InfoHub Logo

Almaty qalasynyń turǵyny, kóp balaly ana Janna Kım «QazAqparat» HAA tilshisine balalary ne úshin jańa oqý jylynda sabaqtan qalǵanyn aıtyp berdi. 

Oqýshylardyń bilim ordasy tabaldyryǵyn attaı almaýyna  mektep dırektorynyń orynbasary kináli kórinedi.

Janna Kım eri Edýard ekeýi 10 bala tárbıelep otyr. Olardyń tórteýin 2 qyrkúıek kúni mektep dırektorynyń oqý isi jónindegi orynbasary sabaqqa kirgizbeı qoıǵan. Sebebi, olardyń kıimi mektep basshylyǵyna unamaǵan.

«Meniń ulymnyń aıaǵynda qarakók tústi mokasın boldy. Oǵan  mektep basshylyǵy týflı kıip kelýdi talap etti. Onymen qoımaı, shashyń durys alynbaǵan dep tıisken. Al úsh qyzym shalbar kıip barǵany úshin jazyqty bolyp otyr. Ol shalbarlar mektepten bólingen  formamen birge kelgen», - deıdi kúıingen kóp balaly ana Janna Kım. 

Osy oqıǵadan keıin balalardyń ákesi mektepke mán-jaıdy anyqtaý úshin barǵan. Oǵan QR Bilim jáne ǵylym mınıstriniń buıryǵyn kórsetken. Biraq, onyń ishinde mindetti túrde tek ıýbka kıip, sabaqqa týflımen kelý qajet degen shart jazylmaǵan.

«Osyny dırektordyń orynbasaryna aıtyp edim, ol tyńdamastan teris burylyp ketti», - deıdi Edýard Kım. 

«Anyqtalǵandaı, mundaı jaǵdaıǵa tap bolǵan bizder ǵana emes eken. Kóptegen ata-ana osyndaı sharasyz kúıde otyr. Bir qyzdy mektepke qyrly  ıýbka kıip kelgeni úshin kirgizbeı qoıǵan. Sol sıaqty mysal jeterlik. Men osyndaı jaǵdaıǵa tap bolǵan ata-analardy jınap, aryz jazýdy oılastyryp otyrmyn. Balalardy ne úshin sabaqqa kirgizbegenine jazbasha túrde jaýap alǵymyz keledi. Eger balalar shashyn kúlgin túske boıap, úı kıimimen barsa, onda qandaı syn aıtylsa da kóner edik. Balalarymyz mektep erejesine saı kıinip bardy. Biz kóp balaly otbasymyz, birin qoıyp, birin satyp alýǵa jaǵdaıymyz jete bermeıdi, qaltamyz kótermeıdi», -  deıdi Janna Kım.

Bul oqıǵaǵa qatysty Almaty qalasynyń Bilim basqarmasy túsinik berdi.

Vedomstvo mamandarynyń aıtýynsha, bul jerde mektep ákimshiliginiń áreketi zańsyz.

«Jalpy bilim berý uıymdary mindetti mektep formasyna baılanysty QR Bilim jáne ǵylym mınıstriniń 2016 jylǵy 14 aqpanyndaǵy buıryǵyna súıenedi. Onda ul balalar úshin mektep formasy retinde pıjak, jılet, shalbar, saltanatty shara jeıdesi, kúndelikti kóılek bekitilgen.

Al qyz balalar úshin pıjak, ıýbka, shalbar, klasıkalyq úlgidegi keýdeshe bekitilgen», dep atap ótti qalalyq Bilim basqarmasynan.

Sonymen qatar, vedomstvo mamandary barlyq suraqtar boıynsha (272-11-00) senim bildirilgen telefon nómirine habarlasýdy surady.

Taǵy oqyńyzdar:

Depýtat: Joǵary synyp oqýshylary arnaıy áskerı forma satyp alýǵa májbúr

Qatty kerek bolsa - qaltalarynan tólep ápersin

---