimdiligi jáne jel soqqan kezdegi terbelýi tekserildi, jáne de senimdilikke testter jasaldy. Sonymen qatar, mysaly, áınekti zilbalǵamen de uryp kórgen.

Sońǵy aqtyq akord retinde qurastyrýshylar onyń ústimen jolaýshylary bar avtokólikten júrip ótken.

 

«Erjúrek erkekter kópiri», 2015 jyl

Áınek kópirler Qytaıda óte keń tanymal – birinshi kezekte qyzyqty keń kólemdi sýretter túsirýge múmkindik beretindiginiń arqasynda.

Shyny kópirlerdiń ishindegi uzyndyǵy boıynsha kelesi rekord ta qytaılyq kópirge tıesili. 2015 jyldyń kúzinde Shınúchjaı ulttyq saıabaǵynda 180 metr bıiktikte ornalasqan uzyndyǵy 300 metr bolatyn kópir ashyldy. Ol «Erjúrek erkekter kópiri» degen atqa ıe boldy.

---