InfoHub Logo

Án «Kóńildi kún» Naǵashybaı Raýhan
İ júrgizýshi: Qaıyrly kún, qymbatty ustazdar men oqýshylar
İİ - júrgizýshi! «Bolashaq búginnen bastalady» atty Rızashylyq kúnine arnalǵan merekelik konsertimizge qosh keldińizder!

İ júrgizýshi:
Talaıly taǵdyrlardyń basyn óz shańyraǵynyń astyna biriktirip, qanatymen sý sepken qarlyǵashtaı, qamqorlyǵyna alǵan Qazaqstanda adamnyń adamǵa qurmet kórsetetin kúni belgilenbek. Memleket basshysy Nursultan Nazarbaev barlyq ulttyń bir - birine jáne qazaqtarǵa alǵys aıtý kúnin bekitýdi usyndy.
Qazaqstan halqy Assambleıasynyń "Máńgilik El: bir el - bir taǵdyr" taqyrybymen bastalǵan HHİİ sesıasynyń ashylý saltanatynda sóılegen sózinde Nazarbaev: "Stalın rejıminde ár jyldary, ózderińiz biletindeı, halyqtar túgeldeı jer aýdaryldy. Olardy vagondardan aýyldarǵa tastap kete berdi, olardyń esh dúnıesi bolǵan joq. Sol ýaqytta bul dalada ózderi muqtaj bola otyryp, olardy saman úılerine qabyldaǵan qazaqtar, qazaq otbasylary ǵana ómir súrdi. Samannan jasalǵan eki bólmeli úıde turǵan bizdiń otbasy úsh balasy bar januıany qabyldap aldy. Kóz aldymda árqashan, árqashan olardyń bólmeniń bir buryshyna jınalǵanyn elestete beremin, olar qorqyp turdy - kıimderi jyrtylǵan, ash, tozyp ketken. Olar bizdiń otbasynda ómir súrdi, jumys isteı bastady, ómir boıy alǵys aıtyp ótti. Men onyń balalarymen dos boldym", - deı kele, "Qazaqstan halqy Assambleıasynyń qurylǵan kúninde - 1 naýryzda, basqa ýaqytty qoısa da bolady - barlyq ulttyń bir - birine jáne osy adamdardy qabyldaǵan, aıaýshylyq bildirgen qazaqtarǵa alǵys aıtý kúni dep belgilense ádiletti bolar edi", - dep naqtylady.

Prezıdent Nursultan Ábishuly Nazarbaevtaı kóregen saıasatkerdiń eren eńbegin dál búgin jáne árqashanda aıtyp ótemiz.
— Qara jer jaralǵaly qazaǵymnyń,
Shyn súıip, shyn túsingen azabyn kim?
Júrekke qoldy qoıyp nıet qyldym,
Jetti dep tarıhymdy jazatyn kún.
Ýaqyttyń dıirmendeı tasy aınalad…
Ul týsa, baýyryńa bas aımalap.
Taǵdyrdy Alla ǵana násip etip,
Tarıhty tulǵa ǵana jasaı almaq!
Janardyń jáýdiretip nuryn ala,
Bul kúndi kútti qansha Uly Dala.
Ul týdy bir Anasy Alty Alashtyń,
Kún shyqty araı shashyp qubylaǵa.
Kún shyqty araı shashyp aspanyma,
Dúnıa kilt aınaldy basqa aǵymǵa.
Ol Ana ul týmapty, nur týypty
Búgingi ózek bolar dastanyma.
Ol uldyń zaty – Nurdan, aty – Sultan!
Kesh týǵan zaryqtyryp ýaqytynan.
Jaralǵan jan álemi Kúltegindeı,
Halyqtyń arman, tilek, baqytynan.
El úshin Jerdi sharlap ushqan uly,
Ult úshin aıamaǵan kúsh - darynyn.
Qazaqta Er týmaıdy endi Sizdeı,
Jarylyp ketse de óti dushpanymnyń.
Babalar armandaǵan izgi úmitpen,
Aryldy dana halyq júz kúdikten.
— Nuraǵa, o ne deısiz? Biz daıynbyz!!!
Tarıh tur sahnadan Sizdi kútken…
«Nur aǵa» 8 - synyp

Muǵalim. Bul adamnyń ardaqty aty,
Bilimdik bar bıikke shyǵar sáti
Eń alǵash bastalady osy adamnan
Súıedi sondyqtan da súıgen jaty

İİ júrgizýshi:
Ustaz bolý asa mańyzdy jáne óte qıyn mamandyq, óıtkeni ustaz bilim ǵana berip qoımaıdy. Ustaz balany bolashaq úlken ómirge daıyndap qajetti keńestermen sýsyndatady.

