Táýelsizdikke 25 jyl
Táýelsizdikke 25 jyl
Osynaý shırek ǵasyr ishinde Qazaq eli álem qaýymdastyǵy moıyndaǵan irgeli memleketke aınaldy. Árıne mundaı úlken jetistikke halqymyz ońaılyqpen jetken joq. Ótken ǵasyrdyń 90 – jyldarynyń basynda Jeltoqsannyń muzǵa jaqqan alaýymen Keńester Odaǵynyń muz kóbesin sógip, Qaırat pen Lázzat sekildi jastardyń tógilgen qanymen kelgen Táýelsizdik – babalardyń ǵasyrlar boıyna ańsaǵan armany ekeni sózsiz. Sol azattyqtyń aq tańyn kórý búgingi urpaqtyń mańdaıyna jazyldy. Osynaý baǵa jetpes baqytqa qoly jetken qazaq halqy sol kezdegi eldiń eńsesin ezgen áleýmettik – ekonomıkalyq qıyn jaǵdaıǵa da moıyǵan joq. El bolyp saılap alǵan Elbasymyzdyń eń birinshi ekonomıkany saýyqtyrýǵa baǵyttalǵan salıqaly saıasatyna túsinistikpen qarap, bir jaǵadan bas, bir jeńnen qol shyǵara eseli eńbek etti. Sonyń arqasynda búgingi Qazaqstan álemdegi damyǵan 50 memlekettiń qatarynan oıyp turǵan oryn alyp, endi eń ozyq otyzdyqtyń kóshine ilesti. Sóz joq, 25 jyl ishindegi osyndaı orasan jeńisti jetistikterge jetý jolynda jyly oılyqtardyń da qaldyrǵan óshpes qoltańbasy bar dep bilemin.
Qasıetti Keń Jylyoı jeri - Qazaqstan munaıynyń týǵan jeri. Kıeli Qarashúńgilden bastaý alǵan qara altyn bulaǵy búginde alyp bir qaınarǵa aınalyp, dúıim dúnıejúzi qyzyǵa qaraıtyn telegeı Teńizge ulasty. Tutas elimizdi tyǵyryqtan alyp shyqqan osynaý ekonomıkamyzdyń kúre tamyrynyń búlkili memleketimizdi álemdegi munaı óndirýshi alyp derjavalardyń qataryna qosty. Táýelsizdigimizdi tuǵyrly, bostandyǵymyzdy baıandy, azattyqtyń aq tańyn nurly etken de altyn kómbeniń ústindegi keń peıildi jylyoılyqtardyń mańdaıynan ashshy termen birge aralas tamǵan munaıdyń arqasy. Biz ólkemizdiń osyndaı baılyǵymen, qazynasymen maqtana alamyz.
Memleket basshysy 1997 jyly «Qazaqstan – 2030» strategıasyn qabyldap, elimizdiń uzaq jylǵa arnalǵan damý baǵytyn aıqyndap berdi. Jasyratyny joq, sol ýaqytta Qazaq eliniń jarqyn bolashaǵyna kúmánmen qaraǵan elder de boldy. Biraq soǵan qaramastan, 130 – ǵa tarta ult pen ulysty bir shańyraqtyń astyna uıystyra bilgen Elbasymyzdyń kóregen kóshbasshylyǵy men halqymyzdyń yntymaq birliginiń arqasynda biz alǵa qoıǵan armanymyzdan adaspaı, kózdegen maqsatymyzǵa qol jetkize bildik. Sóıtip jańa myńjyldyq tabaldyryǵyn sátti attaǵan Qazaqstan tek damý men ósip – órkendeý ústinde boldy. Dúbirli dúnıejúziniń qaýymdastyǵymen terezesi teń, keregesi keń el retinde tós túıistirgen jurtymyz Táýelsizdiktiń 20 jyldyǵynda irgesi bútin, shańyraǵy bıik úlken memleket qalyptastyrdy. Orta Azıa elderinen oq boıy ozyq, shoqtyǵy bıik turǵan bul el 2030 jylǵa deıingi damý josparyn oıdaǵydaı júzege asyryp, jańa «Qazaqstan - 2050» strategıalyq baǵdarlamasyn bekitip alǵan «Máńgilik elge» aınaldy. Kóne Túrik qaǵanattarynyń zańdy murageri retinde ulan – baıtaq boz dalany meken etken alash eli búginde Evrazıa qurlyǵyndaǵy kóshbasshy memleket.
