InfoHub Logo

Áleýmettik-psıhologıalyq trenıńti uıymdastyrý prınsıpteri

Top - bul aqıqat dúnıe, topta, ómirdegi sıaqty ózindik tulǵa aralyq qarym-qatynas, sheshim qabyldaý, minez - qulyqty tańdaý problemalary bar.
Toptyq trenıńterdiń negizgi mindetteri:
- ózindik túsiný;
- ózindik retteý;
- qarym - qatynas sıtýasıasynda basqalardy túsiný;
- adekvatsyz jáne jańa adekvatty qarym - qatynas daǵdylaryn korreksıalaý.
Trenıńtik topty uıymdastyrý prınsıpteri:
1 prınsıp: eriktilik prınsıpi - barlyq qatysýshylar trenıńke qatysý týraly sheshimdi óz betinshe jasaýy tıis. Qystaý, qatysýǵa májbúrleý eshqandaı nátıjege alyp kelmeıdi, jekelik ózgerister adamnyń ishki qyzyǵýshylyqtary týyndaǵan kezde ǵana múmkin;
2 prınsıp: ózara árekettesýde dıalogtyq prınsıp - qatysýshylar arasyndaǵy tolyqqandy tulǵaaralyq qarym - qatynas ózara syılastyqqa, ózara senimdilikke negizdelýi tıis;
3 prınsıp: ózindik dıagnostıka - eń aldymen, klıent óz problemalaryn ózderi túsinip qalyptastyrýy, basqalaı aıtqanda ózindik ashylýy tıis;
4 prınsıp: aqparattaný: árbir klıent sabaq qandaı jaǵdaıda bolatynyn bilýge quqyly.
Trenıńtik topqa qatysýǵa bolatyn optımaldi jas – 16 - 40 jasqa deıin.
Trenıń ótkiziletin orynda qatysýshylar sheńber quryp otyratyndaı jaǵdaıda bolýy qajet. Psıhotrenerdiń mindeti - jumysty uıymdastyrý, ádistemelik qamtamasyz etý jáne trenıń ótkizý bolyp tabylady.

Trener jumysynyń 1 - kezeńi - trenıńke daıyndyq - áńgimelesý, trenıńke qatysýshylardan anketa alý, olardyń qujattaryn, minezdemelerin qaraý, meńgerý. Psıholog trenıńte qatysýshylardyń problemalary men nıetterin anyqtap alýy qajet. Trener baǵdarlama jasaıdy, taqyryp anyqtaıdy, ýaqyty men ornyn naqtylaıdy, aýdıo jáne vıdeo taspalar tańdalady, taratylatyn materıal daıarlanady.

2 - kezeń – trenıńti ótkizý. Trenıń ótkizý ádistemesi ártúrli bolýy múmkin, biraq, kez kelgen áleýmettik - psıhologıalyq trenıń róldik oıynda jáne toptyq dıskýssıany engizýi tıis.

3 - kezeń - qorytyndy shyǵarý. Qorytyndy ár sabaq saıyn júrgiziledi. Qatysýshylar óz jetistikteri men sezimderin baǵalaıdy, bul baǵalaý trenıńtegi árbir qatysýshynyń jekelik damýynyń dınamıkasyna baǵdarlanýy tıis. Árbir sabaq saıyn trener óz baqylaýlaryn jýrnalǵa jazyp qoıady. Toptaǵy kóringen prosester: top músheleriniń emosıalyq qalpy, sabaqta qozǵalǵan taqyryptar, problemany talqylaýdaǵy árbir qatysýshylardyń qosqan úlesin baǵalap tirkeıdi.

Qorytyndy shyǵarý sabaq sıkli aıaqtalǵanda jasalady. Psıhologıalyq baqylaýlardy, anketalardy, testerdi, beınetaspalardy analızdeý arqyly trenıńke qatysýshy árbir músheniń jumys nátıjesin anyqtaıdy.