InfoHub Logo

Almaty oblysy, Uıǵyr aýdany,
J.Qudaıbergenov atyndaǵy orta mekteptiń
bastaýysh synyp muǵalimi Sálim Ranagýl Aıtnurqyzy

Taqyryby: «Álippe, saǵan myń alǵys!»
Maqsaty:1.Oqýshylardyń saýat ashý barysynda alǵan bilimderin tıanaqtaý.Ár oqýshynyń is-áreketteri arqyly ıkemdiligin, shyǵarmashylyq múmkindigin ashý.
2. Ata-analarǵa balalarynyń úsh-tórt aıdyń ishinde qandaı bilim ıgergenin is-júzinde kórsetý.
3.Adamgershilikke, uqyptylyqqa, ózin-ózi durys ustaýǵa, ana tilin súıip qasterleýge tárbıeleý.

Kórnekiligi:
Abaı, Ybyraı sýretteri, áripter qatary, tehnıkalyq quraldar, gúlder, sharlar, naqyl sózder.
Muǵalim: Sálemetsizder me, qurmetti ustzdar, aıaýly da ardaqty ata-analar ! Búgin de egemendigimiz eskerilip, táýelsiz tulpardaı etek-jeńimiz keńeıip, atymyz alysqa jetip Táýelsizdikke 20 jyl tolyp jatqan shaqta búgingi kúni sizder úshin toılaryńyzǵa taǵy bir toı qosylmaq. Keshe ǵana alańsyz atqa minip shapqylap júrgen búldirshinder , búginde boılarynda jaýapkershilik paıda bolyp, sanaly azamattyq boryshtarynyń alǵashqy asýyn aman-esen asyp ,bir jasqa taǵy da eseıip otyr.Bilim jolyndaǵy belesterge qanattary talmaı órleı bersin. Toılaryńyz toıǵa ulassyn!
Endeshe, búgingi qýanysh ıeleri 1 synyp oqýshylaryn ortaǵa qoshemettep qarsy alaıyq! (ortaǵa oqýshylar shyǵady).

Ósti mine oılaryń,
Ósti mine boılaryń,
Qýanyshqa ortaqpyn
Qutty bolsyn toılaryń!
1júrgizýshi:
Kóz salyp qarańyzshy boıymyzǵa,
Ortaq bop búgingi ósken oıymyzǵa
Hosh kelipsiz ustazdar, ata-analar
Álippemen qoshtasý toıymyzǵa

2júrgizýshi: Shashý, shashý shashaıyq!
Aq sandyqty ashaıyq.
Bul mereke, bul toıdyń,
Bastańǵysyn jasaıyq (shashý shashylydy)
Muǵalim: Kimder zerek, kim tapqyr,
Talanttaryn tabaıyq,
Qaısy kúıshi , kim bıshi,
Talabyna qaraıyq,
İshi tolǵan áripke ,
Bar bilimniń bastaýy
Bilimdegi jaryq ne?

Hormen: Bolashaqqa jol bastar. Ol súıikti álippe, álippe, álippe!
Muǵalim: Olaı bolsa bárimizge eń qymbat álippeni ortaǵa shaqyraıyq (álippe ortaǵa shyǵady).
Álippe:Armysyzdar jas dostar!
Armysyzdar ata-ana!
Bolashaqqa jol bastar,
Álippeń keldi ortaǵa.
Bilim degen ǵylymnyń
Álippesin meńgergen
Keleshegi qazaqtyń,
Bastalady senderden.
Jaqsy bilim kórimdik,
Bolsyn sizge halaıyq.
Ne úırendik ne bildik,
Qane ortaǵa salaıyq!
1oqýshy: Jumbaq jańyltpash, sanamaq, óleń jáne án úırendik. Endi kez-kelgen kitapty oqı alamyz. Ybyraı jáne Abaı atamyzban tanystyq.

2 oqýshy: Ybyraı Altynsarın- tuńǵysh qazaq muǵalimi. Ol alǵash álippeni jazdy.
3oqýshy: Kel, balalar, oqylyq,
Oqyǵandy kóńilge,
Yqylaspen toqylyq.
Oqysańyz balalar,
Shamnan shyraq jaǵylar.
Tilegeniń aldyńnan,
İzdemeı-aq tabylar.
4oqýshy: Abaı- qazaq halqynyń uly aqyny. Biz Abaı atamyzdyń «Ásempaz bolma árnege», «Ǵylym tappaı maqtanba», «Segiz aıaq» degen óleńderin úırendik.

5 oqýshy: Ásempaz bolma árnege,
Ónerpaz bolsań arqalan,
Sen de bir kirpish dúnıege,
Ketigin tap ta bar qalan.
Án: «Álippe»
Álippe: Kim maǵan apta attaryn, saýsaq ataýlaryn, jeti ata qalaı atalatynyn aıtyp beredi.
6 oqýshy: Dúısenbi, Seısenbi, Sársenbi, Beısenbi, Juma, Senbi, Jeksenbi
7 oqýshy : Áke, bala, nemere, shóbere, shópshek, nemene, týajat.
8 oqýshy: Bas barmaq, balan úırek, ortan terek, shyldyr shúmek, kishkentaı bóbek.