Arý Astanasy men Alataýdaǵy ásem Almatysymen, «Munaıly Astana» atanǵan Aq Jaıyqtaǵy Atyraýy men qazynaly Keń Jylyoıymen maqtana alatyn Qazaqstan memleketiniń 25 jyl ishindegi qol jetkizgen jetistigin azǵana sózben beınelep berý múmkin emes. Eń bastysy shırek ǵasyr ishinde elimiz egemendikpen eńse tiktep, Táýelsizdigin baıandy etip, «Máńgilik el» ıdeıasy qyrandaı qanattandyrǵan alyp elge aınaldy. Qazaq halqy osy jyldar ishinde álemge óziniń baılyǵymen ǵana emes, óskeleń urpaqqa qazynasymen de maqtana aldy. Ulttyq qundylyǵymyzdy qasterlegen mádenıet pen ádebıet, óner qaıratkerleriniń eńbegi dúnıejúzindegi daryndardy tań qaldyrdy. Árıne, munyń barlyǵy óz aldyna taýsylmaıtyn bir – bir taqyryp. Sonyń ishinde talanttarymen talaı tańdaı qaqtyrǵan qasıetti Keń Jylyoıdan tamyr tartqan tarıh pen mádenıet óz aldyna bir taraý. Munyń barlyǵy túptep kelgende túpsiz tereń tuńǵıyqqa toly Táýelsizdik teńizine quıylar úlken qaınar kózi ispettes.
Olaı bolsa shırek ǵasyr ishinde qol jetken jetistikti ýystan shyǵarmaı, elimizdi damýdyń dańǵyl jolynan adastyrmaý búgingi óskeleń urpaqtyń qolynda ekeni sózsiz. Al olarǵa sapaly bilim men sanaly tárbıe berý biz sekildi pedagog kadrlardyń kásibı sheberligine baılanysty. Endeshe «Elý jylda eń jańa» degendeı, taǵy da bir shırek ǵasyr ótkennen keıingi Qazaqstan Táýelsizdiginiń 50 jyldyǵynda el tizginin ustaz azamattary biz tárbıelep jatqan búldirshinder bolaryna sóz joq. Bul bizdiń elimizdiń egemendigine qosqan zor úlesimiz bolmaq.
Osynaý shırek ǵasyr ishinde Qazaq eli álem qaýymdastyǵy moıyndaǵan irgeli memleketke aınaldy. Árıne mundaı úlken jetistikke halqymyz ońaılyqpen jetken joq. Ótken ǵasyrdyń 90 – jyldarynyń basynda Jeltoqsannyń muzǵa jaqqan alaýymen Keńester Odaǵynyń muz kóbesin sógip, Qaırat pen Lázzat sekildi jastardyń tógilgen qanymen kelgen Táýelsizdik – babalardyń ǵasyrlar boıyna ańsaǵan armany ekeni sózsiz. Sol azattyqtyń aq tańyn kórý búgingi urpaqtyń mańdaıyna jazyldy. Osynaý baǵa jetpes baqytqa qoly jetken qazaq halqy sol kezdegi eldiń eńsesin ezgen áleýmettik – ekonomıkalyq qıyn jaǵdaıǵa da moıyǵan joq. El bolyp saılap alǵan Elbasymyzdyń eń birinshi ekonomıkany saýyqtyrýǵa baǵyttalǵan salıqaly saıasatyna túsinistikpen qarap, bir jaǵadan bas, bir jeńnen qol shyǵara eseli eńbek etti. Sonyń arqasynda búgingi Qazaqstan álemdegi damyǵan 50 memlekettiń qatarynan oıyp turǵan oryn alyp, endi eń ozyq otyzdyqtyń kóshine ilesti. Sóz joq, 25 jyl ishindegi osyndaı orasan jeńisti jetistikterge jetý jolynda jyly oılyqtardyń da qaldyrǵan óshpes qoltańbasy bar dep bilemin.
Qasıetti Keń Jylyoı jeri - Qazaqstan munaıynyń týǵan jeri. Kıeli Qarashúńgilden bastaý alǵan qara altyn bulaǵy búginde alyp bir qaınarǵa aınalyp, dúıim dúnıejúzi qyzyǵa qaraıtyn telegeı Teńizge ulasty. Tutas elimizdi tyǵyryqtan alyp shyqqan osynaý ekonomıkamyzdyń kúre tamyrynyń búlkili memleketimizdi álemdegi munaı óndirýshi alyp derjavalardyń qataryna qosty. Táýelsizdigimizdi tuǵyrly, bostandyǵymyzdy baıandy, azattyqtyń aq tańyn nurly etken de altyn kómbeniń ústindegi keń peıildi jylyoılyqtardyń mańdaıynan ashshy termen birge aralas tamǵan munaıdyń arqasy. Biz ólkemizdiń osyndaı baılyǵymen, qazynasymen maqtana alamyz.
