InfoHub Logo

Amazon-nyń negizin qalaýshy jáne bas dırektory Djeff Bezos álemniń eń baı adamy atandy.

Amerıkalyq CNN arnasy Djeff Bezosty adamzat tarıhyndaǵy eń baı adam dep atady. Bloomberg qurǵan mıllıarderler reıtıńi boıynsha Djeff Bezostytyń 2018 jylynyń 9 qańtar kúngi jaǵdaıy 105 mıllıard dollarǵa baǵalanǵan.

Álemniń eń baı adamy atanǵan Djeff Bezos degen kim?

Djeff Bezos 12 qańtar 1964 jyly AQSH-tyń Nú-Meksıko shtatynyń Albýkerke qalasynda dúnıege kelgen. Djeff 4 jasta bolǵanda anasy kýbalyq ımıgrant Mıgel Bezosqa turmysqa shyǵady. Ógeı ákesi balany asyrap alady.

Jasóspirim kezinde ol bir jaz boıy McDonald’s-ta jumys isteıdi, budan keıin qurbysymen Dream Institute atty 10 kúndik balalar lagerin qurady.

1986 jyly Prınston ýnıversıtetin támamdaǵan soń Bezos Intel men Bell Labs usynystarynan bas tartyp, Fitel atty startapqa jumysqa turady. Keıin D. E. Shaw hej-qorǵa qyzmetke aýysyp, tórt jyl ishinde vıse-prezıdent laýazymyna deıin ósedi.

1994 jyly jyldyq bonýsty kútpesten ol D. E. Shaw-den ketýdi uıǵarady. Internet arqyly saýda jasaý tabysty bolyp jatqanyn estigen ol, Sıetldegi óz garajynda kitap satý boıynsha onlaın-platformasyn iske qosýǵa bel býady.

Amazon.com saıty 16 shilde 1995 jyly iske qosylady. Klıentterimen kezdesýlerdi bolashaq mıllıarder jergilikti Barnes & Noble kitap dúkeninde júrgizgen. 16 mamyr 1997 jyly Amazon kompanıasy bırjaǵa shyǵady. Odan beri kompanıa taýarlar men qyzmetterdiń keń aýqymyn usynatyn úlken korporasıaǵa aınaldy.

Kásipkerlik qyzmet

Jasóspirim kezinde Bezos adamzattyń bolashaǵy basqa planetalarmen baılanysty bolady dep esepteıdi, sol sebepti ǵaryshtyq salada kásipker bolýǵa umtylady. Tabysty kásibi oǵan armanyn oryndaýǵa múmkindik berdi. Negizgi kásibin basqarýdan tys ýaqytta ol ǵaryshtyq týrızmge baǵyttalǵan Blue Origin áýeǵaryshtyq kompanıasyn damytý boıynsha jumys isteıdi.

Kompanıa 2001 jyly negizin qalady, alaıda alǵashqy tapsyrys berýshi Eutelsat fransıalyq seriktik operatormen serikterdi ushyrýǵa kelisimge otyrǵannan keıin, 2017 jyldyń naýryzynda ǵana paıda boldy. Bezos Blue Origin-ge az degende $500 mln quıdy. Bıznesmenniń sózinshe, Blue Origin-di Amazon aksıalaryn jyl saıyn $1 mlrd-qa satý arqyly qarjylandyrady.

Bezostyń jaqyn aradaǵy josparynda týrıserdi ǵaryshqa attandyrý. Bul maqsattarda alty jolaýshyny Jer betinen 100 shaqyrymnan astam bıiktikke kótere alatyn New Shepard alty korabli qurastyrylady. Onyń aıtýy boıynsha, bul salmaqsyzdyqty sezinýge jáne planetany ǵaryshtan kórýge jetkilikti.

Gazet baspasyn satyp alý

2013 jyly Bezos $250 mln-ǵa The Washington Post gazetiniń baspasyn satyp alady. Gazetten ózge, kásipkerge washingtonpost.com saıty, Express, The Gazette, Southern Maryland, Fairfax County Times, El Tiempo Latino men Greater Washington Publishing gazetteri ótedi.

Kınoǵa túsý

Bezos «Startrek: Sheksizdik» fılminiń bir kórinisinde galaktıkanyń túbinen kelgen ózge ǵalamsharlyq bolyp epızodtyq rol somdaǵan.

Qaıyrymdylyq qyzmet

42 mln dollar qarjysy men Tehastaǵy jeriniń jartysyn The Long Now saǵatynyń qurylysyna bergen. Bul jerasty saǵaty 10 myń jyl boıy jumys isteýge eseptelgen. The New York Times BAQ-tyń ashyq málimetteri men habarlamalaryna súıene otyryp, Bezostyń jalpy qaıyrymdylyq maqsatynda $100 mln. qurtqanyn aıtady.

Otbasy jaǵdaıy

1993 jyly ol D. E. Shaw ǵylymı qyzmetkeri Makkenzı Tattlǵa úılenedi, qazirde ol jazýshy bolyp qyzmet atqarady.

---