InfoHub Logo

Astana qalasy
Gýmanıtarlyq koleji
Oqytýshy: Haırat Elmıra

Taqyryby: «Alynbaıtyn asý joq»
Maqsaty: Óz múmkindikterin durys qoldana otyryp, maqsatyna jetý jolynda tabandylyq tanytýǵa úıretý;
Kez kelgen jaǵdaıatta ózin durys ári sabyrly ustaı alatyn, ózine senimdi tulǵa tárbıeleý;
Topta jumys isteı bilýge, jaqsydan ónege alýǵa, birin - biri syılaýǵa baýlý.
Qundylyǵy: durys áreket
Kútiletin nátıjeler:
1. «Adam múmkindikteri uǵymyn qundylyq retinde túsinip, ózindik oılaý, paıymdaı alýy, sheshim qabyldaı bilýi, jaýapkershilikti sezine otyryp, óz múmkindikterin baǵalaı jáne iske asyra bilý kerektigin uǵynýy.
2. Qıyndyqqa moıymaıtyn, maqsaty aıqyn, ózine senimdi, durys sheshim shyǵara alatyn «tulǵa» bolýǵa degen qushtarlyqtary artady.
Kórnekiligi: slaıd, án jáne ánniń mátini, tirek sózder.
Túri: Toptyq jumys, trenıń

Barysy:
İ. Uıymdastyrý sáti:
Sálemetsizder me? Búgingi ótiletin «Alynbaıtyn asý joq» atty tárbıe saǵatyna qosh keldińizder. Biz búgin adam múmkindikteri, qıyndyqqa qarsy turyp maqsaty jetý joldary týraly áńgimeleımiz. Bul is - shara sizderge jaqsy kóńil kúı syılap erik jigerińizdi joǵarylatatynyna senimdimin.

İİ. «Óz menin kóterý» jattyǵýy
Maqsaty: Qatysýshylardyń ózine degen senimderin oıatý
Jattyǵý barysy:
Oqýshylar sheńber boıymen turyp óz menin kóterýge yqpal etetin jattyǵýlardy jasaıdy.
Men sabyrlymyn
Men baısaldymyn
Men aqyldymyn
Men jaspyn, ádemimin
Men ómirdi súıemin
Meniń qolymnan bári keledi
Men kúshtimin
Men ózime senemin
Men ómirge kelgenime ózimdi baqytty sanaımyn
Biz baqytty jandarmyz
Bári jaqsy bolady.

İİİ. «Kim jyldam?» jattyǵýy
Qatysýshylar eki topqa bólinedi. Eki top qarama – qarsy turady, qatysýshylar qoldarynan ustap turady. Oqytýshy eki toptyń ortasyna turyp, bir qolymen bir topty, ekinshi qolymen ekinshi toptyń qatysýshysynyń qolynan ustap turyp ımpúls jiberedi, shetki qatysýshy ortada turǵan plasıkalyq bótelkeni qolyna ımpúls kelgen boıda qaǵyp alýy kerek. Qaı top 3 ret jyldam alyp úlgerse sol top jeńimpaz.
Minekeı kóńil – kúımiz jaqsaryp, sergitilgen sıaqtymyz, endeshe osy jattyǵýdan kórip otyrǵandaı maqsatqa jetý úshin, adamǵa jeńiske degen umtylys qajet.

