InfoHub Logo

Dúnıetaný 4 synyp

Sabaqtyń taqyryby: Alǵashqy muǵalim
Sabaqtyń maqsaty:
a/bilimdilik: Oqýshylarǵa ustazdarǵa degen sezimderin, alǵashqy muǵalimniń kim ekenin uǵyndyrý, túsindirý
b/damytýshylyq; Oqýshylardyń oı - órisin, sabaqqa degen yntasyn arttyryp, sózdik qoryn molaıtý, qyzyǵýshylyǵyn oıatý.
v/tárbıelik: Oqýshylardy adamgershilikke, sabyrlyqqa, alǵyrlyqqa, shynshyldyqqa, uqyptylyqqa tárbıeleý.
Sabaqtyń tıpi: Jańa materıaldy ıgertý
Sabaqtyń túri: Oıyn sabaq
Sabaqtyń ádisi: Túsindirý, Suraq - jaýap
Sabaqtyń kórnekiligi: Kitap, maqal - mátel, syzbalar, Avtor sýreti
Pánaralyq baılanys: Ana tili, ózin - ózi taný

Sabaqtyń barysy: İ. Uıymdastyrý kezeńi:
a/ Sálemdesý, synyp tazalyǵy
b /Oqýshylardy túgeldeý, oqý quraldaryn aldyrý.
b/Oqýshy nazaryn sabaqqa aýdarý

İİ. «Y. Altynsarın» aýylyna saıahat. Psıhologıalyq daıyndyq
Turyńyzdar kele jatyr muǵalim
Qashan kórseń kúnge uqsaǵan janary
Mektep kórgen ádeptiler aıtpaqshy
Muǵalimnen shyqpańyzdar joǵary

İİİ. «Gaýhar» shaǵyn ortalyq aıaldamasy. Úı tapsyrmasyn tekserý
1. «Atańa ne qylsań, aldyńa sol keler» mazmundaý
2. Ata - ana, baýyr, týysqan jáne syılastyq týraly óleń shýmaǵyn shyǵaryp kelý

İÝ. MAD toby aıaldamasy. Jańa sabaq
Oı - qozǵaý
«Labırınt» oıyny arqyly balalar búgingi sabaǵymyzdy ashyp alaıyq.
Kitapta mekteptke qatysty zattardy tabý arqyly maqal - máteldi sheshý
Ustazdyq etken jalyqpas, úıretýden balaǵa. / A. Qunanbaev /

Ý. J. Bekmambetov aıaldamasy. Beınetaspa «Meniń atym Qoja»
Suraqtar: 1. Qojanyn is - áreketi?
2. Qoja qandaı bala?
3. Synypta Qoja qalaı ustaıdy ózin?
Ýİ. «Kitaphana» aıaldamasy. Maǵynany taný
- Balalar, Ustaz!
Osynaý sózde qanshama mán - maǵyna jatyr deseńizshi! Ulaǵatty oı ıeleri de, arman oty júreginde alaýlaǵan jetkinshekter de, parasatty qoǵam qaıratkerleri de bir adamǵa qaryzdar. Ol – Ustaz! Alǵash “Álippeniń” betin ashyp, árip tanytqan, ómirdiń qyr - syryn bilýge, san qıly qubylystardy tereń túsinýge muryndyq bolyp, jan dúnıeńe nurly shýaq túsirip, adamgershilikke baýlyǵan muǵalimniń beınesi kóńil tórinen oryn alady ǵoı.
Ustaz da dıqan sıaqty. Ol ár adamnyń janyna bilim dánin sebedi. Ár shákirtin aıalap ósirip, ómir atty sheksiz ǵalamǵa topshysyn qataıtyp ushyrady. Dálirek aıtsaq, adamdy ómir súre bilýge tárbıeleıdi. Sol úshin boıyndaǵy asyl qasıetterin shákirtterine sińirip, ter tógedi.
Ǵylym ıesi ǵalym da, el qorǵaǵan batyr da, tilinen bal tamǵan aqyn da, tegeýrini temir balqytqan jumysshy da, egin salǵan dıqan da, mal baǵyp terin tókken shopan da, kók kúmbezinen ári ótken ǵaryshker de bári - bári ustazdan bilim, tálim alǵan, sondyqtan ulaǵatty ustazdar sizderge búkil adam balasy qurmetpen bas ıedi.
Ustaz eńbegi – uly eńbek. Sondyqtan da uly aqyn Abaıdyń:
Aqyryn júrip, anyq bas,
Eńbegiń ketpes dalaǵa.
Ustazdyq etken jalyqpas
Úıretýden balaǵa, - dep aıtýynda tereń maǵyna jatyr.
Eger ár adamnyń júreginde izgilik sáýlesi bolsa, ol – muǵalimniń eńbegi. Sol nurdy jetkinshektiń júregine sińirý úshin qanshama ter tókti deseńizshi! Dúnıede adamdy tárbıelep, azamat atandyrǵannan artyq abyroı men qurmet joq shyǵar, sirá?!
Q. Qaısenov pen Sh. Aıtmatovtyń áńgimelerin aıtyp ótý jáne sýretimen, ómirbaıanymen tanystyrý