Almatyda kolejder aralas oqytý formatynda jumystaryn bastaıdy
Almaty kolejderi jumystaryn 24 qańtardan bastaıdy. Kolejer aralas oqytý formatynda jumys isteıdi, atap aıtqanda leksıa sabaqtary onlaın formatta bolsa, praktıkalyq sabaqtar sanıtarlyq talaptardy saqtaı otyryp, ıkemdi keste boıynsha offlaın rejımde uıymdastyrylatyn bolady.
Bul týraly qalalyq bilim basqarmasynyń basshysy Lázzat Jylqybaeva málimdedi.
«Almatyda 73 myńnan astam stýdent bilim alatyn 83 kolej bar. 24 myńnan astam bala oqıtyn 23 qosymsha bilim berý uıymdarynda jeke jáne 10 adamǵa deıingi toptyq sabaqtar oflaın rejımde júrgiziledi, qalǵan sabaqtar onlaın ótkiziledi. Qazirdiń ózinde kolej qyzmetkerleri arasynda qajetti túsindirý jumystary júrgizilýde»,-dedi Lázzat Jylqybaeva.
Sondaı-aq onyń aıtýynsha, Almatyda orta bilim berý salasynda 293 mektep jumys isteýde, onyń ishinde ótken jyldyń jeltoqsan aıynda Alataý men Naýryzbaı aýdandarynda 2 jańa memlekettik mektep ashyldy jáne olar oqý úderisin uıymdastyrýǵa daıyndalýda.
Osylaısha, memlekettik mektepterdiń sany 209-ǵa, al jekemenshik mektepterdiń sany 84-ke jetti, jalpy mektepterde 302 myńnan astam oqýshy bilim alýda.
You Might Also Like
-
Japon eliniń bir qalashyǵynda qart samýraı turatyn. Ol óz shákirtterin bilimdi, aqyldy etip tárbıeleıdi. Bir kúni sabaq barysynda óziniń tártipsizdigi men qatigezdigimen elge aty jaıylǵan jaýynger ke...
-
Almatynyń bilim berý uıymdary úshinshi oqý toqsanynyń bastalýyna qajetti daıyndyq jumystaryn júrgizýde. Bul týraly onlaın brıfıńte qalalyq bilim basqarmasynyń basshysy Lázzat Jylqybaeva málimdedi.
