InfoHub Logo

Pavlodar oblysy Lebáji aýdany Áıteı aýyly
Lenın jalpy negizgi bilim berý mektebiniń
2-synyp oqýshysy Erbolatov Ermurat
Jetekshisi: Aýbasheva Baıan Egeýovna

Otan – ottan da ystyq

Men ózimniń Qazaqstan jerinde týǵanyma qýanamyn. Meniń  Otanym – Qazaqstan dep maqtanamyn sebebi, meniń elime, meniń jerime jetetin el de joq, jer de joq dep oılaımyn.

Meniń Qazaqstanym paıdaly qazbalarǵa baı el, biz ony dúnıetaný páninen oqyp,bilip jatyrmyz. Adamnyń ómirine qajetti kerekti zattardyń bári bizdiń Qazaqstanda bar. Sondyqtan biz ózimizdiń jerimizdegi baılyǵymyzdy ómir boıy saqtaýymyz kerek dep oılaımyn. Ony ysyrap jasap, tógip shashpaı kersinshe únemdeý kerek.

Qazaqstannyń tabıǵaty qandaı ásem! Bizdiń jerimizdiń tabıǵaty kórseń kóz toımaıtyn jerleri bar. Men naǵashy ápkemmen birge erip Almaty qalasyna bardym. Qalanyń ásem jerlerin kórip tamashaladym.Alataý bókterinde ornalasqan Medeý muz aıdynyna bardym. Muz aıdynyna baryp kónkı teptik. Muz aıdyny óte keremet eken. Mashınamen taýǵa shyǵyp kele jatqanda qulaǵym bitip ketti.Maǵan Almaty qalasy óte unady. Sol jerde men taýdy birinshi ret kórdim.

Bizdiń  aýyldan 45 km jerde Sharbaqty degen jer bar sol jerde qarbyz alqaby bar eken. Oǵan men ózimniń aǵammen birge erip bardym. Ósip jatqan qarbyzdardy kórdim, qarbyz telegeı-teńiz bolyp jatyr. Bul jerde jylda karbyz festıvali ótedi, oǵan barlyq jaqtan adamdar kelip tamashalaıdy. Festıvál óte qyzyqty ótedi, qarbyzdardan jasalǵan túrli áshekeılerdi kórýge bolady.

Bizdiń jerimizdiń ushan-teńiz ekenine kózim jetti. Byltyr men naǵashy ápkemmen elimizdiń elordasy Astana qalasyna baryp, EKSPO kórmesin tamashalap qaıttym. Astanada men bir úlken ertegiler eline kirip ketkendeı boldym, alǵan áserimdi men kópke deıin umyta almaı kóz aldymda elestep turdy. Men óz Otanymnyń gúldenip, kórkeıip jatqanyna kózim jetti. Aldaǵy ýaqytta budan artyq gúldenip, kórkeıe bersin, Otanymyz tynysh, elimiz aman bolsyn, búkil álemde tek qana beıbitshilik bolsyn dep tileımin.

---