Memleket basshysy 1997 jyly «Qazaqstan – 2030» strategıasyn qabyldap, elimizdiń uzaq jylǵa arnalǵan damý baǵytyn aıqyndap berdi. Jasyratyny joq, sol ýaqytta Qazaq eliniń jarqyn bolashaǵyna kúmánmen qaraǵan elder de boldy. Biraq soǵan qaramastan, 130 – ǵa tarta ult pen ulysty bir shańyraqtyń astyna uıystyra bilgen Elbasymyzdyń kóregen kóshbasshylyǵy men halqymyzdyń yntymaq birliginiń arqasynda biz alǵa qoıǵan armanymyzdan adaspaı, kózdegen maqsatymyzǵa qol jetkize bildik. Sóıtip jańa myńjyldyq tabaldyryǵyn sátti attaǵan Qazaqstan tek damý men ósip – órkendeý ústinde boldy. Dúbirli dúnıejúziniń qaýymdastyǵymen terezesi teń, keregesi keń el retinde tós túıistirgen jurtymyz Táýelsizdiktiń 20 jyldyǵynda irgesi bútin, shańyraǵy bıik úlken memleket qalyptastyrdy. Orta Azıa elderinen oq boıy ozyq, shoqtyǵy bıik turǵan bul el 2030 jylǵa deıingi damý josparyn oıdaǵydaı júzege asyryp, jańa «Qazaqstan - 2050» strategıalyq baǵdarlamasyn bekitip alǵan «Máńgilik elge» aınaldy. Kóne Túrik qaǵanattarynyń zańdy murageri retinde ulan – baıtaq boz dalany meken etken alash eli búginde Evrazıa qurlyǵyndaǵy kóshbasshy memleket.
Arý Astanasy men Alataýdaǵy ásem Almatysymen, «Munaıly Astana» atanǵan Aq Jaıyqtaǵy Atyraýy men qazynaly Keń Jylyoıymen maqtana alatyn Qazaqstan memleketiniń 25 jyl ishindegi qol jetkizgen jetistigin azǵana sózben beınelep berý múmkin emes. Eń bastysy shırek ǵasyr ishinde elimiz egemendikpen eńse tiktep, Táýelsizdigin baıandy etip, «Máńgilik el» ıdeıasy qyrandaı qanattandyrǵan alyp elge aınaldy. Qazaq halqy osy jyldar ishinde álemge óziniń baılyǵymen ǵana emes, óskeleń urpaqqa qazynasymen de maqtana aldy. Ulttyq qundylyǵymyzdy qasterlegen mádenıet pen ádebıet, óner qaıratkerleriniń eńbegi dúnıejúzindegi daryndardy tań qaldyrdy. Árıne, munyń barlyǵy óz aldyna taýsylmaıtyn bir – bir taqyryp. Sonyń ishinde talanttarymen talaı tańdaı qaqtyrǵan qasıetti Keń Jylyoıdan tamyr tartqan tarıh pen mádenıet óz aldyna bir taraý. Munyń barlyǵy túptep kelgende túpsiz tereń tuńǵıyqqa toly Táýelsizdik teńizine quıylar úlken qaınar kózi ispettes.
Olaı bolsa shırek ǵasyr ishinde qol jetken jetistikti ýystan shyǵarmaı, elimizdi damýdyń dańǵyl jolynan adastyrmaý búgingi óskeleń urpaqtyń qolynda ekeni sózsiz. Al olarǵa sapaly bilim men sanaly tárbıe berý biz sekildi pedagog kadrlardyń kásibı sheberligine baılanysty. Endeshe «Elý jylda eń jańa» degendeı, taǵy da bir shırek ǵasyr ótkennen keıingi Qazaqstan Táýelsizdiginiń 50 jyldyǵynda el tizginin ustaz azamattary biz tárbıelep jatqan búldirshinder bolaryna sóz joq. Bul bizdiń elimizdiń egemendigine qosqan zor úlesimiz bolmaq.
You Might Also Like
-
Baǵdarlama 4 - 5, 5 - 6 jastaǵy balanyń qol saýsaqtarynyń usaq matorıkasyn damytady. Qoldyń usaq qol matorıkalaryn damytý balalardyń sóıleýiniń damýyna aparatyn jol. Balada sóıleý kemshiligi qalypta...
