InfoHub Logo

Hasıetova Janıa Jarasqyzy
ál-Farabı atyndaǵy Qazaq Ulttyq ýnıversıteti
«Dintaný jáne mádenıettaný» kafedrasy
Mádenı antropologıa mamandyǵynyń 2-kýrs magıstranty

01.09.2022 jyly el Prezıdenti Qasym-Jomart Kemelulynyń Qazaqstan halqyna kezekti joldaýyn usyndy. Elimiz úshin mańyzdy bul joldaýdy Biz, ál-Farabı atyndaǵy Qazaq Ulttyq ýnıversıtetiniń magıstranttary óz tarapymyzdan qoldap, prezıdentimizdiń alǵa qoıǵan maqsat múddelerin talqyladyq. El bolashaǵy jastardyń qolynda bolǵandyqtan, el úmitin aqtaý men onyń keleshegin kurý óz qolymyzda ekeni aıdan anyq. Sol sebepten ataýly is-sharaǵa óz úlesimizdi qosý bizdiń azamattyq paryzymyz dep bildik. Talqylaýdyń nátıjıesinde kelesideı negizgi máselelerdi aıqyndadyq. Joldaýdyń negizgi bóligi eldiń áleýmettik-ekonomıkalyq damýyna arnalǵan. Atap aıtqanda kelesi máselerledi qolǵa alý josparlanýda: 

• Jalaqyny jáne ál-aýqatty arttyrý; 2022 jylǵy 1 qańtardan bastap eń tómengi jalaqy mólsherin (ETJ) 60 myń teńgege deıin kóbeıtý boldy. Buryn 42 500 teńgeni quraǵan bul kórsetkish 2018 jyldan beri óspegen.
• Zeınetaqy jınaqtaryn tıimdi paıdalanýdy jaqsartý; Joldaý aıasynda azamattardy qoldaý sharalaryn júzege asyrý týraly aıta otyryp, zeınetaqy jınaqtarynyń bir bóligin (eń tómengi jetkiliktilik sheginen joǵary) «Otbasy bank» AQ-daǵy shottarǵa aýdarýǵa jáne keıinnen turǵyn úı satyp alýǵa quqyq berý sıaqty mańyzdy qadamdy atap ótý kerek.
• Daryndy balalardy jáne jalpy bilim berý salasyn qoldaý; Memleket basshysy óz sózinde elimizde adamı kapıtaldy damytý qajettigine, sonyń ishinde bilim berý salasyn nyǵaıtýǵa únemi nazar aýdaryp keledi. Atap aıtqanda, jalpy bilim beretin pánder boıynsha halyqaralyq pándik olımpıadalardyń, shyǵarmashylyq konkýrstar men sport jarystarynyń jeńimpazdary men júldegerlerin qoldaýǵa baǵyttalǵan zańnamalyq ózgerister engizildi. Endi olar konkýrsqa qatyspaı-aq, joǵary oqý ornyna túsý úshin grant ala alady (jyl saıyn 16 negizgi baǵyt boıynsha 80 júldeger).
• Bıznesti qoldaý;  Eleýli ekonomıkalyq áseri men kásipkerler arasyndaǵy joǵary suranysty eskere otyryp, Memleket basshysy «Qarapaıym zattar ekonomıkasy» baǵdarlamasynyń qoldanylýyn uzartý týraly sheshim qabyldady, onyń aıasynda taýar óndirýshiler jeńildikpen nesıe ala alady. Ony qarjylandyrý 1 trln teńgege deıin ulǵaıtyldy.
• Infraqurylymdy jańǵyrtý jáne salý; Prezıdent óz sózinde ekologıa jáne el turǵyndaryn sýmen qamtamasyz etý máselelerine únemi nazar aýdarady. Sondaı-aq Prezıdent strategıalyq ınvestorlarmen birlesip elimizdiń túrli óńirlerinde keminde 2 400 MVt jańartylatyn energetıka qýatyn iske qosý mindetin qoıdy. Bul baǵyttaǵy jumys 2025 jylǵa deıin júredi, qazirdiń ózinde 715 MVt qýattylyq iske qosyldy.

Mine, Joldaýda osyndaı kókeıge úmit uıalatyp, qulshynysty arttyrarlyqtaı mańyzdy basymdyqtar aıtyldy, jańa mindetter júkteldi. Endigi jerde Joldaýda aıtylǵan ár tapsyrmanyń júıeli júzege asýyna atasylysyp el bolashaǵyn birge qurý óz qolymyzda.

.   

---