InfoHub Logo

Almas shaǵyn aýylda ájesimen birge turatyn. Ol sabaqty nashar oqydy. Anasy jumys barysymen basqa qalalarda júretin. Ol úıge sırek kelsede, ár joly Almasqa syılyqtar ákeledi. 

Almastyń súıikti isi balyq aýlaý boldy. Ol óziniń mysyǵy Mýrkany árdaıym qasyna alyp júretin.  

Bir kúni anasy Almasqa syılyq retinde erekshe balyq aýlaıtyn qarmaq áperedi. Sabaqty umytqan Almas, balyq aýlaýǵa arnalǵan jańa quralǵa tamsanyp júrdi. Kúnderdiń bir kúni Almas teńizde balyq aýlap jatyp, qarmaqqa bir nárse ilingenin baıqaıdy. Onyń qýanyshynda shek bolmady, sebebi, bul altyn balyq bolatyn! Alaıda, ol balyq kenet sóılep ketti: Balaqaı, meni jiber, ol jerde meniń kishkentaı balalarym bar. Men saǵan kómektesemin!", - deıdi. 

Almas mysqyldap kúlip: "Sen maǵan nege kereksiń? Men seni úıge aparamyn, ájem balyq sorpasyn pisiredi". Altyn balyq taǵy da jalynady: "Balaqaı, meniń balalaryma barýǵa ruqsat etshi, men seniń barlyq tilekterińdi oryndaımyn. Endi ne qalaısyń?" Almas oǵan: «Men úıge barǵanda, barlyq tapsyrmalarym oryndalyp tursyn!» dep jaýap beredi. Altyn balyq oǵan: «Saǵan birdeńe kerek bolsa, jaı ǵana aıt» deıdi de buıryǵymen, Almastyń qalaýy oryndalsyn... ,- deıdi. Osy sózderden keıin Almas altyn balyqty ózenge jiberdi, al ol quıryǵyn bulǵap, júzip ketti. Sonymen Almastyń ómiri ózgere bastady. Onyń sabaq úlgerimi jaqsaryp, ájesin qýantyp júrdi. 

Birde Almas synyptasynyń kompúterin kórip, qyzyǵyp ketedi. Sóıtip ol dereý teńizge qaraı asyqty. «Altyn balyq!Altyn balyq!» dep daýystap shaqyrdy. Oǵan altyn balyq júzip kelip: - Ne boldy, balaqaı? Almas oǵan jaýap beredi: «Men ınterneti bar kompúterdi qalaımyn!». Altyn balyq oǵan: «Qymbatty balaqaı, bizdiń teńizde mundaı tehnıkany beretin balyq áli paıda bolmady, Rýhanı Jańǵyrý bizge jetken joq, men saǵan bul jaǵynan kómektese almaımyn, qazirgi zamanda árkim óz betimen jumys isteýi kerek», - dep jaýap berdi. Osy sózderden keıin altyn balyq joǵalyp ketti. 

Almas tileginiń oryndalmaǵanyna qaımyǵyp, úıine renjip qaıtty, endi sabaqty óziniń oqýyna týra keledi. Ol bul týraly uzaq oılanyp, endi balyq aýlamaı, sabaq úlgerimin óz kúshimen jaqsartýǵa kóshti. Onyń tártibi túzelip, qatarlastarynyń arasynda esh qysylmaı júre alatyn boldy. Almas anasy men ájesin qýantyp, óz ómirine dán rıza. Al jaqsy úlgerimi úshin anasy Almasqa ınterneti bar jańa kompúter syılady. Mine, eńbektiń jemisin kórý degen osy, balaqaı!

---