İ júrgizýshi:
Qurmetti ustazdar, mektep oqýshylarynyń atynan kórsetken qamqorlyqtaryńyz ben aıaly alaqan, jyly lebizderińiz úshin basymyzdy ıip, raqmetimizdi aıtamyz. Eńbekterińizge jemis, otbasylaryńyzǵa baqyt tileımiz.

İİ júrgizýshi:
Muǵalimnen ónege – bilim alyp, ómir teńizine qulash urǵan kez kelgen shákirt ustazymen maqtanady. «Mekteptiń júregi», «Bala janynyń baǵbany»… Iá, bul mektep muǵalimi — ustazǵa arnalǵan teńeýler. Mundaı madaqtaýlardy jalǵastyra bersek, danalyq sózder tizbegi sheksizdikke ulasady. Mereıli merekede denderińizge saýlyq, otbasylaryńyzǵa amandyq, isterińizge sáttilik tileımiz
Oqýshylar alǵysy muǵalimderge 10 - synyp

Án «Ágýgáı» Muhıt Gúlbaný 7 - synyp
İ júrgizýshi:
Merekemiz «Bolashaq búginnen bastalady» dep atalady, shynynda da bizdiń Elbasymyz Nursultan Ábishuly Nazarbaev óziniń Joldaýy arqyly elimizdiń bolashaǵyna kóz salýǵa múmkindik berdi. Bolashaq urpaqqa: «Men elim úshin ne isteı alamyn?» — degen suraqqa jaýap izdeýge kómektesti. Barlyq oqýshylar «Qazaqstan – 2050» jańa kózqarasy bar, joǵary bilimdi, salaýatty ómir saltyn ustanatyn azamat retinde elestetedi. Osy bolashaqty jaqyndatý úshin kóp eńbektený qajet ekenin túsinedi..
Án «Baqyt degen» Haırýlla Dınara

İİ júrgizýshi:
Ustaz degen uly sóz ulaǵatty,
Ol bolmasa, kim beredi parasatty.
Asylyn berip shákirt boılaryna,
Aǵartqan sol úshin de qara shashty.
Ustazǵa árkim basyn ıý kerek,
Kemeńger, aqylshym dep bilý kerek.
Sen búgin keremet bop ketseń daǵy,
Jetkizgen sol ustaz dep bilý kerek.
Jaqsylar umytpaıdy ustazdaryn,
Oılaıdy, olar sonymen ushtalǵanyn.
Máńgilikke maqtanyp ótedi ustaz,
Shákirtiniń bıikke shyqqandaryn.
Kórkemsóz oqý: Beknur, Gúlderaı, Gúljazıra, Dınara

İ júrgizýshi:
Ustazdarǵa arnalǵan óz jadynan shyǵarǵan óleńimen – Dúıseneı Janat.

İİ júrgizýshi:
Qazaq qyzy kúlimder kún kózindeı,
Dóńgelenip bıleıdi aı júzindeı.
Juldyzdardaı órnekti aspandaǵy,
Bıshi qyzdar burala bıleıdi bı.
«Qazaq bıi» 10 - synyp

İ júrgizýshi:
Alǵys - adamnyń adamǵa jasaǵan jaqsylyǵy, kómegi, kóńili úshin rızashylyq bildirýi, sondaı - aq onyń oıy men is – áreketine, jasaǵan isterine joǵary baǵa berý.
Rızashylyq – adamnyń basqa adamnan kórgen jaqsylyǵy, kómegi, kóńili úshin qanaǵattanýshylyq jáne alǵys bildirýshilik sezim.
Hor «Rızamyz»
Otbasynyń basty qyzyǵy, altyn tireý dińgegi – bala. Balanyń berekeli bop ósýine berekeli otbasynyń áseri mol. Halyq maqalynda «Áke – asqar taý, ana – baýyryndaǵy bulaq, bala – jaǵasyndaǵy quraq» dep tabıǵattyń tamasha qubylysyna teńegen eken. Áke – urpaq ıesi, panasy, úı basshysy. Jeti atadan sanaǵanda ekinshi urpaq. Áke – bala úshin shyńy bıik asqar taý.
Jan áke, Siz júrgende kózińdi sap,
Ósemiz báıterekteı óziń qusap.
Ortada Sizder barda dara shyńdaı,
Bizge ashyq keń peıildi sezim qushaq.
Jan áke, úıretken Siz erlikti de,
Uǵyndyq Sizge qarap eldikti de.
Júremiz jalǵyzsyrap dástúrińdi,
Darytyp darhandyqty, keńdikti de.
Jan áke, búgin toı ǵoı án salatyn,
Shattyqqa toly bolsyn ár saǵatyń.
Atyńdy asqaq biz ustaımyz,
Bolashaq mereıtoılar saltanatyn.
9 «B» synyp Ákelerge tilek.

