InfoHub Logo

Alma (ertegi)
Bilim berý salasy: Komýnıkasıa
Uıymdastyrǵan oqý qyzmeti: Sóıleýdi damytý
Maqsaty: Balalardy erteginiń mazmunyn durys túsinip, suraqqa jaýap berýge úıretý. Ertegi keıipkerleriniń ishki kúıi men is - áreketin sahnada oınaı otyryp, beıneleı bilýge daǵdylandyrý, qyzyǵýshylyq áreketin qabiletterin oıatý. Ózderiniń tıesili rólderine enip, ony iskerlikpen, úlken shyǵarmashylyqpen oryndaýǵa tárbıeleý.
Sózdik jumys: Jabaıy.
Ádis - tásilderi: Suraq - jaýap, áńgimeleý, tyńdaý.
Kórnekiligi: Alma aǵashy, qoıan, qarǵa, kirpi, aıý sýretteri.
Polılıngvızm: kirpi - ejık - hedgehog
qarǵa - vorona - crow
qoıan - zaıas - hare
aıý - medved - bear
Sezimderin oıatý

Shattyq sheńber
Al, balalar, qarańyz,
Tańǵajaıyp bar ańyz.
Ertegiler eline,
Qydyryp birge baramyz.
Ný ormanǵa enemiz,
Ásem gúlder teremiz.
Kóńildi bop árqashan.
Tatý bolyp kelemiz.

- Qazir jyldyń qaı mezgili?
- Kúz mezgili neshe aıdan turady?
- Kúz mezgilinde qandaı jemister pisedi?
Dıdaktıkalyq oıyn:
«Dámin tap»
Oıyn sharty: jemisterdi kesip aldyn ala daıyndaıdy. Balalardyń kózderi jumýly, ortaǵa kezekpen shyǵady, jemisterdiń dámin tatyp, qandaı jemis ekenin tabýy kerek.
- Endi balalar, men senderge jumbaq jasyram, sender jaýabyn taýyp kórińdershi?

Uıymdastyrý, izdestirý
Murny beıne túıme,
Ústi tolǵan ıne(Kirpi)

Túri kómirge uqsaıdy,
Qalbalaqtap ushady (Qarǵa)

Qysta uıyqtaıdy,
Jazda qydyrady. (Aıý)

Qalqıyp uzyn qulaǵy,
Eleńdep qorqyp turady (Qoıan)

Jaraısyńdar balalar,«Alma» ertegisiniń keıipkerleri.

Ertegini balalarǵa oqyp, áńgimelep berý.

- Jyldyń qaı mezgili edi?
- Jabaıy alma qaıda qaldy?
- Almany kim kórdi?
- Qoıan Qarǵaǵa ne dedi?
- Qarǵa ne istedi?
- Kirpi neni alyp ketti?
- Úsheýi qaıda bardy?
- Aıý ne dep jaýap berdi?
- Qandaı maqal aıtty?

Ertegini sahnalaý

Án:«Dos bolaıyq bárimiz»
Tynyshtyq sáti: Úntaspadan saıraǵan qustardyń, jel terbep sybdyrlaǵan aǵash japyraqtarynyń, syldyrap aqqan sýdyń, sýsyldaǵan qumnyń, ýildegen jeldiń daýsy estiledi.
- Qane, bárimiz bir sátke kózimizdi jumaıyq. Tabıǵat aıasynda serýendep júrmiz dep oılaıyq. Taza aýa, ashyq aspan, qustar qalyqtap ushyp júr. Alystan sýdyń syldyraǵan syldyry estiledi. Tereń tynys alaıyq. Kózimizdi ashaıyq.
Sergitý sáti:
Alma baqqa baraıyq,
Alma terip alaıyq.
Eń úlkenin almanyń
Anamyzǵa syılaıyń!
(Qımylmen kórsetedi).

Qorytyndy:
Suraqtarǵa jaýap alý:
- Eger almany sen taýyp alsań, ne ister ediń?
- Birge bólisip jegen durys pa?
- Alma qaıda ósedi?
- Dostar bir - birine qandaı bolý kerek?
- Búgingi oqý qyzmet unasa aldaryndaǵy smaılıkti kóterý

Kútiletin nátıje:
Jasaıdy: Balalardy erteginiń mazmunyn durys túsinip, suraqqa jaýap berýge úıretý.
Túsinedi: Ertegi keıipkerleriniń ishki kúıi men is - áreketin sahnalaýdy.
Qoldanady: Oıyndy qyzyǵýshylyqpen oınaıdy.

Jambyl oblysy, Baızaq aýdany,
Túımekent orta mektebiniń
mektepaldy daıarlyq tobynyń muǵalimi
Moldanbaeva Alfıa Daýletovna