InfoHub Logo

Hýdaıberdına G.A 
Ál-Farabı atyndaǵy QazUÝ,
Zań fakúltetiniń azamattyq quqyq,
azamattyq is júrgizý jáne eńbek quqyǵy konferensıasynyń aǵa oqytýshysy

Ál-Farabı atyndaǵy Qazaq ulttyq ýnıversıteti halyqaralyq reıtıńte ke­zekti satyǵa kóterilip, Ortalyq Azıa aıma­ǵy men Qazaqstan joǵary oqý oryn­dary arasynda alǵashqy bolyp álemniń 250 úzdik ýnı­versıteti qataryna endi.

World University Rankings QS (Uly­brıtanıa) bedeldi reıtıńtik agenttigi­niń zertteý qorytyndylary boıynsha, ál-Fa­rabı atyndaǵy Qazaq ulttyq ýnıver­sıteti 236-orynnan kórinip, álemniń 50 úzdik ýnıversıteti qataryna endi. Aıta keterligi, bul topqa TMD elderinen eki JOO – Lomonosov atyndaǵy MMÝ men ál-Farabı atyndaǵy QazUÝ ǵana kirdi. Osylaısha, jetekshi qazaqstandyq ýnı­versıtet Ortalyq Azıa men TMD-daǵy teńdessiz kóshbasshylyǵyn taǵy da dá­leldedi.

Halyqaralyq reıtıńte ýnıversı­tettiń tabysty alǵa jyljýyna zamanaýı talaptarǵa saı júrgizilgen keshendi qu­rylymdyq jańartý yqpal etti. Nátıjege baǵyttalǵan prosestik menejment, bas­qarý júıesi jáne eńbekti reıtıńtik ba­ǵalaý engizildi. Sondaı-aq joǵary álem­dik talap­tarǵa saı ári halyqaralyq ak­kredıtasıadan ótken eksperımenttik bilim berý baǵdarlamalary daıyndaldy jáne engizildi, ǵylymı-zertteý jumys­tary belsendi júrgizilýde.

Sheteldik reıtıńilik ǵylymı jýr­naldarda jarıalanǵan qazaqstandyq ár­bir úshinshi maqala QazUÝ ǵalymdaryna tıesili. Memlekettik-jeke se­rik­testik qaǵıdalary negizinde biregeı nysandar salynyp, ýnıversıtet kam­pýsynyń ın­fra­qurylymdyq qurylystarynyń ekin­shi kezeńi aıaq­taldy.

QS sarapshylarynyń usynystary boıynsha QazUÝ tájirıbesi álem­degi úz­dik ýnıversıtetterde zerttelýde. Bul kórsetkish álemdik bilim men ǵylym na­ryǵynda básekelestikke qabilettiliktiń aıqyn dáleli bolyp tabylady.

QazUÝ ǵylym, bilim berý jáne ınnova­sıalyq jetekshi ortalyq re­tinde el Pre­zıdenti Nursultan Nazarbaevtyń halyqqa Joldaýynda aıtylǵan Qazaqstannyń eń damyǵan 30 eldiń qataryna kirýi jáne eki JOO-nyń álemniń 200 úzdik top ýnıver­sıteti quramyna enýi jónindegi memle­kettik mańyzy zor tapsyrmalardy júzege asyrý maqsatynda jumys isteýde.

1934 jyly elimizdiń eń aldyńǵy qatarly ýnıversıteti, qarashańyraǵymyz ál-Farabı atyndaǵy Qazaq ulttyq ýnıversıtetiniń irgetasy qalandy. Búgingi kúni ýnıversıtetimizde 20 000-ǵa jýyq stýdent bilim alady. On úsh fakúltetten turatyn ýnıversıtette úsh myńǵa jýyq profesor-oqytýshylar quramy stýdentterge bilim berip keledi. 

Qala ishindegi «Kazgýgrad» qalashyǵy dep atalyp ketken qutty mekende stýdentterdiń bilim alýyna barlyq múmkindik jasalǵan. Ó.Joldasbekov atyndaǵy 1600 oryndyq stýdentter saraıy, TMD elderindegi jalǵyz úlken aýqymdy «ál-Farabı» kitaphanasy, sportkesheni men stadıon, jańa ǵımarattar, áskerı kafedra, tehnopark, 5000 stýdentke arnalǵan stýdentter úıi, medısınalyq ortalyq jáne stýdentterge qyzmet etý ortalyǵy stýdentter ıgiligi úshin qyzmet jasap otyr. 

QazUÝ – talantty, daryndy stýdentterdiń basyn biriktirip otyrǵan meken. Syılastyq pen shynaıy dostyqtyń mekeni, QazUÝ – ǵashyqtardyń mekeni. QazUÝ – adamnyń tulǵa bolyp qalyptasýyna yqpal etip, tulǵanyń jan-jaqty qabiletin ashyp kórsetýine múmkindik beretin meken. Sol sebepti de, men ózimniń QazUÝ-da júrgendigimdi ómirimdegi eń úlken sáttilik dep sanaımyn.

---