İİ júrgizýshi:
Qurmanǵazy, Táttimbet
Dombyramen saıraǵan.
Júrekte ot jansyn dep,
Elge kúıin arnaǵan.
Kelesi kezekte ónerli qyzdarymyzdyń kúı ónerin tamashalaıyq.

İ júrgizýshi:
Qulaqtan kirip boıdy alar
Ásem án men tátti kúı
Kóńilge túrli oı salar
Ándi súıseń, menshe súı dep, kelesi kezekte Raýhan qyzdaryńyzdyń ónerin tamashalańyzdar.
«Aqqý» bıi Sapar Dınara 7 - synyp

İİ júrgizýshi:
Myń alǵys, mıllıon alǵys analarǵa!
Aty da, ózi de uly turar alda.
Otanmen, týǵan jermen teńesesiń,
Nár alǵan analardan danalar da.
Tirlikke bastaýsyńdar tunyq bulaq,
Tań shapaq sáýlesińder jaryq shyraq.
Júz kórer aınasyńdar shań qonbaǵan,
Jaıdary jaz kúnindeı janǵa shýaq.

İ júrgizýshi:
Ana árbir adamnyń jaryq dúnıedegi eń jaqyny, janashyry, qadirlisi, qamqorshysy, aq sútin emizip aıalaǵan, janyn da aıamaǵan ardaqtysy. Men ana degen sózdi qansha aıtsam da jalyqpaımyn. Óıtkeni ol dúnıedegi eń ardaqty jan. Ana balany toǵyz aı kóterip, tolǵatyp, dúnıege keltirip qana qoımaıdy, ony kóziniń qarashyǵyndaı qorǵap, aıalap ósirip aıaǵynan tik turǵyzady. Ómir esigin jańa ashqan balanyń boıyna eliniń rýhyn sińiretin, jylaýyn qoıǵyzatyn ana. Ana balanyń amandyǵyn baqytty, abyroıly bolýyn tileıdi. Boıymyzdaǵy eń jaqsy qasıetter bizge aldymen anadan taraıdy.

İİ júrgizýshi:
Qaıran ana, óz perzentin ádemi ne usqynsyz, aqyldy ne aqymaq, meıirimdi ne raqymsyz, kesir - qyrsyq bolsa da báribir sheksiz súıedi. Dúnıede ananyń kóz jasynan salmaqty, odan aýyr tarazy basyn basatyn eshteńe joq. Óıtkeni ananyń kóz jasy óziniń kıesimen aýyr. Alaıda «Ananyń kóńili - balada, balanyń kóńili - dalada» demekshi, óziniń perzenttik boryshyn umytqan, sóıtip ata - anasyn syılamaıtyn adamdardy da ómirden kezdestirýge bolady. Ana - tirshiliktiń gúli, otbasynyń berekesi, búkil adamzattyń tárbıeshisi. Anasy joq balalar da az emes. Olar ananyń meıirimin, aıalaǵanyn eshqashan sezgen emes. Endeshe, anamyzdy syılap, qurmetteıikshi!

İ júrgizýshi:
Búgingi rızashylyq kúnin paıdalanyp analarymyzǵa da basymyzdy ıip, rahmetimizdi aıtamyz!
Analarǵa tilek 9a - synyp
Án «Ana sen baqyttysyń» Myrzabek Gúljazıra 8 - synyp

İİ júrgizýshi
Búgingi kún — nurly kún
Jaryq shashqan álemge
Eskeretin kún búgin
Rızashylyq qoı ár elde

İ júrgizýshi:
Qurmetti oqýshylar, jyly sóz, qaırymdy is, jaqsy oı, kirshiksiz sezimderińizdi eshkimnen eshqashan aıamańyzdar, «Rahmet» degen qasıetti sózdi jıi aıtyńyzdar. Adam alǵys pen rızashylyqty estigen saıyn, jaqsylyq jasaǵysy kelip turatynyn esterińde saqtańyzdar. Ómirdiń árbir sátin baǵalaı bilýge úırenińizder jáne Tabıǵat – Anaǵa meıirimdi kúni úshin, kóńildi jańbyry men aq qary úshin, jumsaq ulpa bulty úshin, jaqyn adamdarǵa qaıyrymdylyǵy men rıasyz mahabbaty úshin alǵys aıtýdy umytpańyzdar.

İİ júrgizýshi:
Osymen «Bolashaq búginnen bastalady» atty Rızashylyq kúnine arnalǵan merekelik konsertimizdi aıaqtaımyz, kelip tamashalaǵandaryńyz úshin kóp - kóp rahmet!

İ júrgizýshi:
Demeńiz biz ónerdi aıap qaldy,
Mezgil de biraz jerge taıap qaldy.
Qosh bolyp turyńyzdar kóriskenshe,
Osymen konsertimiz aıaqtaldy.