Án: Mektebim
9 oqýshy: Bar kitapqa bas bolǵan
Álippe – ǵylym anasy.
Álippeden bastalǵan
Danalyqtyń danasy.
Álippem meniń álippem
Seni qolǵa alyp men
Esigin ashtym mekteptiń
Erteńgi sáýle jaryqpen.
10 oqýshy: A-ny aıtqanda daýysymyz dirildedi,
Ustazym kóz aldymda kúlimdedi.
Kún saıyn áripterdiń atyn bilem.
Sóz oqımyn, aıyryp áripti endi.
11 oqýshy Álippe – bilim anasy
Álippe –kitap danasy,
Álippe betin ashpaǵan,
Adamnyń bar ma balasy?

12- oqýshy Kelgende alǵash mektepke
Bilmeýshi edik árip te,
Oqımyz qazir ertekti
Úıretken ony Álippe!
13-oqýshy «Álippe»- óleń oqıdy
1-júrgizýshi Álippem meniń álippem
Ómirdi kelem tanyp men
Qaıtalap aıtam myń ret
Ózińe kóp-kóp rahmet!
Álippe: Balalar, sender meni jaqsy ıgeripsińder. Men senderge rızamyn. Bolashaqta da osylaı oqyńdar. Bilim jolynda joldaryń bolsyn Saý bolyńdar!
2-júrgizýshi
Qosh bol, qutty álippem,
Kóp nárseni úırettiń.
Tanystyryp árippen,
Taqyldatyp sóılettiń.
1 júrgizýshi Tanystyrǵan 42 árippen
Qosh bol meniń qasıetti álippem
Seniń arqań oqyp – jaza bilgenim,
Saýatty adam sanatyna kirgenim.
Án: «Qosh bol, qutty álippe!»

Hormen: Qosh bol, Álippe! Qosh bol, Álippe! Sizge Myń alǵys. Balalar bas ıip, qoshtasady.
2 júrgizýshi: Álippemen qosh aıtysyp qalamyz
Endi qolǵa Ana tilin alamyz.
Ata-ana qýanyshqa ortaq bol,
Saýatty bop shyqty mine balańyz.
1 júrgizýshi: Ýa, halaıyq, halaıyq
Munda nazar salaıyq.
Bárimiz qol soǵyp.

Ana tilin qarsy alaıyq, (Ortaǵa ana tili shyǵady)
Ana tili: Aqyl-oıy dananyń,
Ana tili bolamyn.
Ana tili ardaqty,
Aq sútindeı ananyń,
Ósirgen oı bilimdi,
Mánin tereń bilýde,
Meıirimi mol balaǵa.
Ana tildi qurmette.

Barlyq, barlyq anaǵa. Men álippeden oqyp - bilgenderińdi ary qaraı jalǵastyramyn. Báriń ónerli, bilimdi shákirt ekensińder. Meni de osylaı oqyńdar.
13 oqýshy: Ana tilin bilmegen,
Aqyly joq jelikbas,
Ana tilin súımegen.
Halqyn súıip jarytpas.
14 oqýshy. Ana tili uranym,
Ana tili-quralym.
Ana tili bolmasa,
Myqty bolmas turaǵym.

15 oqýshy.
Ana tiliń – bilip qoı,
Bostandyǵyń teńdigiń.
Ana tiliń – bilip qoı,
Maqtanyshyń eldigiń.
2-júrgizýshi
Meıiri mol balaǵa
Bar álemde anaǵa
Basymyzdy ıemiz,
Babamyzdyń tili dep
Dalamyzdyń úni dep
Ana tilin, Ana tilin, Ana tilin súıemiz!

1-júrgizýshi;
Ana tili tórlet, tórge shyq! Ana tili bilimniń qasyna baryp otyrady.
Muǵalim: Al, balalar endi maqal –mátelge kezek bereıik.
16 oqýshy Aqyl azbaıdy, Bilim tozbaıdy.
17 oqýshyBalapan uıada ne kórse, ushqanda sony iledi.
18 oqýshy Bilim izdegen ozar, Búlik izdegen tozar.
19 oqýshy Otan –ottanda ystyq
Hor: «Meniń Otanym»

2 -júrgizýshi
Ýa, halaıyq, halaıyq,
Munda nazar salaıyq.
Talabyna qaraıyq,
Jumbaq sheship kóreıik.
Qabat-qabat qattama, Aqylyń bolsa attama.
Jaza-jaza aryqtaǵan,Jazýdan ol jalyqpaǵan.
Óliden tiri týady, Tiriden óli týady.
Úı ústinde usaq tas, alaıyn desem tabylmas.
Muǵalim: Al, endi oqýshylarymyzdyń ónerlerine kezek bereıik.
Bı: «Jaý-jaý jańbyr»

Án: «On saýsaq»
Bı: Mektep válsi
Muǵalim:Balalar, mekteptegi alǵashqy jetken jemisterińmen quttyqtaımyn. «Álippe» senderdi tek áriptermen tanystyryp qoıǵan joq, senderdi bir-birińmen dostyqqa, mektep erejelerin oryndaıtyn tártipti oqýshy bolýǵa da úıretti. Bilim baspaldaǵyna órlegen saparlaryń sátti bolsyn!
Búgingi kún ár úıdiń toı basy bop sanalar,
Balalardyń esimi áýletterge taralar.
Yrym etip erteńgilik sońynda
Aq tilekpen barshaǵa
Tilek aıtar qonaqtar.
Búgingi bizdiń «Álippe saǵan myń alǵys!» atty erteńgiligimizge kelgenderińizge rahmet!