InfoHub Logo

Qurmetti ustazdar! Qymbatty oqýshylar, ata-analar jáne barsha qazaqstandyqtar! Sizderdi búgingi jarqyn da qýanyshty, aıtýly mereke – Bilim kúnimen quttyqtaımyn! 1 qyrkúıek barsha halyqtyń dástúrli merekesi! Bul mereke keıbir azamattardyń mektep qabyrǵasyn, kolej jáne joǵary oqý oryndaryna barǵan kúnderin eske túsirýmen sıpat alsa, jas muǵalimderdiń alǵashqy jumys kúni áseri men tolǵanysyn aıǵaqtaıtyn umytylmas sátterimen este qalady. Árbir adamnyń ómirine erekshe áser qaldyratyn bul kún elimizdiń barlyq turǵyndarynyń basyn biriktiredi: mektep tabaldyryǵyn attaýǵa asyqqan birinshi synyp oqýshylary, ózi armandaǵan mamandyqqa qol jetkizgen JOO-ǵa maqtanyshpen kelgen mektep qabyrǵasyn jańa ǵana aıaqtaǵan túlekter, osy kúıdi ekinshi ret bastan keship otyrǵan ata-analar. Bilim berý mekemeleriniń pedagogtary men jetekshileri búgin, ıaǵnı 1 qyrkúıek kúni bilim qabyrǵalaryn attaǵaly turǵan oqýshylar men tárbıelenýshilerdi qarsy alady, bul kún tek ataýly mereke ǵana emes, bul bizdiń elimizdiń bolashaǵy táýeldi bolǵan qyzý qaınaǵan, jaýapty kezeń bastamasy. Dál osy kúnnen bastap, alǵashqy qońyraý únimen birge, ár adam ómiriniń jeke tulǵa jáne azamat retinde qalyptasý kezeńi bastalady. Barshańyzdy búgingi Bilim kúnimen jáne jańa oqý jylynyń bastalýymen shyn júrekten quttyqtaımyn. Sizderge búgingi erekshe, jaıma shýaq kúni jaqsy kóńil kúı, jańa jetistikter men ashylýlarǵa udaıy izdenis, shyǵarmashylyq, myqty densaýlyq jáne jańa bastamalarda tek qana sáttilik tileımin! Búgingi kún Sizder úshin úlken úmitter kúni bolsyn!

---