İV. «Bıiktik» jattyǵýy:
Kelesi jattyǵýdy oryndaý úshin maǵan kómekshi qajet. Osy jattyǵýdy oryndaý úshin bir qatysýshy, qolyna bor alyp, taqtanyń qasynda turyp sekiredi, sekirgennen keıingi jetken jerin bormen syzyp belgilep qoıady. Sonan soń qatysýshyǵa nusqaý beriledi, «al endi joǵaryǵa qarap, tóbege jetemin dep sekir» sonan soń jetken jerin belgileý kerek.
Suraqtar:
• Eki belginiń arasynda aıyrmashylyq bar ma?
• Bıikke sekirý úshin ne áser etti?
• Qoıylǵan maqsat nátıjeni jaqsartty ma, nasharlatty ma?
• Maqsat qoıý úshin adamǵa ne kerek?
Ekinshi jattyǵýdan kórgenimiz, adamǵa maqsat qoıý, kózdegen nátıjege jetý úshin qajet, oǵan osy áreketti sanaly túrde basqarý úshin erik qajet.
Erik – bul sanaly túrde maqsat qoıa alý qabileti men alda kezdesetin ishki jáne syrtqy kedergilerdi jeńýge degen ishki talpynys.
Syrtqy kedergiler – bul bizge syrtqy áleýmettik ortadan keletin qıyndyqtar. (áleýmettik orta, materıaldyq jaǵdaı, ártúrli jaǵdaılar)
İshki kedergiler – bul ózimizdiń ishimizden shyǵatyn qıyndyqtar. (qorqynysh, ashý, úreı, júreksiný, sharasyzdyq, yza, jekkórý, qyzǵanysh, tákápparlyq, nemquraıly, qyrsyqtyq, ózin kináli sezinýshilik, jannyń aýyrtpalyǵy, ishki jalǵyzdyq, sarańdyq, jalqaýlyq t. b.
«Ómirde eń úlken jeńis – bul ózin - ózi jeńý» deıdi halyq danalyǵy, syrtqy kedergilerdi jeńý aldynda, biz ózimizben kúresemiz, ózimizdi baǵyttaımyz. Aldymyzǵa qoıǵan maqsatymyz qanshalyqty aıqyn, qanshalyqty naqty bolsa, sonshalyqty bizder soǵan jetýdegi kedergilerdi jeńýge daıyn bolýymyz qajet.

V. Toptar ózderine berilgen taqyryptar boıynsha daıyndaǵan jobalaryn qorǵaıdy.

VI.«Tabys qorjyny» jattyǵýy
Sizderdiń barlyǵyńyzda maqsattaryńyz bar. Ol siz úshin qanshalyqty mańyzdy? Aldyńnan kedergi tap bolsa, qoıǵan maqsatyńnan bas tartasyn ba?
Shóldep kele jatqan eki adamdy elestetińiz, bireýi kóshede kele jatyr, + 27 gradýs ystyq, dúkenderdiń mańaıynan kele jatyp shóldegenin sezinedi, dúkenge kirip sórelerdi qarap turady, ne alsam eken? «Kola» ma? Álde «Tassaı» alaıyn ba? Óstip oılanyp turǵanda dúkenshi «Alasyz ba, joq pa, túski úziliske jabamyn» deıdi, ol ashýlanyp eshnárse almaı shyǵyp ketedi, endi biri shól dalada kele jatyr, sý ishpegenine 2 kún bolǵan, + 45 gradýs ystyqta kele jatyr, alysta qudyq kórinedi, soǵan qaraı bettedi.
Qaısysy maqsatyna jetedi.
Suraqtar:
Osy eki adamnyń tilek kúshteriniń aıyrmashylyǵy bar ma?
Qandaı tilek qoıǵan adam maqsatyna jetedi?
Al sizdiń qalaýyńyz qandaı birinshi adamdykindeı me?, álde ekinshisinikindeı me? Tekserip kóreıik: Maqsatqa jetý joly árqashan jeńil bolmaıdy, kedergilerden ótip myna «sıqyrly» qorjynǵa jetseńiz, armandaryń oryndalady. Qatysýshylar eki topqa bólinip eki qatarǵa turady. Aralaryna 15 sm. araqashaqtyq qaldyrady. Toptyń maqsaty: qol, dene arqyly kedergiler jasaý, biraq adamnyń ótýine múmkindik berý. «Joq» sózin hormen aıtý.
Ár qatysýshy kezekpen osy «kedergiler tonnelinen» ótedi, ishinen ótkende «ıá» dep aıtyp ótýi kerek. Barlyq qatysýshy óz sıqyrly paraqtaryn alyp bolǵan soń, sheńberge turyp, paraqtardyń artyndaǵy óleńdi hormen aıtady.

VII. Qorytyndy
Stýdentterdiń bul jattyǵýlardan alǵan iserlerimen bólisý.
Minekeı bizder búgin sizderdiń maqsatqa jetý úshin ózińizge ne qajet ekenin bilip, maqsatqa jetý úshin kedergige tap bolsańdar tabandylyq tanyta alatynyńyzdy baıqadyq, minekeı osy jattyǵýlardy oryndaǵandaǵydaı, jeńiske umtylysyńyz ben tabandylyǵyńyz bolsa, sizderdiń almaıtyn asýlaryńyz joq dep oılaımyn. Sizderge sáttilik tileımin!

Top jetekshisi: __________________________ Haırat. E